حياتي بتدمر وحاسة حالي بموت،اي حد كبير هون يساعدني لانه انا مش عم اعرف أتعامل مع هاد الشي
يا جماعة أنا فتت توجيهي ومرضت مرض نفسي كان ييجيني وانا طفلة ورجعلي بدون سبب…هو وسواس قهري كان بخليني أتوهم بتاريخ موتي و خلاني أتعذب طول هالسنة وضاع كل شي من بين ايدي،المرض راح كله قبل بشهرين من الامتحانات شديت حيلي ودرست وجبت معدل بالسبعينات بس طلعت منهكة نفسيا،المعدل دمرني ودمر كل شي حلو بحياتي و من بعدها عزلت حالي كعقاب و شفت تخصص احلامي راح فحسيت انه خلص كل شي،دخلت الجامعه الي حكيت انه مستحيل ادخلها…و التخصص نص نص ،كان فترة بعد التوجيهي عذاب نفسي جننت اهلي عقد و عصبية و وكنت بنص الجامعه اعيط وشعري وقع حتى سناني ضربو من الستريس و ما درست وخسرت التخصص بس عدت توجيهي مرتين و للاسف رفعت تلت معدلات بس…حاسة حالي بموت جد بحكي وقلبي بوجع
و بس اعيط بحس اني نفسي اعرف هو لمتى لعنة التوجيهي بدها اتضل لاحقتيني!؟أنا حياتي تدمرت…
قبل شوي جيت بدي ارجع اقدم عتخصصي القديم فكرت بزبط…حطيته بالطلب بس للاسف قرأت بالبنود انه ممنوع انقبل بتخصص انفصلت منه قبل….مشان الله احكولي شو عم بصير؟أنا كل عمري 19 ليش يتبهدل بحياتي؟طيب ليش كلهم درسو توجيهي وانا كنت بعالمي الخاص بستنى موتي؟طيب أنا هاد المرض عذبني و أنا تقبلت هالفترة بس ليش لعنته ضايلة؟ليش أنا دايما بنحرم من اي شي بطلبه؟
للكبار وحياتهم حلوة(بس الي حياتهم حلوة يجاوبو)هاي الفتره كفيلة بانها تدمرني؟ولا رح ييجي يوم ويتحسن كل هاد؟ وفي ملاحظة لاحظتها بحياتي انه انا مستحيل اخد الي بدي إيآه إلا بطلوع الروح وحتى انه ما عمري اخدت شي كامل،دايما باخد نص الشي وبتقبله
انتو بتتخيلو اني ضليت سنة كاملة بعيط انه ما بدي هاد التخصص والجامعه ولما ربنا هداني وقررت اقبل بنصيبي هو ما قبل فيني؟