Uscis received my application on june 16 and I am still waiting for an answer. My start date is somewhere in september, will I make it on time? Why is it taking so long? On their website it says that 80% of similar cases are processed within 3 weeks.
مرحبا جميعا، حابة احكي قصتي و بدي نصيحة. حدا عندو زوج اجنبي؟ كيف عملتوها؟
انا مواليد السعودية وعايشة من كم سنة بامريكا و اهلي نصهن بالسعودية و نص هون. (امي بالسعوية وابي توفى الله يرحمه) عندي اخوات هون. اهلي محجبين متدينين و متعلمين و بيحبوني. المهم انو طاح الحظ فيني و وقعت بحب امريكي من اصول كاثوليكية بس هو agnostic(متلي انا).
صار سنتين و تاكدت منه و من مشاعري و عن جد كتير منشبه بعض و كتير بيحبني و بيحترمني و شهم عنجد اي شي بيصير معي من الظروف السيىة بيساعدني قبل ما اطلب.
تقدملي من كم اسبوع و عطاني خاتم و طلب ايدي. وانا قبلت واخدت الخاتم. انا رح انتقل لولاية تانية بعد شهرين. الولاية بعيدة كتير و هو حيترك شغلو و كل شي ويروح لهالولاية يسكن هنيك. المشكلة انا محتارة و بدي نصيحة. هو حابب نعيش سوا طالما نحن التنين بهديك البلد لحالنا وما منعرف حدا. وانا حابة اسكن معو بس ميتة خوف من اهلي.
خياراتي هنن:
١- قول لاهلي هلأ و شوف شو بيصير معنا قبل ما ننتقل هنيك. بهالحالة ممكن يعملو مشاكل و يا اما يقاطعوني او يجبرونا نستعجل وهو ياسلم و نتجوز هلا وما احتفل مظبوط.
٢- الاحتمال التاني اني عيش لحالي هنيك و استنى بس استقر هنيك خبرهن. المشكلة انو صعبة و تكلفة انو نعيش بعيد عن بعض. ما عندي حدا هنيك و صعبة علي ما نقضيها مع بعض. و المسكين حيترك مدينته و شغله و اهله كرمالي كيف اقنعه انو ما نعيش سوا.
٣- الاحتمال الثالث انو نعيش مع بعض و بس اقدر خبرهن عنو بخبرهن. بهالحالة مؤقتا فيني خبيه و اعمل انو حانتقل لحالي. الخطورة هون انو باي وقت فينن يجو شو ساعتها رح اعمل؟ استاجر بيت تاني احتياط؟ البيت مكلف و مو منطقي.
٤- الحل الرابع انو نسكن بشي بيت مقسوم بيتين. مشان اذا احتمال اجو عندي ما يشوفوه و بنفس الوقت مع بعض. المشكلة كمان انو صعب لاقي هيك شي وكمان عالاغلب مكلف.
بنهاية المطاف محتارة ايمت وكيف خبرهن و كيف اقنعهن و كيف حافظ على علاقتي معهن و بنفس الوقت اخد كل شي بوقتو و ما استعجل بالعرس والاحتفال. في ناس تزوجت قانوني بعدين عملو حفلة؟ كيف التجربة؟ الرجاء اذا حدا عندو حل دبلماسي مناسب لعائلة سورية مسلمة يفيدني.