r/ExSyria

مرحبا، بس تنويه بسيط هاد الحساب هو حساب nsfw (بالمختصر porn 😭) بس لأن ما قدرت انشر من حسابي أبدا، بس عملت hide لكل شي بقا المفروض ما يكون اشكال. على كل حال آخر فترة صايرة كثير عم اتدايق من أهلي، لدرجة كثير شديدة بتخليني فكر بأمور مو منيحة (مثل selfharm وحتى suicide...). بحس معاملتهم للحيطان أحسن مني، ما في أبدا تقدير لرغبتي أنه ما روح معهم لمكان معين، ودائما لازم اعمل الشي يلي هنن بيطلبوه وبيتدتيقوا لما يكون الرد "مشغولة" أو "مو هلأ" وبتبلش أسئلة تبع "شو عندك مشاريع" وغيره كثير. جدا ما عم اتحمل الموضوع، وصراحة صرت عم دور على subreddits وعالفيس أو الانستا على شغلات العلاقات مو مشان شي غير أني بس نتفة ارتاح من نقهم المتواصل ويلي ما بيخلص... أكيد مو رضيانة بهالشي بس ما عاد عم اقدر شوف أي أسلوب ثاني :( ورفقاتي مستحيل اقدر احكيهم بهيك موضوع، بالذات أنه هنن كمان قاعدين مع أهلهم وغالبا بعانوا من نفس الموضوع اذا مو أكثر... شو بتنصحوني اعمل :( (بعرف موضوع السفر هو أفضل شي بس حالي هالشي مستحيل، بتمنى ما كثير نفوت بتفاصيله)

ملاحظات ثانية عني: صراحة أنا nonbinary 😔 بس ميالة أكثر باتجاه transgender (mtf: male to female)، بتمنى هالشي ما يدايقكم...

انا متزكر نفسي وقت كنت مسلم، ما كنت شخص سوبر متدين، بس كنت حب ديني واعتبرو الحقيقية المطلقة وقمة الرحمة والعدل، كنت حرفيا ابكي وقت اعمل شي "حرام" وصير صلي وادعى للله يسامحني ويغفرلي.

انا ابدا ما سمعت رأي مخالف عن ديني من أي شخص بحياتي وكانت فكرة الإلحاد جدا غريبة وغير منطقية بالنسبة إلي. بس بعدين لأول مرة بحياتي شاهدت فيديو لشخص ملحد على اليوتيوب (قصي بيطار) كان الفيديو يلي شفتو مو عن الدين او الإسلام او اي شي، كان سياسي عميحكي عن سوريا وقت "التحرير" وعجبني رايو السياسي جدا وكنت مستمتع بكلامو.

على أي حال، انا ما كنت بعرف انو ملحد وانو بحارب الإسلام أبدا، استغربت من هادا الشي وصرت شوف فيديوهاتو القديمة والجديدة عن الدين. مرت تقريبا فترة سنة عمشوفو ومن خلالو اتعرفت على للادينيين آخرين متل حسن عيسى وكمان صرت تابعو.

هدول الشخصين دمرو كل شي كنت اعرفو عن الإسلام. فرجوني فظائع وإجرام وقصص سخيفة ولا أخلاقية ما بعمري سمعت عنها، عطوني نظرة تانية تفسر أفعال محمد بدقة ولماذا فعلها....

انا لوقت ما كنت مسلم كنت اكره داعش جدا لانن مجرمين ارهابيين بكل ما تعنيه الكلمة من معنى، وكنت معتبرن غير مسلمين لانن يقومون بأمور اجرامية لا يمكن ان يكون الدين أمر بها. وبعد ما دورت بالأحاديث وسبب نزول آيات القرآن وجدت انهم ينفذون اجرام هذا الدين الحقير بالحرف وما جابو شي من كيسن.....

عشت فترة صراع نفسي، ما قدرت اتقبل انو هالدين القذر يمكن ان يكون بهذا الاجرام والقذارة، وبالآخر كل ما دورت اكتر وكل ما سمعت اكتر عن مصائب هادا الدين بلشت تلتغى قدسيتو فيني بشكل كتير فعال.

بعدين اتجهت للفلسفة وعلم اللغات والتاريخ وعلم الأحياء وهدول الأمور جدا فادتني وعبتلي وقتي.

نصيحة لكل حدا عمبدور عن صحة هذا الدين الجربان، خليك عمتبحث بشكل حيادي وحط القدسية بالدرج، واقرأ القرآن والاحاديث من دونها. وأسأل نفسك هل يكفي ان يكون كتاب سخيف مثل القرآن دليل على نبوة مومو؟

الادعاء العظيم بحتاج الى دليل عظيم، والقرآن لا يرقى ان يكون قصة للاطفال قبل النوم.

جماعة عندي سؤال، هل انا الوحيد الي بقرف لما حدا يقول "لحم" بالحديث عن البنات؟ يعني انا شب وبحس بقرف شديد من الشخص الي بستعمل هيك لغة يعني المحجبة هي عبارة عن كيس لحمة؟ البنت السبور "لحم رخيص/مكشوف"؟!؟!؟! لهدرجة؟! يعني هاي مو انسان اله كرامة ونزاهة وعقل ويمكن روح وكيان؟؟ ولا مصطلح "صبايا العطاء" هاد لسا انا ما عم افهموا، يعني كان في مدام عالانستا عم تحكي بلهجة ساحلية عم تعرض لبسها لليوم، وكان شي فوق الركبة، دخلت عالتعليقات هيك فجأة بشوف "شكل كلمة علوية" ولا "صبايا العطاء" ولا هاللغة الي انا اساسا ما فهمان معناها، يعني انا ما بعرف بس بشكل واضح مصطلح اهانة..

فضفضة..

أنا كردي.

بعد وصول أحفاد بن لادن والبغدادي للحكم، فقدت الإنتماء لسوريا. صار عندي طفل ولهلا ما سجلته بالقيد السوري. لكن أقول لنفسي نحن أقلية لازم نسجل حالنا.

هل أنت أيضا يا أيها المغترب فقدت الإنتماء لهذا الكيان المسمى سوريا؟

Edit: معه جنسية ألمانية

انا انتقلت جديد على بيت بالغوطة الشرقية واختيار المكان كان عاطفي شوي لانو قبل الحرب كنت ساكن بهي المنطقة والسبب التاني القرب من الشام وهو مو غالي مقارنة بالاماكن التانية
غالب الاحيان لما بطلع برا البيت بكون لابس شورط والصراحة انا بشوف انو هو شورط طويل يعني بوصل لفوق الركبة بشوي بس كل ما اطلع الاحظ نظرات كتير سيئة من العالم بشارع ومالها مريحة ابدا والاسوء انو الجيران بالبناية والحارة عم ينظرو نفس النظرات
وانا اتعمد بعد ما قطع الجيران بلفت وشي بلاقيهن عم ينظرولي صرت اخاف جد
وصار معي موقف تاني انو واحد من الجيران اجا خبرني انو ما اطلع على البرندة بدون اشي على جسمي
انا بالعادة بالبيت بعد ب شورط قصير وبس والبرندة بستخدمها لنشر الغسيل او اجيب غرض منها
الجيران عم تدايق لما عم اطلع هيك
انا جدا مصدوم انو عم اتعرض لهي المواقف لانو ما كنت متخيل انو عنجد ممكن حدا يحكي او يطلع عليي
ومالي قادر استوعب الفكرة ورافض اني اغير شي بحريتي الشخصية طالما ما عم أأذي حدا
الاسلام مرض ويجب معالجة المجتمع او هجره

أنا بحاجة لمبلغ مالي للسفر، عدة آلاف من الدولارات وأقل من 10 آلاف. في شخص أعرفه قادر يأمّن لي المبلغ بسهولة، لكن بالمقابل طلب مني الزواج «بالحلال».

المشكلة إنه هو متزوج وعنده أولاد، وعمره 44 سنة، وأنا بصراحة محتارة ومش عارفة كيف أتصرف.

هل الزواج بهيك حالة ممكن يكون قرار منطقي، ولا ممكن أندم لاحقًا خصوصًا إن الدافع الأساسي هو الحاجة للمال؟

حابّة أسمع تجارب البنات اللي مرّوا بموقف مشابه، أو أي نصيحة من شخص شاف حالة قريبة من هيك.

شو كنتوا تعملوا مكاني؟

مبارح كان أول يوم الي بدون حجاب كلو صار يقلي الله يهديكي و ليش قمتيه و ما بعرف شو بس انا متأكدة انو هاد احسن قرار اخدته بحياتي😍😍

انا بعيد عن سوريا صرلي ١٨ سنة. كتير بحب اسمع وشوف النقاشات بس اغلب العالم اللي بتشارك عمرها صغير ف انا حابب اعرف ازا انا الوحيد الختيار مو اكتر لاعرف شارك بالنقاشات ولا بس اسمع واقرا.

كتير بيستفزني وقت بلاقي مؤمنين(ايا كان دينن او طائفتن) بالصب قاعدين عم يسبو و يشاركو ببوستات كره الاسلام و ما حباً بالإسلام ولا انه انا مابتحمل حدا يسب ديني السابق قدامي.
حرفيا موضوع الاديان كلو عأيري بس انك تفكر انه دينك او طائفتك لو كانت الدين الغالب حيكون الوضع احسن بكتير ف هي اسما انك delusional و مالك قاري كتاب بحياتك

بتفهم سبب التركيز على كره التعاليم السنية بحكم الوضع الحالي بسوريا و انن عم يدحشو الدين بطيزنا بس لو كنت مسيحي/ شيعي/يهودي الخ ف كمان الدول يلي حكمتا هالاديان و تطبقو الاديان فيا وضعا بيخري و بيتسخدو الدين لتبرير كل فسادن و إجرامن و بيرفضو كل حدا مختلف عنن تماما نفس الوضع عنا هلق

no hate to anyone who believes, i genuinely couldn’t give two fucks but don’t be a hypocrite:)

اهلي متشددين و ما فيني شيل الحجاب ، بس عم فكر اني شيله بالجامعة و لما اطلع ارجع حطه

بس لسعتني شوي مترددة

في ناس بتعرفني من السنة الماضية اني محجبة ، هنن مافيهم يوصلوا لاهلي او يخبروهم ، بس مثلا شو ممكن تكون ردة فعلهم ،و هل هذا الشي رح يأثر عليي بالجامعة ؟

مرحبا، حابب شارك قصتي والصراع يلي عايشو يوميا
انا شخص كنت مسلم كيوت من عائلة مسلمة كيوت يعني الدين هو مجرد عادات اجتماعية لا اكتر ولا اقل
من عشر سنين تزوجت زواج تقليدي وكانت قرايبتي وهي عيلتها ملتزمين كتير بالدين، وهاد الزواج زواج مبكر كان عمري وقتا ٢١ سنة كنت يا دوب مخلص معهد تقاني واشتغلت، فأهلي كتير كتير ساعدوني ودفشوني على الموضوع، وطبعا لانو الزواج كان بلا وعي كمان من اول سنة اجتنا بنوتة وهون قلبت حياتي كتير لانو مرينا بتجربة انو هالبنوتة عندها تأخر روحي حركي بسبب مشكلة صارت بالحمل، وضلينا معالجات وتدريب لهلأ ووضعها كويس، وبعد بخمس سنين كمان بضغط المجتمع ورغبة مرتي جبنا ولد تاني، يلي ما بعرف عنجد كيف وافقت اعمل هالشي بعد التجربة الاولى، بس ابني كان طبيعي والامور سليمة.
منرجع لقصة الدين، انا شخص كنت كتير كسلان وما بعرف عن الدين غير الشي الرائج وما كنت مهتم لا اتعمق ولا انفذ عبادات ولا شي، وكنت ما صلي كسل لانو الوضوء والصلاة بدن جهد، اول كم سنة من الزواج كنت اصلي واقطش معظم الاوقات بعدين ما عاد صليت ابدا وهون بلشت مرتي تنق عليي ااوم اصلي يوميا النق والنكد على الموضوع، وبالرغم من مسؤوليات الحياة يلي طلعت بوشي هاد الموضوع يلي اكتر شي تنكد حياتي فيه وانا خلص ما عندي طاقة نفسية اعملو، لحد ما يوم من الايام انفجرت وخبرتها انو انا شو عرفني انو الاسلام صح بدي ادور واقرأ غير اديان، وكانت جملة اعتباطية ما بعرف منين جبتها وبس حكيت هيك لاكسب وقت وخليها ما عاد تنق
وتمر الايام وتحول النق ل قريت بالاديان، وصلت للصح "يلي هو الاسلام" وانا قول لسا عم اقرأ والموضوع مو بهي البساطة وانا ما كون عامل شي.
كمان من اربع سنين بلشت رحلة النادي والاكل الصحي وانو اهتم بحالي كتير، وبعد اول سنة من هالرحلة تغيرت نفسيا وكتير زاد النق من طرف مرتي فقلت ليش ما اقرأ وهون بلشت المصايب
بلشت اتعمق بالدين واكتشف المصايب السودة.
اول ما اكتشفت بلشت اشك وارفض اعمل شي وصرت احكي واول موضوع جذبني وطرحتو هو المرأة بالاسلام واديش مهانة المرأة واعدت اناقش مرتي كتير بس ما قدرت اقنعها او فوت الشك لقلبها ابدا مع انو ما عرفت ترد على شي
صارت تقلي روح شوف شيخ الله يهديك، وانا ازداد الموضوع عندي وشفتو ممتع اعدت اقرأ اكتر لاقتنعت انو مافي اله يعني صرت ملحد
اول ما اقتنعت حاولت اعبر لمرتي عن الموضوع وهون تخانقنا خناقة كنا حننفصل ووقتا تأكدت هي ما بتحبني كشخص بل كزوج، اضطريت اتراجع عن افكاري مشان الاولاد وظبطت الموضوع ومن وقتها عايش بصراع داخلي وعم امثل يوميا
والمشاكل عم تكبر يوم بعد يوم، هي بعالم وانا بعالم، والفرق بالافكار كتير كتير كبير بيناتنا.
هي بتشوف النادي والاكل الصحي يلي بعملو واي شي جديد بعملو مثلا تعلم الالماني هو شي مالو طعمة شي خارج عن النمطي والمألوف لئلها وانو مخي اعوج
وانا النادي غيرني نفسيا قبل جسديا، كتير غيرت عادات للاحسن عادات كنت ورثانها من المجتمع والاهل، صرت افكر بكلشي وانقد كلشي واشتغل عحالي كتير وادعم اولادي، حتى استقل اكتر انا بغسل وبجلي وبطبخ وبنضف ما عندي مشكلة وبشتغل وبجيب مصاري للبيت
صرت احاول طلعها من النمطية يلي هي فيها، هي لما تزوجنا كانت خالصة بكالوريا وبدها تفوت كلية شريعة بس ما كملت لانو اجانا اول ولد بئا ما عملت شي بالحياة غير الاولاد والبيت وهاد الشي كتير كتير مقدرو وبزعل عليها انو متأكد قرار زواجها مو منها كان بس هيك الدنيا مشيت
صرت قلها لا تاكلي هم الاولاد والبيت روحي تعلمي انكليزي او تعرفي على عالم جديدة لانو ما عندها اصدقاء غير اختها يلي وضعها نفس الوضع او اشتغلي وانا بساعدك بكلشي وعم ادفشها لتكتشف حالها وصرلي على هالوضع سنة بس هي رافضة رفض قطعي والفجوة بتكبر يوم بعد يوم وبتقلي ايمت حترجع متل ايام زمان وانا هون بتشقف من جوا لان مو حاسة يلي بعملو انو صح.
وانا من ضمن خططي اسافر لالمانيا بعد فترة وهي رافضة اصلا وكتير بعاد صرنا
وبالمناسبة برغم من كل هاد الحياة الجنسية جيدة بس صار انا عندي فتور بالعلاقة بسبب افكارها صرت ما احسن امارس معها بسبب الفكر
وهلأ بضل بفكر لازم ننفصل احسن ئلي وئلها ولا لازم اضحي انا ولا لازم تضحي هي
بس بفكر انو هي عيشة وحدة ما بدي ضل عايش هيك بحياة ما اخترتها والصراحة حاقد على اهلي بسبب هالشي كيف بتزوجوني بعمر صغير بدون وعي بعمر التفكير الجنسي بكون طاغي لانو بوقتها اكيد وافقت وقلت يا سلام شو المشكلة اذا اهلي عم يساعدوني ما باكل هم شي 😭
حتى ما حدا وعاني مشان الاولاد
صرنا نتخانق على كل الامور الدينية حتى رمضان بمثل انو عم صوم وهاد الشي بخليني اتألم
الصراحة حاسس بالخوف وكتير خايف اخسر اولادي لانو بحبن كتير كتير بس بنفس الوقت وصلت لحدودي النفسية وبدي اعيش
هي عدا ضغط المجتمع يلي حوليه يلي ازداد سوء بعد التحرير الدين صار شي اساسي حولي وبالشارع
تعرضت لكذا موقف بسبب لبسي مع مرتي ومع الجيران
يمكن طولت البوست ويمكن ما حكيت كلشي بس حبيت افضفض

ليش كثير نساء عندهم تفضيل واضح للرجل الطويل؟

بصراحة، لما تشوفي شب طويل، شو الصورة اللي بتتكون بمخيلتك؟ قوة؟ هيبة؟ رجولة؟ أمان؟ جاذبية؟

وبالمقابل، لما تشوفي شب قصير، شو أول فكرة بتخطر ببالك؟ وهل ممكن طوله يقلل جاذبيته أو رجولته بعينك حتى لو كان واثق وناجح ووسيم؟

احكوا بصراحة، حتى لو الجواب قاسي أو مش "سياسيًا صحيح".