رونالدو
انا يمكن من الاشخاص اللي بعشق رونالدو بشكل مش طبيعي و دايما بحبه عن ميسي لأسباب كتيره اوي
بس عندي تفسير للي حصل من ساعه 2018 ، الكاركتر اللي خلقها رونالدو هي كاركتر سيئه ، من هو ناشئ بيقول انا الافضل و انا الاحسن و مش شايف حد غير نفسه و هو فعلا اثبت انه الافضل و بغض النظر عن اقتناعك انه الافضل او لأ فأرقامه خير دليل ، بس خلينا نقول انه واحد من افضل تلاته او اربعه ، فبعد كل الكبرياء و انه مش شايف حد قدامه و بعد ما كان بيستفز الجماهير و بيوعد انه هيفشخهم و يوفي زي ساعه ماتش اتليتكو ف طبيعي جدا يوم لما مستواك يقع محدش هيسيبك
يعني من 2018 رونالدو بيتظلم في الاعلام و من المدربين و الفرق و كل ده بسبب تراجع مستواه و ده طبيعي بسبب عامل السن ، فعشان كدا حتي الفيفا نفسها حلطاه في دماغها ، الفيفا مكنتش بتقدر تعمل معاه حاجه ايام ما رونالدو كان في الريال لأن بكل بساطه كان بيرد في الملعب
فرونالدو علي مدار السنين خلق اعداء سواء مع المنتخب او الفرق او اي مكان و هو حاليا بيحصد نتيجه كل حاجه
و رونالدو في حاجه مأدركهاش غير متأخر ، انه طالما معتمد علي قوه جسده كلاعيب اعتماد كامل لما هينهار هيبقي بدون قيمه ، رونالدو اخر سنينه في مدريد كان عباره عن اله تسجيل اهداف سواء القوه العضليه اللي مخليه سريع او القوه العضليه اللي مخلياه ينط او القوه العضليه اللي مخلياه يشوط ، فكل اعتماده علي جسده ، عكس حد زي ميسي هو موهبه و الموهبه عمرها ما تخذلك لأن كل حركات جسدك محفوره في دماغك و قادر تمارسها في اي وقت ، فهنلاقي ان ميسي مهما عدت عليه سنين فقادر يمارس مهاراته حتي لو مبيجريش ، لكن رونالدو ظلم نفسه بأنه ركن مهاراته علي جنب و بقي اله تهديف و بس ، و اظن رونالدو لو مكانش راس حربه و مأهملش مهاراته الكرويه ، كان هيبقي لعيب اكثر شموليه مما هو عليه