r/Arab_football

ممكن نعرف هو ناقصه ايه عن لامين يامال ومبابي غير شوية PR عشان ينافس وهو عامل كل حاجة الموسم اللي فات عالمستوى الفردي وارقام مساهمات تاريخية غير كاس العالم كمان؟

طب و الواد ذنبه ايه في المدعكه دي كلها؟؟؟

ياراجل الموضوع معداش عليه يوم و باعو كل حاجة

حقق فريق جامعة المستقبل إنجازاً تاريخياً ورياضياً غير مسبوق في تاريخ الكرة الجامعية، بعد انتزاعه بطولة دوري الجامعات إثر فوزه في المباراة النهائية الدراماتيكية على غريمه التقليدي فريق "جامعة العهد"، في لقاءٍ قاده كابتن الفريق وصانع ألعابه ورئيس مجلس إدارته الفعلي، رجل الأعمال البارز مرجان أحمد مرجان.
وخرج ريال مدريد بموسمين صفريين متتاليين دون أن يحقق حتى بطولة دوري الجامعات.

انا بحب ميسي اه وبشجع ميسي وعمري ما هغير رايي انه افضل لاعب لمس الكره في العالم كله في كوكب الارض بس مش هقدر انفي ان رونالدو كان اكبر منافسينه وكان لاعب عظيم بردو وبصراحه ميستحقش النهايه دي وانه حبه عيال صغيره في المنتخب يعملوا معاه كدا وبردو هو كان بينافس اكتر حاجه عمرك ما تقدر تنافسها وهي الزمن والعمر وهو كبر بردو

فرق بين مطرود من منتخب والمنتخب يلعب أفضل بدونه ولاعب حمل منتخبه لنهائي كأس العالم تواليا بمجهود فردي و الجميع يتمني استمراره علي الأقل لبطولة كوبا أمريكا القادمة

​

"رونالدو كان هيعتزل دوليًا بعد كأس العالم، لكنه اتكلم مع رئيس الاتحاد البرتغالي بيدرو بروينسا، ومع المدرب جيسوس والاتنين أكدوا له إنهم لسه معتمدين عليه. وبالفعل رونالدو بدأ أساسي في أول مباراة لجيسوس مع البرتغال ضد ويلز، ولعب 70 دقيقة قبل ما يتم استبداله، والبرتغال كسبت 1-0.

• بعدها جه ماتش النرويج. وجيسوس قرر إن رونالدو ما يبدأش المباراة؛ لأنه لعب 70 دقيقة قبلها بـ3 أيام فقط، وإنه مش من المنطقي إن لاعب عنده 41 سنة يبدأ مباراتين قريبين من بعض ." ورونالدو كان واثق إنه رغم وجوده على الدكة، إنه هينزل أثناء المباراة لأن جيسوس كان متفق معاه إنه هيلعب آخر 30 دقيقة. ونزل يعمل إحماء، لكن المفاجأة… رونالدو ما لعبش ولا دقيقة! 😳

• جيسوس قال إن المباراة فرضت عليه قرارات تانية. إن جونزالو راموس كان بيقدم مباراة كويسة، وسجل هدف، وهدف تاني تم إلغاؤه، وأن المنتخب كان بيدافع تحت ضغط الترويج وبالتالي شاف إنه مفيش سبب يخرج مهاجم ويدخل مكانه مهاجم بخصائص رونالدو، وقال إن القرار مالوش علاقة بالحالة البدنية لرونالدو، وقال إنه كان جاهز يلعب "بالمدة اللي هو عايزها".

• ورد فعل رونالدو بعد المباراة لفت الأنظار 👀

بعد الماتش رونالدو اتجه للنفق المؤدي لغرف الملابس، بدل ما يروح مع باقي لاعبي البرتغال لتحية الجماهير، وبعدها الإعلام البرتغالي قال إن رونالدو مش مبسوط من طريقة التعامل مع الموقف، إنه حس بقلة تقدير انك توعده بحاجة ويسخن عشانها ووقت الماتش يتفاجئ بحاجة تانية عشان كده رونالدو قرر ميتدربش مع باقي لاعبي المنتخب بعد المباراة، ورجع للفندق، فالإعلام البرتغالي بدأ يتكلم إن بقى فيه توتر حقيقي بين رونالدو وجيسوس.

• رئيس الاتحاد البرتغالي بيدرو بروينسا غيّر خططه وسافر لإسكندنافيا للتدخل وحصل اجتماع بين رئيس الاتحاد، ورونالدو وجيسوس. واتقال أن الأزمة اتحلت بعدها ، وإن كل الأطراف خرجت من الاجتماع راضية ومركزة على مباريات البرتغال القادمة.

• جورجي جيسوس طلع في المؤتمر الصحفي بعدها حاول علنًا يقلل جدًا من حجم الأزمة، وقال إن الموضوع "مكانش مشكلة من الأساس." وإن مكانة رونالدو الأسطورية تستحق الاحترام لكن مع بداية المباراة، القرار في إيد المدير الفني. وإن مفيش لاعب هيغير قراراته التكتيكية.

⚠️ رونالدو بعد ما كان ناوي يرجع التدريبات قرر يغير رأيه بعد تصريحات جيسوس إن "مكانش فيه مشكلة" وان بدل ما يدافع عنه اتكلم مكانه واستهون باللي حصل معاه وبما أن رونالدو قالها قبل أيام " إنه لو حس في أي وقت إن البرتغال أو جورجي جيسوس أو الاتحاد البرتغالي مش معتمدين عليه فعلًا، هيجمع شنطته ويمشي. وده اللي عمله وقرر يسيب المعسكر ويرجع مدريد وحاليا ماركا طرحت حتى احتمال إن كريستيانو رونالدو ممكن يقرر الاعتزال دولياً.

رونالدو في النهاية قرر يحسم الجدل وأعلن عبر انستغرام مغادرته لمعسكر المنتخب البرتغالي بشكل رسمي وقال :

" بعد المؤتمر الصحفي لمدرب المنتخب، وبعد حديثي مع رئيس الاتحاد البرتغالي لكرة القدم، قررت مغادرة معسكر المنتخب الوطني

وفي الوقت المناسب، سأوضح لجميع الشعب البرتغالي حقيقة الأسباب التي دفعتني إلى مغادرة المنتخب، الذي لطالما كرّست نفسي من أجله. أما الآن، فقد حان الوقت لأتمنى التوفيق للبرتغال ولجميع زملائي في المنتخب، دون استثناء"

...

رأيي أن رونالدو مبقاش قادر يستحمل تشكيك الإعلام والصحافة فيه طول الوقت ومش شايف أن خيسوس أو المنتخب بيدعموه كفاية أنه يرد عليهم وإنه قرر ينسحب من المشهد قبل ما حد يطلب منه ده ويقلل منه وغالباً مسألة وقت وينشر بيان اعتزاله الدولي.

رونالدو كان عنده فرصة أسطورية يعتزل بعد بطولة دوري الأمم الأوروبية اللي كان هدافها ومن المؤثرين فيها على حساب أفضل منتخب في العالم إسبانيا لكن عدم إدراكه لسنه الحياة وخوفه من أنه يفوت تحقيق حلمه جه على نفسه وقلل من أسطوريته من أجل لا شيء وبما أن قصة البرتغال انتهت فمسيرته كمان مسألة وقت وتنتهي بكل أسف .. شكرا على كل شيء يا رونالدو ❤️💜 ".

منقول من صفحة المبدع Mostafa Mo II على فيسبوك وبنصح اللي له في الكورة سواءً مدريدي أو لأ يشوف تحليلاته وبوستاته اللي فوق ممتازة