u/Sweetofi

قبل ٧ شهور كلمتني اجنبيه مصريه خريجة تربيه فرش بس تبي تاخذ رخصه انا ماخذتها وتشتغل بالمجال ذا وافدتها بالموضوع واختبرت بعد شهرين ونجحت الله يوفقها المهم كل ماشافت شاغر ارسلت لي وانا كذلك ونقدم مع بعض بكل شي للعلم اني عندي خبره ٩ شهور بالمجال ذا وهي لا توها جديده وقس وااات؟ توظفت براتب ١٠ الاف مامزح😭😭😭😭لنفس جهة انا كلمتهم قبلها ورد علي مصري قال مافي شواغر بس احتفظنا بملفك كذاااب وظفها لانها بس نفس جنسيته طيب السعوديين ليش مايسوون كذا يوظفون بنات بلدهم لاننا نفس الجنسيه ليش ماعندنا ولاء لبعضنا ومحبه ؟؟
الواضح انه تمييز ويعادوننا بدولتنا عاد ماتقدرو تقولو فيني شي وهي احسن مني الخ… ١- انا خبره بالمجال اكثر وهي خبرتها خدمة عملاء ٣ شهور بمصر٢- راتبها عالي، راتب السعودي بالتوطين اقل ٣- قدمنا مع بعض رسايل واتس هي حصلت رد ومقابله وانا لا انكرشت ٤- كلنا بنات ماتقدرو تقولو شغل عيال وهي اصلا كبيره شوي بنهاية الثلاثين ٥- انا بالمدينه نفسها الي فيها الوظيفه(الغربيه )وهي بالشرقيه وناقلينها ومتكفلين بسكنها ٦- انا خريجة علوم وهي تربيه وانا معدلي عالي مره قريب ال٥ وهي very good

احسدها؟ اي والله احسدددها وسؤال اقدر اشتكي ع الجهة وعندي المحادثات مع المدير المصري ان مافي شواغر وبعدها بيوم طلبو البنت ذي مقابله مايعتبر تمييز جنسي وعنصريه؟ واصلا ليه التوظيف بيد الاجنبي حسبي الله

تعرفو الفنادق العالمية والكبيره اقدر اقدم عليها يدوي ولا كله من مواقعهم؟ اي احد اشتغل فيها بليزز يساعدني

ابي دوله برا ترحب فيني وتوظفني من اول شهر حتى لو براتب قليل زي الي يصير هنا ويزيد مع الوقت انتم تحسبون الراتب يهمنا بس لا والله ضاع عمري وعشريناتي بين جدوان ومهنتي انهدمت راضيه اتوظف ب١٥٠٠ مابي حد ادنى بس شي اكتبه بسيرتي وبحياتي الفراغ ذبحني وجربت كل الطرق الا اني اكون الاجنبيه لو احد يعرف لو كذبت اني مثلا مصريه ينفع لان اسمي الاخير يشبه بعض المصريين ولا بيطلبو مني جواز وغيره؟ واذا ماينفع علموني عن دول برا تعاملني وتفضلني او تساويني عن ابناء بلدها بلييي

ابي استشيركم للي عنده خبرة قبل شهر سويت مقابلة وقالولي عن ساعات الدوام والمهام وقالي بيكلمونك قريبا الاتش ار وتفائلت خير وكلشي لكن لانهم فرع جديد تاخرو للان شهر مر ولاكلموني وفي ناس من زملاء سابقين قالو تابعي معهم لان انتي عاطله ومو خسرانه شي يمكن يتذكرونك وتعطيهم نظرة عنك كويسه بس ماتعتبر متاخر المتابعة؟ واخاف المدير يحسني مزعجه ومابي ابان مره بحاجتهم بليز اشرحووو لي كيف اكتب بطريقة محترمة ولا خلاص انتظر الاتش ار يكلمني زي ماقال لي المدير وانا عادي لو يرفضون اهم شي يبلغوني لان الانتظار تعبني وكليوم ابحث لو احد توظف وهم يحتاجووون موظفين بالفرع ذا ناقلين جدد واليوم جتني اخبار حاجتهم منجديد

ابي استشيركم للي عنده خبرة قبل شهر سويت مقابلة وقالولي عن ساعات الدوام والمهام وقالي بيكلمونك قريبا الاتش ار وتفائلت خير وكلشي لكن لانهم ناقلين مكتب جديد تاخرو للان شهر مر ولاكلموني وفي ناس من زملاء سابقين قالو تابعي معهم لان انتي عاطله ومو خسرانه شي يمكن يتذكرونك وتعطيهم نظرة عنك كويسه بس ماتعتبر متاخر المتابعة؟ ومابي ابان مره بحاجتها كأني بموت بدونكم اشرحووو لي كيف اكتب بطريقة محترمة ولا خلاص انتظر الاتش ار يكلمني زي ماقال وانا عادي لو يرفضون اهم شي يبلغوني لان الانتظار تعبني وكليوم ابحث لو احد توظف وهم يحتاجووون موظفين بالفرع ذا ناقلين جدد واليوم جتني اخبار حاجتهم منجديد

انا خريجة ٢٠٢٤ وجلست سنه ادور وظيفه تدريب واعترف جزء من عدم حصولي ع شي سيرتي وقلة الفرص بعدين جاني تمهير بتخصصي وشركة كويسه وطورت نفسي وكونت علاقات وصديقات بالشغل والمدراء يحبوني واخذت شهادات بالادارة وبعد بتخصصي واخذت رخصه مطلوبه ونادر احد ياخذها وتوتل اللي دفعته ٨ الاف ع شهاداتي وتطويري وكان احد الاسباب الي اخذت الرخصه ذي الشركة المشغله بمكان تدريبي يوظفو فيها المبتدئين ويحتاجو ووعدوني الكثير منهم لو اخذتها اتوظف وكنت شاده حيلي لان البيئه عاجبتني ابي اتوظف عندهم وكنت اداوام ٧ونص واطلع ٤ ونص فوق ساعات تدريبي واساعد الكل واتدخل واجتهد وجت فتره اسبوع محد داوم بالمكتب غيري انا والادارة الموظفين اجازات وظروف ومعاي متدربه ولما عرفت انهم اجازات غابت معهم ومسكت كل الشغل لحالي اسبوع بس صبرت لاجل الوظيفه وبفتره جابو مبادرة تدريب طلاب جامعه ومسكتهم ودربتهم مليون مره ومعدلي ٤.٩٨ ولغتي ممتازه عندي ايلتس ٧ وحرفيا تجي اوقات اعرف اشياء اكثر من المدراء المهم نهاية تدريبي وظفوا المتدربه الي تداوم ٩ وتخرج ٣ وماعندها الرخصه طلبو تاخذها خلال اول ٤ شهور ومنفسه عليهم وتستحقر المدراء وحاطه حدود بزياده مع الموظفين ماتهرجهم حتى لو شغل مسويه تستحي المهم انا زعلت فتره بعدين عرفت لان البنات بالمكتب (المفروض صحباتي) خافو مني اتفوق عليهم ووظفوا الي مستواها عادي فالمشكلة مو بادائي الحمدلله الكل يشهد فيني والان مرت ٥ شهور ابحث عن وظيفه بمدينتي وبرا مدينتي دخلت ٧ مقابلات وجاني عرضين ورفضتهم لان بمدن بعيده وراتب قليل واخر مقابله قبل اسبوعين والمدير الاجنبي وقتها هاوشني يقول انتي انطوائيه وماتصلحين للبيئه حقتنا وقوي شخصيتك قلتلها انا طبعي هادي وهالشي مابيتعارض عن مهامي وادائي والمهم حسيته كارهني لاني البس كمام وهو كان يسب المنقبات وقالي في كاميرات بكل مكان لازم تتركين كمامك قلت مرتاحه فيه ونفس علي، المهم للان ماسمعت منهم شي وقفلت الباب عنهم ماتوقع منهم شي

لكن كل يوم اصحى ابكي وافكر ايش ناقصني؟ ايش السر الي يخلي الكل يتوظف وانا لا كل شي سويته تقديم يدوي الكتروني واسطات ومعارف حتى صرت كل يوم كل يوووم حرفيا ابحث بكل برامج التوظيف وجدارات ولو احد من معارفي جته مقابله يعطيني رقمهم واكلمهم يقابلوني يعرضون علي وحتى باللنكدان تشحذت الكثير عرفت عن نفسي لهم ولا فايده! حتى برا مجالي عادي اتوظف بس ماحصل كاشير كاشير ماحصل متخيلين؟؟احيانا افكر في تعسير بحياتي يمكن المكتوب لي استسلم انا ظروفي صعبه جدا ماديتي ومادية اهلي والفراغ جالس يقتلني 💔والحل