العروبه و الافريقانيه والهوية و الطبقية
الكلام ده انا اتكلمت فيو مية مرة طبعا ماف واحد يقول انه ده مجرد كومنت لا دي منظورات فكريه و وعي فكري اتشكل عند صاحب التعليق ده
قال ليك لو انت عربي اثبت نسبك لقريش او عرب السعوديه وهي دي اول مشكلة فاكر لمن اقول انا عربي معناه لابس عقال ولوني فاتح و شعري ناعم و سايق لكزس حرفيا بفكر كدا
مش انت عربي ليه م بتشبه السعوديين الحلويين ديل حرفيا بيرى الناس و الحياة كدا والكلام حقه ده م جديد ده قالو فاروق جاتكوث انفصالي جنوبي في برنامج اسمو ساعة حساب من ٢٠١١قال فيه ياخي م تشبكونا نحنا عرب امشو السعوديه شوف بيقولو ليكم شنو قصدو طبعا انو بقولو ليكم عبيد عادي وهو انا ي فاروق عشان واحد سعودي قال لي كدا معناه ازعل و اتجرد من هويتي القالوها لينا جدودنا و انسابنا و مخطوطانا قاعده و محفوظه قبل م اثبت انو نحنا عرب او لا لازم اشرح الكائن ده بفكر كدا كيف
هو ليه عنده مشكلة مع ادعاء العروبه
واحد بيفتكر انو انت لمن تقول كدا معناه انك حر ونحنا مجرد عبيد
اتنين بفتكر انك بتحاول تصل للنقاء العرقي بانتسابك للاشراف او للعباس او للرسول صلى الله عليه و سلم ماف تفسير تاني لانه م عندك مشكلة اذا قلت انا جدي الملك ترهاقا
تالت موضوع الزواج لمن مثلا واحد ليس بعربي يعترض للرفض من الشماليين بيعتقد فقط لانه هو ليس بعربي عشان كدا م قبله بيه الزواج و ده غلط طبعا
رابع الطبقه الاجتماعيه طبعا اتخيل العرب و دول الخليج ديل افقر دول ف العالم و بمشو يغتبرو برا و بشتغلو سواقين كان في زول استنكر علينا انه نحنا عرب لا بالعكس كان قالو انت عربي ساي ف بفتكر لمن تقول انا عربي انت ي سوداني ي من الدول العالم التالت بتحاول تتلصق بمن هم اعلى منك قيمة اجتماعية
الناس بتفكر ليه الكويتي بيقدر يتعنصر على السعودي و السعودي بيتعنصر على المصري و المصري على السوداني و السوداني على الحبشي و الحبشي على التشادي و هكذا
السبب بي بساطه الوضع المادي و الوجاهة الاجتماعيه البتمتلكها الدوله م عشان اسود ولا ابيض
ودي كلها كانت سياسات ساي لحدي م شكلت وعي عند جماعه معينه تقول ليه انا عربي يقول ليك لا انت افريقي ساي ولو قلت ليه عايز انفصل يقول ليك ارجع الجزيره العربيه انت م اصيل ف البلد
بدليل انها سياسات ساي ليه الخطاب ده م بنلقاه عند النوبه و البجا م هم م عرب برضو ولا ح تقول لي لا انتو اختلطو مع بعض عشان كدا م عندهم الخطاب ده ؟
ف الاخير م عايز اثبت انو نحنا عرب او لا لانه حديث لايسمن ولا يغني من جوع وممكن اقول ليك انا جعلي و اديك اسم الفرع و اسم جدي ف الفرع و بقول ليك امشي ابحث براك لكن لا
بعدين لو في زول من اهلنا ديل قال ليك ف اضانك انا جدي العباس و انا خاشي الجنه وانت لا وروني عشان اجلده