من اول ما طلع الخبر ومافي صفحة صاحبها مسلم ما نشرو وصار يحكي انو زعلان عالملاحدة والنصارى
يا سيدي الف مبروك وخلص تم اثبات صحة النبوة وتم اثبات وجود الله بس نحنا شو دخلنا بهالقصة كلها على علمي روبيرتو كارلوس مو عالم فيزيا
مستعدين يتقبلو اجنبي يسب ربهم ونبيهم ويحرض عليهم ولا يلمحو ملحد عربي يطرح افكارو عليهم
اول شي لا انا مو شبيح ولا بحب بشار ولا ناطر ماهر يجي ولا فلول لزم التوضيح
شعبنا لازم يتعلم شغلة كتير مهمة والي هي مناقشة الافكار لما تشوف حدا عم يحكي عن بشار الاسد وجماعتو ب ايجابية بعتقد لازم تناقشو وتبرهنلو انو هو غلط بدل سياسة تكميم الافواه و الاسكات واحلى شي انها سهلة يعني ما رح تتعب وانت عم تأثبتلو اجرام نظام الاسد ف بتمنى بدل ما يصير سخرية من اشخاص تتحول السخرية للافكار فقط
كان بودي كمان الحكومة تعمل هيك شي بس غاسل ايدي منها للصراحة *تعديل : عدم السخرية من اصحاب الافكار مش بشار السخرية من بشار مستحبة
ليش كل ما تصير موجة كراهية او عنصرية من الغرب على المسلمين او العرب بيصيرو يحكولك هاد هو المجتمع الغربي الي بتحكو عنه هيك العلمانيين بدهم يتعاملوا مع العرب والمسلمين
ببساطة عزيزي العربي المسلم ما فيك تلزم اتنين لا دينيين بفكرة ما بالك تلزم كل اللادينيين
واصلا مش عارف كيف العلمانية بتربطوها بالعداء على الاسلام ؟
العلمانية بالمختصر هي فصل الدين عن الدولة فقط لا غير
يعني دينك ب بيتك والمسجد او الكنيسة مكانو مش بالشارع او على مقاعد سياسية
انا عن نفسي ضد خطاب الكراهية والعنصرية على اي مجموعة من البشر
ورح احكيلك ليش الغرب بينظرلك هي النظرة
1.افكار الشعوب الغربية المتطرفة بتعززها افعالك متل الصلاة بالشوارع والاماكن العامة متل قيامك ب اعمال ارهابية متل رأيك الإقصائي للبشر فقط بسبب انتمائهم لمجموعة غير مجموعتك و ببعض الاحيان انهاء حياتهم
2.عجزك عن التبرئ من نصوص دينك الي بتحرض على الكراهية والقتل والعنف وبالتالي بتعطي فرص كبيرة لنمو الفكر اليميني المتطرف بدول الغرب
3.إعتبارك للمرأة روبوت مصمم للجنس والعشم الزائد بإنك انت المسؤول عن المرأة وهي ناقصة عقل ودين ما بتقدر تشيل مسؤولية
طبعا هي لسا ما حكينا عن الافعال الي بتعملها بالدول الي بتطبق افكارك على ارض الواقع والمصائب الاخلاقية الي فيها
ورغم هيك انا بشوف الخطابات والافعال الي عملها بعض من جمهور الارجنتين او غيرو غير مقبولة ابدا
انا ما بشوف الغرب مقياس للأخلاق ولا بشوف انو الغرب ملائكة وبظن كتير ناس تتفق معي ب هاد الموضوع
بس بشوف اي مكان على الكرة الارضية أرحم بمليون مرة من العيش بدول بتطبق افكاركم
فكرت ب هاد السؤال ولاقيت إن ممكن مفهوم "اللانهاية" اخترعها البشر لأن دماغهم محدود و غير قادر على الوصول للنهايات
بحث بأكتر من مكان ولاقيت
°أرسطو كلامو بيتوافق مع الفكرة
بيقول ارسطو اللا نهاية بالقوة وليست بالفعل وبيجيب مثال الخشبة انو اذا ضليت تقطع ب هي الخشبة دماغك رح يصورلك انو مافي نهاية ل هاد الفعل اما بالواقع رح توصل الخشبة لمرحلة غير قابلة للقطع
°اما جون لوك ف قال انو نحن لا نعرف ما هي اللانهاية نحن فقط نعرف ما ليست عليه (ليست محدودة) مثل الظلام هو مش شيئ موجود بذاته هو مجرد غياب الضوء واللانهاية هي غياب القدرة على استيعاب الحد
وكان من أبرز منتقدين هي الفكرة (فلسفياً) : ديكارت وسبينوزا
"لأن رياضياً قدر كانتور يفندها تماماً"
°ديكارت قال إن عقلنا لا يمكنه معرفة "المحدود" أو "النقص" إلا إذا كانت لديه مسبقاً فكرة خفية عن "اللانهاية" أو "الكمال" وطبعا اعتبرها ديكارت دليل على وجود إله
°اما سبينوزا جادل بأن الوجود (أو الطبيعة) هو جوهر لانهائي بطبيعته واللانهاية هنا هي "الامتلاء المطلق" وليس الفراغ أو العجز
°وطبعا التوجه الجدلي متمثل ( ب "ماركس" و "أنجلز") رد على انتقاد ديكارت وسبينوزا وكانتور وقال :
_أنتم وقعتم في فخ "النزعة المثالية". لقد أخذتم "اللانهاية" كفكرة مجردة في الرياضيات والذهن وظننتم أنها موجودة في الواقع الخارجي
_حقيقة أن الرياضيات تستطيع حساب اللانهاية لا يعني أن اللانهاية "شيء مادي" موجود في الطبيعة الطبيعة تتكون من مادة ملموسة متناهية في أجزائها، لكنها لانهائية في تحولاتها وحركتها
_إذن العقل البشري لم يفشل في التقدير الرياضي لكنه يفشل عندما يظن أن التجريد الذهني هو نفسه الواقع المادي
أما انا ف تفكيري رسملي إن الانسان كائن محاط بحدود بيولوجيا وزمنية لكن ما بيشوف غير الاشياء الي قادر يرصدها لذلك وضع مفهوم "اللانهاية" تعويضاً عن عجز دماغه بإيجاد الحدود
انا لا ديني بس من خلفية علوية عمري بالعشرينات وما حفظت الدستور حرفيا الشيخ تبعي حكالي هيك
كتير من الملحدين الجدد بضان لأقصى المراحل
يعني من المفروض بعد ما تصير ملحد يصير عندك اسلوب ومستوى من الاستقلالية الشخصية وتبطل تصير مهووس بالبشر حتى لو 1%
هل انا مختل عقليا او فعلا هدول بضان ؟
شعب سوريا اكتر شعب ما عندو قابلية يحكم نفسو شعب مشتت جاهل عنصري مو قادر ولا حتى رح يقدر يكون مجتمع طبيعي
بقعة جغرافية تجمع فيها مجتمعات بشرية بينهم نزاعات ما بتنحل ابدا
اغلبية الشعب ما عندو وطنية ولا عندو قبول للاخر ولا حتى عندو اسلوب يعيش فيه
كل ايدولوجيا بيطبقها بيطبق اسوء نسخة منها
كل جماعة بتنتظر حتى تصير قوية شوي وبتبلش فتك بالجماعات التانية
ف هل في حدا من النخب المثقفة رح تزعل او ترفض إحتلال سوريا ؟ وخصوصا انها دولة حديثة وما الها وجود تاريخي ( سوريا الحالية تبع ال 14 محافظة )
مسا الخير يا جماعة
من سنة دخلت بعلاقة عاطفية مع بنت اردنية وانا سوري (معلومة عني انا ما بتجذبني مفهوم العلاقات وكل علاقاتي السابقة كنت ابعد منها لانو ما بقدر اكمل وبشوف انو صعب لاقي حدا ينطبق على جوي ) المهم هي البنت دخلت حياتي وتعلقنا ببعض وصرنا نحكي كتير وحبينا بعض كلشي كان ماشي زي الفل لحد ما صار في مشكلة كبيرة بسورية وانا كنت من الاقليات الدينية ويعني حياتي كانت بخطر حكيت معها وخبرتها انو مارح اقدر احكي هدول اليومين لما رجعت لقيتها ضايفة شب وحاذفة الهايلايت الي بيني وبينها وقافلة حالة النشاط وسألتها مين هاد حكتلي هي بنت ( اسم الشخص بيزبط للولد والبنت ) كنت شاكك ف المهم تاني يوم حكيتلها انو مو مرتاح ممكن تفرجيني الشات بينكم هي ما رفضت وورجتني الشات وبالشات طلع كاتبلها انو هو شب وكانو بيتعرفو على بعض وبيمزحو وبيقترحو افلام واغاني وهيك امور انا اعتبرتها خيانة المهم لما واجهتها وحكيتلها انو بدي انهي العلاقة حكتلي انو هي معها مرض نفسي وانها كانت بتحكي معو على اساس بنت ولما اخدت المحادثات كلها من الشخص كانت بتحكيه بصيغة مذكر والابشع من هيك انها نطرت 5 شهور حتى حكتلي انو معها اضطراب ثنائي القطب وحكتلو ياها من اول يوم ووقتها كمان حكتلي انها تعرضت لشي بشع وهي صغيرة حسيتها عم تتلاعب بس ما ترددت لثانية وتعاطفت معها ورجعت العلاقة المهم صار كتير امور ب الفترة هي ساهمت بكسر الثقة من طرفي ما عد وثقت فيها ابدا صرت شك ب كل تفصيلة رح اختصر كلشي صار ب انو قبل 3 او 4 ايام انهيت العلاقة