جد ليه في بنات يغاروا ع اخوانهم الشباب في حال شافت بنت تتقربله ؟
قبل شوي شوفت بوست و كثير بنات يعملوا هيك بالكومنت
انه ايش السبب الرئيسي لهاد التصرف او شعور الغيرة؟
ما هي العلاقة اله ، ليه ممكن تغار عليه؟
أنا حاسه تصرف مزعج و بيدخل بشؤون الآخرين مع احترامي
حتى انه الشب ما اله دخل بعلاقه اخته
من رأي كل واحد اله بحاله
حابه اسمع رأيكم يحلوات
فاقد الشيء يعطيه ولا لا يعطيه
الي يقرر يعطي بيعطي بغض النظر عن تحصيله للشيء
مرحبا صبايا
أنا بنت بتحب الموضة و الاهتمام بالنفس و المكياج بطريقة كبيرة ، و مش بس ع نفسي ع الي حولي بحب أساعدهم و الناس اصلاً تطلبني أساعدهم لاني الحمد لله الي نظرة واسعة بالموضوع
مصروفي و وقتي بيكون بيدوروا حولين هذول الامور ، مو كل وقتي بس اغلبه
بحب اجرب أنواع للمكياج كل فترة ، و ثبتت ع نوع شوي ثقيل dark feminine
و هاد الاشي جايب مشاكل كثير مع اهلي ، هم مقتنعين اني بحاول اعجب الرجال ، و حتى بالبيت لما اعمل سكين كير مقتنعين انت في واحد ببالي بدي أعجبه ، صارلي ثلاث سنين ع نفس الموال و بحس اني مخنوقة ، و مش مقتنعة بكل الجهات اني غلطانه ولا مفكرة اوقف ، بس الموضوع وصل لمد ايد و الاهانة ، و المصيبة الأكبر انه كل عيلتنا هيك من خالاتي و بناتهم و عماتي و بناتهم و حتى امي بفترة الجامعة هيك كانت تعمل ، و ربطوا الموضوع بالسمعة و الأخلاق و انه أنا بصير مغناطيس للشاب السيئين ، و خايفين من الناس ، و لاني صبغت شعري (أنا محجبة بالجامعة ) عملوا مشكلة كبيرة عريضة لانه امي نرجسية و متحكمة و الله رح احكي جملة يمكن ما تصدقوها بس انا و الكل نحس امي تغار مني
لما تسمع مدح او تشوفني في اقبال من الناس تسويلي مشكلة كبيرة و تقلل مني ، و تسوي مشكلة من لا شيء و تكبر الموضوع بطريقة تقليل من الشرف و تختلف أمور مش موجودة ، حتى انها تعبي برأس ابوي علي و ينتهي الموضوع بالضرب ، و يحرموني من المصروف و تدخل باسم الدين مع انه لبسي نفس لبسها و مكياجها و تستخدم اغراضي بعد ما تسوي المشكلة و توخذهم الها ، و اقعد مخنوقة من حركات ابوي ، و تحكي لابوي انه يجبرني ع الجلباب لانه هو ما اله سلطة عليها بس علي
مع اني أنا ما بحب اسوي اشي بالخفية ( اني احط مكياج من وراهم ) ، ولا حتى بحب حد يتحكم فيني و أنا من الجامعة للبيت و حاطه حدود للناس ، بس نمطي و ستايلي يجيب الي مشاكل من طرف اهلي بتعب منها و مش عارفة كيف اتصرف
رجاءً يا بنات لا تجرحوا مشاعري بدي حل لاني تعبت
احكولي صفة تجذبك جدًا في الرجل كانت بالمظهر او حتى بالشخصية مع انه نادر تلاقي شخص يمتلكها
أنا رح ابلش (الكتاف العريضة ، الي ينخلق رباني يكون عنها ضخامة و جهامة + المرؤة)