u/Strict_Listen_405

احنا اي نعم امبارح كنا علي أخرنا و عايزين اي حد نطلع غلنا فيه بس بصراحه لما فوقت عرفت ان لو الحكم ليه في أن احنا نخرج حسام حسن ليه قدوا تلات مرات ( مش بقلل منه كتر خيره) انا عايز اعرف انت واحد كسبان الارجنتين بطل العالم ٢ـ صفر ولسه ربع ساعه علي الماتش ليه تروح تنزل مرموش وتريزيجيه انت عايز يعني تجيب التالت عشان تقول أنك فاجر قسما بالله لو دي فرنسا لكانت ركنت الباص وقالت علي جثتي ليه منزلتش حسام عبد المجيد ليه لما شوفت ميسي راح علي الطرف منزلتش حد يشيل مع كريم حافظ احنا بس عشان كانت اخر لحظه لحظه جدل تحكيمي كلنا مسكنا في الحكم ونسينا أن في الاستراحه بتاعت الشوط التاني سكالوني عمل تغيرين قلبوا الماتش وراح حسام حسن قالوا اساعدك دا احنا مشهورين بالجدعنه والنسبه للاعلام اللي الأوروبي اللي بتقولوا دا شاهد انت لو شفت الاعلام هتلاقيه يا اي حد مدريدي أو تبع كريستيانو أو يا اما الإعلام الانجليزي زي شيرر وريو وغيرهم عشان مش عايزين يقابلوا الارجنتين في نص النهائي احنا عملنا زي اي منتخب افريقي في البطوله جينا في الاخر وجبنا ورا

كان في اتنين بيحبوا بعض عشق الإبل وهيموتوا علي بعض زي ما بيقولوا المهم الواد راح عشان يتقدم الأهل قالوا مش مناسب عشان كذا حاجه منها أنهم نفس السن (٢٢) المهم البنت قعدت تقول يا هو يا بلاش لحد ما هربت من أهلها عشان تتجوزوا المهم حاليا البنت دي عايشه عيشه سوده كل يوم تقفشوا بكلم بنات بليل وكل شويه يقعد يضربها وهي مش عارفه تشتكي لأهلها لأنهم هيكملوا عليها الموضوع بقي أن انا لما سمعت القصه فرحت اوي فيها عشان هي واحده خانت ثقه أهلها اللي ربوها وهربت وفي الاخر طلعوا هما الصح فهل ده صح ولا لا

ملحوظه: دي قصه واحده صاحبه اختي واختي اللي حكيتلي وده كل اللي اعرفه عن الموضوع والموضوع بقالوا دلوقتي سنه ونص

كان في اتنين يحبوا بعض بس مكانش فيه نصيب الانثي تبقي جارتنا والذكر اسمو كريم المهم جارتنا اتجوزت واحد تاني قعدت معاه سنتين وخلفت منه ولدين كريم ويوسف وبعدها مات بعد ما العده خلصت علي طول اتجوزت كريم مع العلم أن كريم كان متجوز واتجوزها علي مراته والعيال حاليا بيعتبروا كريم دا ابوهم ومراته الأولي مستحملتش واتطلقت دي القصه بالضبط اللي عايز أقوله تخيل اتجوز واحده اقعد معاها سنتين واخلف منها عيلين وفي الاخر تطلع عمرها محبتني ولسه بتفكر في حد تاني و الأكبر من كده تسمي ابني علي اسم حبيبها مجرد التفكير في الموضوع بيجيبلي خنقه الحاجه العدله في الموضوع أن جوزها مات بدري وان شاء الله ربنا يعوضه في الجنه فمن موقعي هذا بطالب الجنسين ياريت متظلموش اللي معاكم وقولوا الحقيقه وهما يختاروا

انا بالنسبه ليا مسلسل friends بيظبطلي الدنيا اوي

كنت بلعب مع صحابي لعبه بالكوتشينه اللي يسحب أقل ورقه يسأل الباقي سوال كان الموضوع ضحك وهزار بس جيه في بالي السؤال ده( المفروض اعمل ايه لو واحده تخصني اتعاكست وهي ماشيه معايا من مجموعه ناس عارف انك لو دخلت معاهم في شكله ممكن تتضرب أو تاخد سكينه ) لان انا فعلا مش عارف المفروض اعمل ايه فقولت اسأل ممكن اخد اقتراحات اكتشفت أن كلهم بردو مش عارفين ايه الصح لدرجه ان احنا سيبنا اللعب وفكرنا في الموضوع وبردو متوصلناش لحل فجيت هنا وبصراحه حابب اسمع الاجابه من البنات اكتر لان هما اللي هيحددوا نظرتهم لينا بعد الموقف ده وياريت بلاش الشاب اللي هيقول اروح اجيب صحابي وافشخهم عشان انا صحابي زي مبيفشخوش حد

الوقتي انا طالب طب سنه رابعه درست معظم التخصصات اكتر واحد ارتحت معاه وحسيته سهل النسا والتوليد وبفكر اخده بعد التخرج بس الشيء الوحيد اللي مانعني نظره الناس ليا لأن المجتمع واخد عن دكتور النسا فكره وحشه فمش عارف ابعد عن الشر و اغني له ولا اعمل ايه وبرده عشان مكنش كداب انا متفهم اي حد رافض الفكره انا ذات نفسي عمري ما هخلي مرات تروح عند دكتور نسا (ممكن عشان كده عايز اتخصصه 😂😂) بس اللي يغيظ أن كل الستات تقعد تقول كده واول ما بيكشفوا بيروح للراجل عشان شاطر من الأسباب اللي الناس بردو مفكرانا متحرشين أن هما مفكرين اي واحده بتكشف لازم تقلع و دي مش حقيقه اغلب الكشف بيبقي تاريخ مرضي بس ولو فيه اي فعل بيبقي سونار وده غير المرافق اللي موجود

من اسبوعين تقريبا في عريس كان متقدم لأختي دكتور ماشاء الله طول بعرض عيله محترمه اللي هو الحسب والنسب عشره علي عشره بس هو شخصيا معرفه سطحيه واختي كانت مرحبه بالموضوع بس احنا زي اي ناس محترمه مبناخدش بالمظاهر قولنا له ادينا فتره نسأل عليك الاول وهو قال حقكم طبعا وبصراحه كل ما نسأل حد عليه يقول في قمه الاحترام وعارف ربنا و يبختكوا بيه وفي واحد صاحبي يبقي صاحبه قالي انو ملوش في النسوان ولا متشدد في الدين وكده واحنا خلاص كنا هنوافق لكن في واحده معرفه لأختي مش صاحبتها اوي بس اللي هو زمايل لكن هي تبقي صاحبت اخت العريس اوي قالت لنا انو مش كده خالص وانو كل اسبوع بيكلم واحده واتنين وان كذا واحده اشتكت منه في العياده احنا سمعنا الكلام ده اتصدمنا وامي قالت فعلا ياما تحت السواهي دواهي واختي قالت دا انا حبيته راح ابويا رد عليها وانا كمان كنت حبيته 😂😂 المهم بعتنا وقولنا كل شيء قسمه ونصيب المهم يجي انهارده نسمع ان هو قرأ فاتحه علي واحده نسأل مين الحزينه اللي اتضحك عليها يطلع مين ...ايوه خمنتوا صح صاحبه اخت العريس انا عارف ان الموضوع تحسوا نكته بس الوقتي اختي وامي علي آخرهم وحتي ابويا بس بيقولها ملكيش نصيب فيه واختي ممصمه اني اروح افهمه علي الموضوع كله عشان يرجع في الموضوع والا هتروح هي أنا حاسس ان مش فارق معاها العريس قد ما فارق معاها الخازوق( بصراحه خازوق لوكس😂😂) ...الوقتي يا رجاله ايه العمل الصح وانت يا ستات ازاي نجيب حقنا ( لا يفل الحديد إلا الحديد😂)