اللارومنسية، اللاجنسية والحياة في سوريا
كيفكن، اليوم جاي احكيلكن عن تجربتي باعتباري شخص سوري لاجنسي لارومنسي ، و عشت اغلب حياتي بسوريا، منشور خفيف بس رح يكون طويل شوي.
خلينا بالاول نخلص من التعريفات و الاسئلة، اللاجنسية هي عدم شعور الشخص بالرغبة او الانجذاب الجنسي لأفراد اخرين، اما اللارومنسية هي عدم الشعور بمشاعر الحب الرومنسية، و خلينا نكون كتير واضحين ان التنين يعتبرو طيف كامل مو حالة وحدة، يعني مو كل شخص متل التاني، في اشخاص ممكن بحسو بالانجذاب او عدم الانجذاب بحالات معينة، بفترات معينة، بشروط معينة، او بشكل اقل من غيرن، ممكن اذا حدا مهتم يسألني بالتعليقات و نتعمق اكتر بالموضوع.
بعض الاسئلة الشائعة:
1- do asexuals have health problems/ dysfunctions?
A1- nope, some might, but it's not a deciding factor.
2- are aromatics devout of emotions?
A2- also no, some might not experience romantic love like y'all do, some might in certain conditions or to a lesser degree.
3- why do aces love garlic bread so much?
A3- what do mean?! It's garlic bread!!!!
4- is this permanent?
A4- not always, some people misidentify themselves, some people change slowly with time, but from the people I know I can say that this is a minority.
اسا بعد ما خلصنا كل هالحكي نجي للمهم، تجربتي الشخصية و كيف اثر هالموضوع على حياتي من صغري و بدايتنا رح تكون بفترة بداية البلوغ، الموضوع كتير كتير غريب علي بالبداية و كان الاحساس الطاغي اني انا الغلط، و بسبب هالشي و كتير امور تانية كانت فيني مشوار تقبل الذات اخد مني فترة طويلة، و متابعة دائمة مع دكاترة نفسيين، قضيت فترة معينة برات سوريا و هالفترة كتير ساعدت من ناحية التشخيص.
كنت كتير انفر من الشباب يلي كان كل همن التلطيش و تسليع المرأة و جماعة "الطيرة" بشكل عام. باواخر عمر المراهقة كنت واصل لمكان مرتاح فيه مع شخصي و كنت افهم كيف الناس حواليي بفكرو، ليش بقدرو الحب و العلاقات هي لهالدرجة، بس كان فرقي الوحيد اني ما بشاركن نفس المشاعر، بس بحس بمشاعرن، ما بعرف اذا وضحت هالفكرة.
من ناحية الاهل استمر لفترة طويلة الحديث منن معي بهالامور، انو معقول مانك مرتبط، او الاسئلة من نوع ايمت بدنا نخطبلك/نفرح فيك.... بس ما كان لهاد الشي تأثير كبير عليي.
"The Talk" with my father was exceptionally hilarious as well
الموضوع يلي كان يسببلي انزعاج كان اذا اعجب حدا فيني، بالبداية كنت ما اعرف حط حدود بشكل واضح و صريح و كان كتير يدايقني اني اكسر بخاطر حدا لسبب مو غلط منن، but life goes on، و هلق بشكل عام بعرف حط حدود لعلاقاتي و اني كون واضح و مباشر بهالامور.
طيب هل كان في تأثير للاجنسية تبعي بقراري بترك الدين ؟ بصراحة لا، كنت عطول اشمئز و اقرف من التصويرات الدينية للمرأة بس وقتا متل ما قلت كنت لسا حاسس الغلط مني.
رح جاوب بالفقرة الجاي عن شوية اسئلة من تجربتي الشخصية، و بأكد مرة كمان ان الاجوبة هون مابتعبر عن حالة اشخاص غيري.
انا شخص جدا عاطفي و بهتم بمشاعر الاشخاص حواليي على عكس شو ممكن البعض يتصور باعتباري لارومنسي، و ياما مشتغل خطابة بين رفقاتي 😂، طيب هل الموضوع الو علاقة بنسب الافراز الهرمونية؟ ممكن، بصراحة ما بعرف. كلشي عندي ضمن المجال الطبيعي بس ما بعرف اذا في تأثير بحالات اشخاص غيري.
اذا لسا عندكن اسئلة عن تجربتي او بشكل عام فيكن تسألو طبعا، او اذا اي حدا بحب يشاركنا تجربتو كمان.
بالاخير حابب وضح ان حالتي اسهل بكتير من حالات اشخاص غيري، بالذات ان اللاجنسية و اللارومنسية ما بتظهر بشكل واضح عالفرد، ولا في كره علينا من المجتمع قد فئات تانية
So to all of our lovely queer siblings, stay strong!