الله قبل الإسلام
أكيد سألت حالك و انت صغير , ليش اسمو محمد بن عبدالله ؟
ليش كان في الله أصلاً قبل الإسلام ؟
و الجواب .. إي كان الله موجود قبل الإسلام ..
محمد متل عادتو ما بيجبلنا شي جديد
منبدأ من كيس المسلمين .. الزخرف (87) و لقمان (25) يونس (31) المؤمنون (85)
القرآن بيقلك إنو (كفار) مكة لم ينكروا وجود الله كخالق .. و عندما سُئلوا عمّن خلق السموات و الأرض و أنزل المطر أجابوا (الله)
و اعترفوا إنو الأصنام و الآلهة الأخرى ما هي إلا وسائط للتقرب من الله الذي يبدو بأنه في مرتبة أعلى من غيره من الآلهة (الزمر : 3)
الله موجود على النقوش الصفائية (الأردن و سوريا) و كذلك النقوش العربية القديمة في اليمن .. و كان على ما يبدو إنو (الله) اسم علم يُدعى في الظروف القاهرة (مثل طلب النجاة و السلامة و الري في عمق الصحراء) إلى جاااانب آلهة أخرى مثل اللات و شيخ القوم و بعل شميم ..
كان مذكور بقصائد الجاهلية متل النابغة الذبياني اللي بيقلك :
أَلَم تَرَ أَنَّ اللَهَ أَعطاكَ سورَةً
تَرى كُلَّ مَلكٍ دونَها يَتَذَبذَبُ
فَإِنَّكَ شَمسٌ وَالمُلوكُ كَواكِبٌ
إِذا طَلَعَت لَم يَبدُ مِنهُنَّ كَوكَبُ
عدا عن وجود أسماء تبجيلية في الجاهلية مثل وهب الله و عبدالله .. متل أبوه للأفندي ..
يتفق معظم علماء الآثار على إنو اسم الله مشتق و جاي من دمج لغوي و انكماش للقب الـ إله (الـ اله) .. و متل ما عرفنا من قبل , في تشابه كبير بين (إله) و (إلوهيم) و (إيل) .. ووجود اسم بعل إلى جانب اسم الله في كثير من النقوش بالأردن و سوريا .. بيخبرك كمان إنو هي سلسلة وحدة متصلة ..
كلمة الإله نفسها .. كلمة استخدمها المسيحيون في بصرى للدلالة على يهوه (مثل نقش دارة القديس سرجيوس 512م) كما أن التغالبة و غيرهم من المسيحيين العرب سابقاً كانوا يحلفون بالله و يقسمون به في أشعارهم ..
متل ما بيقلولك إنو تطور لفظ الإلات أو الإلهَت (الإلهة) ليصير لاحقاً (اللات)
بالقرن الخامس قبل الميلاد بيذكر هيرودوت إنو العرب يعبدون إلهةً تشبه أفروديت .. و كانوا يقولون عنها (أليلات) أو (أليلوت)
طبعاً كل هاد الحكي و نحنا ما منعرف الله شو شغلتو تماماً مية مية .. رب السما ؟ المطر ؟ الفجل ؟ العرق ؟
لحد 2024 ..
د. أحمد الجلاد بيلاقي نقش يعود للسنة صفر .. 600 قبل الإسلام
يصف هذا النقش الله بأنه الخالق الذي يجلب النور و يطرد الظلمة :
(الله فليكن نور، واحفظ من ظلمة قبره، وامنح ذيك النور. يا واحد الخَلق، ليمنحه من خَلَق ذلك النور)
shout out to "let there be light"
طيب شو يعني ؟ ما الإسلام إجا وقلك إي كانوا يآمنوا بالله بس كانوا (مشركين فيه) .. و هو بس إجا ليقلهن لا ياجماعة مو هيك العبادة , منعبد بس واحد ..
"مشركين فيه !"
الخطيئة التي لا تغتفر عند الإسلام ..أصلاً لو في إصدار إسلام لايت كان سمح بالردة و الإلحاد , بس كان رح يضل يمنع الشرك .. و الأدلة على عظمة الخطيئة أكثر من أن يتسع لها الريدت
مين كمان حرم الشرك ؟ اليهووود .. يعني حتى بالتوحيد , محمد ما قدملنا أي قيمة إضافية ..
722 ق.م .. . بعد قرون من سماح اليهودية بالشرك
إسرائيل بتسقط للمد الآشوري .. و بيهاجروا على يهوذا يلي بيلاقوا حالهن قدام قبائل ما بيوحدها شي .. ف بيقرروا إنو نحن شعب واحد .. إلهنا قومي واحد .. و عاصمتنا القدس .. كما رفع شعار "لا إله إلا يهوه" في وجه الآلهة الآشورية الغازية .. متل ما عمقلك ..
«אֲנִי יְהוָה וְאֵין עוֹד, זוּלָתִי אֵין אֱלֹהִים»
لنرجع شوي لورا .. متل ما كان يهوه , هو أحد الآلهة اللي بيقعدوا بمجلس إيل أو هو إيل نفسو .. و كانوا ينعبدوا سوا على نفس المذبح .. الله كان ينعبد مع يهوه و بعل و اللات و هبل و غيرهم عند العرب .. و كان كمان , متلو متل يهوه , لا يعبد مباشرةً إلا في الظروف القاهرة .. و لا يذكر اسمه إلا ما ندر (د.جلاد وجد أكثر من 1500 نقش يحتوي اسم اللات مقابل 50 لـ الله)
مثلَهم مثلَ إيل .. اللي كان كمان هو الألفا و الأوميغا .. يلي ما حدا بيعبدو بشكل مباشر .. بس بيتقربولو بعبادة آلهة تانية ..
إي و الـ اله يا شريك ..
و بعيد عن السيرة شوي .. الكعبة صنم .. متلا متل هبل متل اللات بس كانت (ولا زالت) بتجيب مصاري بالهَبَل عليه و على ربعو .. و طبعاً كان في كتير كعبات غيرها بوقتها .. لهيك بعت جرير البجلي ليدمر كعبة ذي الخلصة اليمانية و غيرها .. لتجي الناس على حجرتو هو و يعطوه مصاري إلو هو .. متل ما صار مع إسرائيل و يهوذا كيف كسروا مذابح الآلهة الأخرى و حرقوهن ليتوحد الصف و الرأي ضد العدو الخارجي
سردنا ؟ لا تواخذونا ..