u/Tasty_Surprise3432

نص البردية:

«بسينثوتس» و«نانيفرهو»، الطفلان القاصران اللذان أنجبتهما «حو عنخ» لـ«حرباكيمي» — وهو رجل قاسٍ، طردهما دون أن تأخذه بهما رحمة — هما اللذان يقولان للإبيس (طائر أبو منجل)، والفالكون (الصقر)، والبابون (القرد المقدس)، والآلهة المستقرة معهم في مثوى الإبيس، الإله العظيم المقيم في هيرموبوليس:

نحن ملككم. [عسى أن] تشملونا برعايتكم أمام المجلس، وأن [تستمعوا] لشكوانا:

«بؤسٌ بالليل، وشقاءٌ بالنهار على يد رجل قاسٍ [...]، آثم لا يشعر بالذنب؛ ويُدعى "حرباكيمي" ورغم ذلك فإن اسمه الحقيقي "شيراها بن وينمونت"، ويُدعى والدنا على الرغم من أنه لم يرحمنا؛ وهو الذي قضت أمنا معه سنوات طويلة. لقد أنجبتنا، ثم تسبب في موت أمنا ونحن صغار. لقد اتخذ امرأة أخرى في بيته، وطردنا منذ اليوم الذي ماتت فيه.

لم يمنحنا طعاماً، ولا كساءً، ولا زيتاً. وإن مَن يشفق علينا، ممن يملأ الإله قلبه [بالرحمة]، حين يرانا جائعين فإنه يطعمنا. ومَن يجدنا في زوايا الجدران في الشارع عند المساء ويشفق علينا، ممن يملأ الإله قلبه(بالرحمة)، فإنه يأخذنا إلى بيته حتى الصباح.

وعلى الرغم من أن أمنا تستحق نقد صداقها (مهرها) منه، إلا أنه يحرمنا [منه]. لم نجد أحداً يمنحنا الحماية منه سواكم؛ فأنتم الذين أنقذتمونا.

إذا أقسم اليمين أمامكم، فلتستجوبوه ولتقضوا بيننا وبين هذا الرجل. إن المظالم التي يلحقها بنا كثيرة. إذا ضربنا رجل قوي في الشارع، يقول له: "اضربهم"، ولا يقول: "لا تفعل". وإذا رآنا عند باب بيته، يقذفنا بمكيال "الويب" (مكيال حبوب). هذا الرجل يملك مالاً، وغلالاً، ومتاعاً؛ وهو لا يفتقر إلى الطعام الذي كان يطعمنا إياه من قبل.

إنها (المظالم) أكثر عدداً من أن تُكتب، ولا يتسع لها ورق البردي: الضيقات، والحرمان، والمآسي، والقيود التي يفرضها علينا "حور"، ذلك القاسي، والدنا المذكور أعلاه.

بؤسٌ بالليل، وشقاءٌ بالنهار على يد هذا الرجل! سوف تستجوبونه وتقضون بيننا وبينه. وأما الحراس، والمرسلون، وخدم البيت، فحين يستجوبونه، سينتقمون لنا نتيجة للحكم بيننا وبينه.

لقد سقطنا، فأنهضونا. لقد قُيِّدنا، فاجعلوه يكف عن ذلك. لقد عُوملنا بسوء، فاجعلوا ثأرنا يُؤخذ».

إننا نلقي بهذا الالتماس أمام الآلهة الذين كُتبت أسماؤهم أعلاه. وأما أي شخص في العالم يشعل النار في هذه الوثيقة ليدمرها، فلا ينجُ من شكوانا، وليقرأها من بدايتها إلى نهايتها. وليُجبر هذا الرجل [على قراءتها] عند المدخل الجنوبي، والمدخل الشمالي، والمدخل الغربي، والمدخل الشرقي (30) للمكان الذي تستريح فيه الآلهة. ولتحلَّ اللعنة [عليه] حين يستمعون إلى هذه الرسالة.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

المصدر :

https://www.britishmuseum.org/collection/object/Y\_EA10845

https://www.attalus.org/egypt/cruel\_father.html

المصري القديم كان عنده تموين (حصص غذائية بتديها الحكومة دعما للمواطنين) بجانب الراتب

في عهد الملك رمسيس الثالث تحديدا السنة التاسعة و العشريين من حكمه كان في أزمة في مصر (بسبب أن مصر طلعت من حرب كبيرة ضد ليبيا و شعوب البحر و كوش و الشام ،مصر انتصرت عليهم كلهم) بس حصلها أزمات بسبب الحرب في توفير الأمدادات للعمال و عائلتهم خصوصا القمح

وقتها الموقف بقى صعب على العمال لدرجة أن بعضهم اضطر يشتري القمح من فلوسهم الشخصية

العمال راحوا اشتكوا للمسؤولين في الموقع بتاعهم ،لكن محدش استمعلهم و لما العمال جابوا آخرهم قاموا أعلنوا الأضطراب عن العمل (مش هيشتغلوا يعني) و اتجمع العمال بعدد كبير و عملوا احتجاج و راحوا لحد مكتب الوزير الي استجاب لمطالبهم و أمر بصرف الحبوب ليهم من مخازن المعابد الجنائزية ،وقتها رجع العمال للشغل

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

المصدر:

كتاب يوميات المصري القديم لعالمة المصريات نرفانا حسن

صفحة:

138

دارت القصة بين بنت يونانية و ملك مصري وبعض الناس بيسموها بقصة سندريلا المصرية بسبب تشابه الأحداث

كان في بنت يونانية اسمها (رودوبيس )من اصل تراقي عاشت في جزيرة ساموس

و كانت عبدة في خدمة شخص اسمه( أيادمون)

وبعد كدا خدوها و ودوها لمصر عشان تكمل شغلها في الدعارة

و بعدين جه واحد اسمه خراكوس اشتراها عشان يحررها من عبوديتها

و لكنها فضلت قاعدة فمصر

و قدرت تجمع ثروة كبيرة بسبب جمالها و كانت مشهورة و اليونانيين بيغنوا بإسمها

و يُقال(أي فقط أقوال) أن رودوبيس كانت قاعدة بتستحمى و وقتها جه صقر و خطف فردة الجزمة بتاعت رودوبيس من على يد خادمتها

و طار بيها الصقر إلى ممفيس(عاصمة مصر)

الملك وقتها كان عاقد محكمته و بيحكم بين الناس و كان جالس في الهواء الطلق،قام جه الصقر و رمى فردة الجزمة على ركبته و طار

الملك استغرب و فنفس الوقت أُعجَب بالجزمة اوي و بعت جنوده لكل مكان عشان يلاقوا صاحبة الجزمة دي و عثروا علي رودوبيس وقتها في مدينة ناوكراتيس (محافظة البحيرة )

بعدين خدوها للملك و بعد كدا الملك حبها و اتجوزها و بعض الناس اليونانين وقتها كانوا فاكرين أنها اصلا مدفونة في هرم الملك منقرع و سمو الهرم على اسم (ضريح العشيقة) بس بعدين هيرودوت قعد يقول إن كلامهم ده كله هري و وصفهم بالجهل و أن ده هرم الملك منقرع مش هرمها

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

المصدر:

كتاب الجغرافيا لسترابون

الجزء الثاني (الي بيحكي من الجزء الـ11←17)

تحديدا الجزء الـ١٧

الفصل الأول

الفقرة 33

صفحة :371

---------------------

كتاب تواريخ هيرودوت

الفصل الثاني (المعروف بـ "إيوتيربي")

صفحة:194→195

المعبد الي في الفيديو ده معبدها عموما.

تعتبر دي اول قصة خيالية لأن فيها حاجات غريبة زي أن الحيوانات بتتكلم و غيره و بتعبر البردية عن احداث كتيره

بتقول الحكاية إن كان فيه أخين عايشين في بيت واحد، الكبير كان اسمه «أنوبيس» والصغير اسمه «باتا». «أنوبيس» الأخ الكبير اتجوز، وقعد معاه أخوه «باتا» في البيت،انوبيس الكبير عامل اخوه الصغير باتا زي ابنه، «باتا» كان بيعمل لـ أخوه هدومه، وبيرعى المواشي بتاعته في الغيط، وبيحرت له الأرض، وبيحصد الزرع، وبيعمل كل شغل الغيط.

و كان وقتها باتا بينام في الزريبة الي برا البيت عشان يحرس البقر بتاعه.

.

ولما طلع يوم جديد، راحوا الغيط وابتدوا يحرتوا وبعد كام يوم كانوا في الغيط والبذور خلصت منهم، فـ الأخ الكبير بعت أخوه الصغير للقرية وقال له: «انزل هات لنا بذر من القرية.» فراح القرية ودخل البيت على غفلة (بيت انوبيس و مراته)، لقى مرات أخوه قاعدة بتسرح شعرها، فقال لها: «أنجزي وجهزي لنا البذر عشان أروح الغيط، أخويا مستنيني هناك وماتتأخريش.» فقالت له: «روح افتح المخزن بنفسك وخد اللي أنت عايزه، وسيبني أكمل تسريح شعري.»

فراح باتا للزريبة وخد طشت(وعاء) كبير عشان يشيل فيه بذر كتير، وشال القمح والشعير وخرج بيهم، فـ هي اتفاجأت وقالت له: «هو أنت شايل قد إيه على كتفك؟» رد عليها: «شايل تلات شكاير قمح، وشكارتين شعير، يعني خمسة كاملين.» فقالت له: «ده أنت طلعت شديد و قوي اوي، بجد أنا كل يوم بشوف قوتك الكبيرة دي.» وكانت عاوزه تدخل معاه في علاقة، فراودته وقالت له: «تعال، هنتبسط سوا، وننام، وده هيبقى من حظك كمان؛ لأني هعمل لك هدوم جميلة.»

، باتا غضب بسببها وصرخ فيها، فـ مرات أخوه خافت، وهو بدأ يكلمها ويقول لها: «اسمعي، أنتِ في مقام أمي، وأخويا في مقام أبويا، وهو اللي رباني عشان أكبر مني، إيه الذنب الكبير ده اللي بتتكلمي فيه معايا؟ أوعي تعيدي الكلام ده تاني، وأنا مش هقوله لأي إنسان، ومش هفشي السر ده لأي مخلوق.» وبعدين شال البذر وراح للغيط، وهناك قابل أخوه الكبير، وفضل كل واحد فيهم يشتغل

وفي الليل، رجع الأخ الكبير لبيته، أما الصغير ففضل يرعى قطيعه، ورجع باتا يسوق قطيعه مُتجه للزريبة عشان ينام فيها . وكانت مرات الأخ الكبير خايفة لتتفضح بسبب الكلام اللي قالته، فجابت دهن و«سوت» و حاولت تخلي وشّها أكنه انضرب ، وعايزة بكده تقول لجوزها: «إن أخوك هو اللي ضربني.»

ورجع جوزها البيت عند الغروب زي عادته، ودخل بيته، لقى مراته نايمة وتعبانة ، فـ مَصَبّتش المية على إيديه زي ما عودته، ولا ولعت له نور عشان رجوعه، فـ البيت كان ضلمة وهي نايمة بترجع (تقيء)، فـ جوزها قال لها: «هو فيه حد كلمك؟» فقالت له: «محدش كلمني إلا أخوك الصغير، وده حصل لما جه ياخد البذر من هنا، ولقاني قاعدة لوحدي، وقال لي: تعالي نتبسط وننام، واتزوقي بشعرك ، بس أنا رفضت وقلت له: شوف، أنا مش أمك، وأخوك الكبير مش أبوك؟ فـ الخوف مشي في جسمه، وضربني عشان ما أقولكش على أي حاجة من اللي حصلت، فـ لو أنت هتسيبه عايش أنا هنتحر!؛ لأنه لما يرجع البيت عند الغروب، وأحكي انا القصة الدنيئة دي، هيمثل أنه بريء»

وساعتها الأخ الكبير اتعصب، و خد رمحه، ومسكه في إيده، ووقف واستخبى ورا باب الزريبة عشان يقتل أخوه أول ما يرجع بالليل مع البقر بتاعه للزريبة. ولما الشمس مالت للغروب، «باتا» خد نفسه بالحاجات اللي متعود يشيلها من الغيط ورجع، وأول ما البقر بدأ يدخل الزريبة، بقرة قالت لباتا: «خد بالك! أخوك الكبير واقف قدامك برمحه عشان يدبحك، اِجرِي من قدامه.» فـ «باتا» فهم كلام البقرة. ، فـ بص تحت باب الزريبة وشاف رجلين أخوه الكبير وهو واقف ورا الباب وف إيده رمحه، فـ باتا رمى حاجته على الأرض وطلع يجري بسرعة، وأخوه الكبير بيجري وراه برمحه.

ونادى الأخ الصغير ربه «رع حور أختي» وقال: «يا ربي الطيب، أنت اللي بتفصل بين المبطل والمحق.» فـ «رع» سمع الظلم الي بيتعرضله، وعمل بين باتا و انوبيس مساحة واسعة من المياة المليانة تماسيح، فصلت بينه وبين أخوه الكبير، وبقى كل واحد فيهم على بر، ومش لاقي طريقة يوصل بيها للتاني. وضرب الأخ الكبير على إيده مرتين (ندم وأسف)؛ لأنه مَدَبَحوش. وبعدين الأخ الصغير نادى على أخوه من البر التاني وقال له: «خليك هنا لحد ما الصبح ينور، وهنحتكم للشمس سوا عند شروقها، والمبطل هيسلم للمحق؛ لأني مش هكون معاك بعد كده، ومش هعيش في مكان أنت فيه، وأنا هروح وادي الأرز (وده مكان في لبنان)وأعيش هناك.»

ولما طلعت الشمس، هنا باتا بدأ الكلام مع أخوه الكبير وقال له: «أنت إزاي ماشي ورايا عايز تدبحني غدر من غير ما تسمع مني؟ لأني — في الحقيقة — أخوك الصغير، وأنت ليا زي الأب، ومراتك ليا زي الأم، مش كده؟ (وهحكي لك الحكاية): لما كلفتني أروح (القرية) عشان أجيب البذر، (مراتك حاولت تغريني) وقالت: "تعال نتبسط وننام." بس شوف، الموضوع اتلوى واتشوه عندك ازاي!!!، واتحرف لحاجة تانية.» وعرف الأخ الكبير بكل اللي حصل مع مراته، وحلف باتا بـ«رع حوارختي» وقال: «يا خسارة! أنت يا أخويا كنت عايز تقتلني بسبب تهمة رمتها عليا ست بغي(عاهرة) قذرة.»

بعدين باتا جاب سكينة من الغابة وقطع بيها (عضوه الذكري) ورماه في المية، فـ بلعته سمكة كبيرة، و باتا أُغمى عليه . وساعتها الأخ الكبير حزن عليه ، ووقف يعيط عليه بصوت عالي، بس مكانش قادر يعدي الناحية التانية اللي فيها أخوه الصغير بسبب التماسيح.

وبعد كده الأخ الصغير نادى عليه وقال له: «إذا كنت فكرت في حاجة خبيثة، فـ هل تقدر تفكر في حاجة طيبة، أو في حاجة أقدر أعملها لك كمان؟ روح دلوقتي لبيتك، وارعى بنفسك مواشيك؛ لأني نويت خلاص مَاسْكُنش في مكان أنت فيه، وأنا هروح وادي الأرز

ومش هيكون بيني وبينك إلا إنك هتيجي تزورني وتطمن عليا لو عرفت إن جرا لي حاجة. واللي هيحصل إني هاخد قلبي وأحطه في أعلى زهرة في شجرة أرز، فـ لو شجرة الأرز دي اتقطعت ووقعت على الأرض وأنت جيت تدور عليه(يدور على قلب باتا)، وأول ما تلاقيه وتحطه في كوز (إناء) فيه مية ساقعة، أنا ساعتها هصحى وأعيش تاني، وهرد على التهمة اللي اتوجهت ليا. وإذا حد اداك كوز خمرة وفارت واختمرت، اعرف ساعتها إن فيه أذى صابني(بمعنى أذى أصاب الشجرة الي فيها قلب باتا)، وما تكسلش عشان ده في مصلحتك.»

«باتا» راح وادي الأرز، ورجع الأخ الكبير لبيته وهو حاطط إيده على رأسه وملطخ بالطين، ولما وصل بيته افتكر أخوه الصغير (واتعصب)، فـ دبح مراته ورمى جثتها للكلاب، وقعد حزين على أخوه الصغير.

وبعد كده بكام يوم، كان الأخ الصغير في وادي الأرز لوحده.

وخرج «باتا» في يوم من الأيام من بيته، فـ قابل تاسوع الآلهة(الآلهة المصرية) وهم ماشيين في نواحي الأرض بيشرفوا عليها، والتاسوع اتكلموا بلسان واحد وقالوا له: «يا «باتا» ، أنت هنا لوحدك؟! سبت مدينتك وهربت من قدام مرات أخوك الكبير «أنوبيس»؟ اسمع، مراته خلاص اتدبحت؛ لأنك كشفت له عن الجناية اللي اتعملت ضدك.» وأظهروا عطفهم الشديد عليه، وبعدين «رع حور أختي» قال لـ«"خنوم"،و هو إله من الآلهة »: «اصنع زوجة لـ«باتا» عشان مايبقاش في بيته لوحده.» فـ «خنوم» اداله رفيقة وزوجة بتغلب كل ستات الأرض في الجمال، ونفخ فيها كل إله من روحه، وبعدين « الربة "حاتور" ---و هي بتتنبأ بالمستقبل » جت عشان تشوف زوجة باتا، وقالت بلسان واحد: «دي هتموت ميتة شنيعة.»

و«باتا» وقع في غرام زوجته الجديدة (و خلينا نديها اسم الجميلة) وقعدها معاه في بيته، وكان بيقضي يومه في صيد في الصحراء، ولما يجي الليل يرجع ليها و بيقول لها: «ما تخرجيش برة عشان البحر ما ياخدكيش بعيد؛ .» و باح ليها بكل أسراره

وبعد كام يوم من كده، راح «باتا» يصطاد زي عادته كل يوم، فخرجت البنت تتنزه تحت شجرة الأرز اللي كانت جنب بيتها، فـ البحر شافها ومد (أمواجه) وراها، فـ الجميلة طلعت تجري قدام البحر لحد ما دخلت بيتها، بس البحر نادى على شجرة الأرز وقال لها: «امسكيها ليا.» فشجرة الأرز خدت خصلة من شعرها وقدمتها للبحر، فـ البحر خد الخصلة دي ووداها لقصر الملك في مصر، و شعرها دخل في هدوم الملك(وبما أنها نزلت من السماء ف شعرها ريحته حلوة و كدا يعني) و بقى الغسيل ريحته حلوة و فواحة ، وحصل خلاف ونزاع بين (الملك) وبين خدمه بسبب الريحة الفواحة دي،

وراح واحد من الخدم في يوم من الأيام على شط النهر، وكان صدره ضاق وزهق من الخلاف اللي بيحصل كل يوم ده بخصوص ايه سبب الريحة الفواحة!، ووقف على كوم رمل و لمح خصلة شعر من ضمن شعر الجملية في المية، فطلب من واحد من الخدم ينزل المية ويجيب الخصلة، فـ جابوهاله، لقاها بتطلع ريحة جميلة ، فـ خدها ووداها للملك .

وجابوا كُتّاب الملك وحكمائه قدامه، وقالوا له: «الخصلة دي لبنت «رع حور أختي»، وفيها نفحة من كل إله، ابعت في كل أرض رسول عشان يجيبوها لك، .» ف الملك وافق والرسل اتبعتت.

ومرت الأيام، ورجعت الرسل اللي الملك بعتهم في كل بلاد الأرض عشان يقدموا له التقرير، إلا الرسل اللي راحوا وادي الأرز (الي فيه باتا و الجملية)مرجعوش؛ لأن «باتا» دبحهم كلهم ما عدا واحد بس عشان يقدم التقرير لجلالته. فجلالته بعت تاني جنود كتير وجهزهم بعربيات بتجرها الخيل عشان يجيبوها، وكان معاهم ست معاها كل أنواع المجوهرات والحلي اللي بتتحلى بيه الستات(عشان يغروا الجملية تيجي معاهم) ورجعت الست ومعاها الجميلة للقصر، و الجميلة قالت باختصار بلا باتا بلا زفت و فضّلت ملك مصر والملك عشقها فخلاها أميرة عظيمة. (الملك) اتكلم معاها في شؤونها، وسألها تحكي له عن حال جوزها (باتا)، فقالت لجلالته: «أأمر بقطع شجرة الأرز وإبادتها.». (وبتعمل كدا عشان تخلص من باتا عشان شجرة الأرز دي فيها قلب باتا ف هي عاوزة تدمر الشجرة مع انها اصلا نزلت من السماء عشان متسبش باتا في حزنه لوحده ) فـ «الملك» بعت لوادي الأرز جنود ومعاهم أسلحتهم عشان يقطعوا شجرة الأرز(الي فيها قلب باتا )، وقطعوا الزهرة اللي كان عليها قلب «باتا»، فـ وقع في ساعتها باتا ومات.

ولما الصبح طلع، راح «أنوبيس» الأخ الكبير لبيته، وقعد وغسل إيديه (قبل الأكل)، فـ اتقدم له كوز(وعاء) من الخمر فـ فارت واختمرت، واتقدم له كوز تاني من النبيذ فبقى رديء (وحامض).(ودي العلامة الي قالها باتا لأخوه أن لو فار كوب الخمرة بتاعه يبقى باتا اتعرض لمصيبة) ساعتها انوبيس خد بعضه وجرى بسرعة لوادي الأرز. ولما دخل بيت أخوه «باتا» لقى جثته مرمية على السرير والروح فارقته، فـ عيط لما شاف أخوه ميت على السرير، وبدأ يدور على قلبه تحت شجرة الأرز اللي كان بينام تحتها كل يوم بالليل.

قعد «أنوبيس» تلات سنين بيدور على (القلب) ومعرفش يوصل له، ولما بدأت السنة الرابعة، قلبه حن لمصر(لأنه وقتها كان في لبنان فوادي الأرز) وقال لنفسه: «أنا هسافر بكرة.» وده كان كلامه لقلبه. ولما طلع صباح يوم جديد، بدأ يمشي تحت شجرة الأرز وفضل يومه كله بيدور على القلب، ولما جه الليل وقف تدوير، وبص بصة أخيرة يدور، فـ لقى فاكهة، فـ رجع بيها البيت، وكانت الفاكهة دي هي قلب أخوه الصغير.

فجهز كوز مية ساقعة ورمى فيه قلب أخوه ، ولما الليل ليل والقلب شرب مية الكوز، «باتا» جسمه كله ارتعش وبدأ يبص لأخوه الكبير، في الوقت اللي كان قلبه لسه في الكوز. وبعدين «أنوبيس» الأخ الكبير خد كوز المية الساقعة اللي فيه قلب أخوه الصغير، وقدمه لـ «باتا» عشان يشربه، ولما قلبه رجع مكانه، «باتا» رجع للحياة تاني ، فـ حضنوا بعض، وكل واحد اتكلم مع أخوه. «باتا» قال لأخوه الكبير: «اسمع، أنا هتحول لثور كبير و ألوانه كتيره و حلوة، ومحدش يعرف أن انا هو الثور ده، وأنت هتركب على ضهري، وأول ما الشمس تشرق هنكون في المكان اللي فيه مراتي(الي هي الجملية الي سابته و راحت قصر الملك)، وهناك هواجها بالي عملته، وأنت هتاخدني للملك، وهيتقدم لك كل حاجة حلوة، وهتتكافئ بالفضة والذهب عشان خدتني لفرعون؛ لأني هكون أعجوبة، والناس هتفرح بيا في كل الأرض، وبعد كده تسافر أنت لقريتك.»

ولما جه يوم جديد، «باتا» اتحول لثور ، وركب «أنوبيس» على ضهره، وعند الفجر وصل للحتة اللي فيها الملك، والملك عرف بيه(ب باتا الثور) فـ فحص حقيقته بنفسه وفرح بيه فرحة كبيرة جداً، وقدم له قربانين عظيمين وقال: «دي أعجوبة عظمى !.» وكافأوا أخوه الكبير على الأعجوبة دي بوزنها(وزن الثور) دهب وفضة، وبعدين استقر انوبيس في قريته،

وبعد كام يوم من الحادثة دي، الثور دخل مطبخ «الملك»، ووقف في المكان اللي كانت فيه الأميرة،(الجميلة ) وبدأ يتكلم معاها وقال لها: «اسمعي، أنا لسه عايش.» فقالت له: «أرجوك قولي أنت مين؟» فقال لها: «أنا (باتا) بجد، فاكرة لما وزيتي فرعون عشان يبيد شجرة الأرز عشان ما أعيشش بعدها؟ بس بَصّي كده، أنا دلوقتي عايش وأهو ثور.» وهنا الأميرة خافت وانرعبت

وبعدين خرج باتا من المطبخ، وقعد الملك في الغرفة عادي ، وصبت الأميرة(الجميلة) المية للملك، و قررت تخلص من باتا وساعتها قالت للملك: «احلف لي بالرب وقول: إن أي حاجة هقولها لك هتسمعها مني.!» فـ سمع لكل اللي قالته وهو: «الثور ده مش هيفيدنا في حاجة، فـ سيبني اكل كبدته.» و «الملك» حزن جدا من اللي قالته،

ولما بدأ يوم جديد، أعلنوا عن إقامة عيد ضحية عظيم، والثور هيبقى هو الضحية في العيد ده، ، وبعد ما اتدبح الثور وكان متشال على كتاف الناس، هز رأسه فـ نزلت نقطتين دم جنب كتفين باب الملك: نقطة وقعت على جنب من جناب الباب الأعظم للملك، والنقطة التانية وقعت على الجنب التاني، والـنقطتين اتحولوا لشجرتين كبار ، وكانت كل واحدة فيهم جميلة، فـ واحد من الخدم خد الخبر ده وجرى على الملك وقال له: «فيه شجرتين كبار طلعوا في الليل! دي أعجوبة عظيمة !» وهما جنب باب جلالتك!.

.(و وقتها باتا كان اتشكل تاني في هيئة شجرة من الشجرتين)

والناس فرحت بالشجرتين دول في كل البلاد، و«الملك» قدم لهم قربان، وبعد كام يوم جلالته خرج من القصر عشان يشوف شجرتين ، والأميرة ركبت على ضهر حصان ورا الملك

وبعدين الملك قعد تحت واحدة من الشجرتين ، وساعتها «باتا» اتكلم مع مراته(الجميلة) وقال لها: «يا خاينة، أنا «باتا» وهعيش غصب عنك، بجد أنتِ فاكرة إزاي وزيتي فرعون عشان يقطع شجرة الأرز، وإزاي اتدبحت بسبب وزّك ليا بعد ما بقيت ثور.»

وبعد أيام من ده، الأميرة صبت المية للملك، فقالت له : «احلف لي بالرب وقول: إن كل اللي الأميرة هتقوله ليا هسمع له.» فـ سمع لكل اللي بتقوله، فقالت: «أأمر بقطع الشجرتين ؛ عشان نعمل منهم أثاث وعفش جميل.» فالملك سمع كلامها وبعد كام يوم بعت عمال، وقطعوا الشجرتين . ووقف الفرعون بيتفرج مع الأميرة(على عملية القطع)، فـ طارت حتة خشبة صغيرة (شظية) ودخلت بوء(فم) الأميرة فـ بلعتها، و وقتها هي حملت ( بقت حامل) بسبب الخشبة دي، واتعمل من الشجرتين كل اللي كانت عايزاه (من الأثاث والعفش).

و بعدين الأميرة ولدت ولد و المفاجأة أن الولد ده هو نفسه باتا !، ف خادم راح وبلغ الملك وقال له: «اتولد لك ولد.» والفرحة عمت البلاد كلها بيه، و الملك حبه اوي وعينه حاكم على إثيوبيا وبعد كام يوم خلاه ولي عهد على مصر كلها.

وبعد ما مرت أيام وسنين وهو ولي عهد للبلاد كلها، وبعدين (الملك) مات و مسك باتا عرش المملكة المصرية، وقال : «هاتوا ليا كل المستشارين الملكيين عشان أقولهم على كل اللي حصل معايا.» وبعدين جابوا له مراته(الجميلة)، وتحاكموا قدام المستشارين اللي حكموا بالعدل وانصفوه منها و ( تم ذِكر إعدامها في رواية أخرى غير الرواية المكتوبة دي) ، وجابوا له أخوه الكبير و باتا عينه ولي للعهد في كل أملاكه.

وقعد باتا تلاتين سنة ملك على مصر ، وبعدين مات واستولى أخوه الكبير على عرشه يوم وفاته و انتهت القصة

و البردية الي بتحكي عن القصة دي من عصر الأسرة الـ19

يعني من 1292 ق.م / 1187 ق.م

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

المصدر:

موسوعة مصر القديمة لسليم حسن -الجزء السابعة عشر

صفحة:

111→119

و البردية موجودة في المتحف البريطاني بأسم :P.Brit.Mus10183

المصادر في التعليقات

كانت المعاهدة بين ملك مصر (رمسيس الثاني) و الملك الحيثي (خاتوشيلي الثالث)

​

"المملكة الحيثية هي حضارة قامت في موقع تركيا"

​

و تم توقيع المعاهدة سنة 1259قبل الميلاد

​

​

نص المعاهدة :

​

لقد أُبرمت هذه المعاهدة بين (رعمسيس مري آمون)، الملك العظيم، ملك (أرض مصر)، و(حاتوشيلي)، الملك العظيم، ملك أرض خاتي(خاتي=الحيثيين)، أخيه، لأجل أرض مصر وأرض خاتي، بهدف إقرار سلام حَسَن وأخوّة طيبة إلى الأبد بينهما.

هكذا يتحدث (رعمسيس)، الملك العظيم، ملك أرض مصر، بطل البلاد بأسرها، ابن "مينمواريا" (من ماعت رع/سيتي الأول)، الملك العظيم، ملك أرض مصر، البطل، ابن ابن "مينباهيريتاريا" (من بختي رع/رمسيس الأول)، الملك العظيم، ملك أرض مصر، البطل؛ إلى (حاتوشيلي)، ابن "مورشيلي"، الملك العظيم، ملك أرض خاتي، البطل، ابن ابن "شوبيلوليوما"، الملك العظيم، ملك أرض خاتي، البطل:

(رمسيس الثاني هو الي بيقول الآتي)

لقد أقمتُ الآن أخوّة طيبة وسلاماً حسناً بيننا إلى الأبد، من أجل ترسيخ سلام حسن وأخوّة طيبة بهذه الطريقة إلى الأبد بين أرض مصر وأرض خاتي. انظر، فيما يتعلق بالعلاقة بين الملك العظيم ملك بلاد مصر، والملك العظيم ملك بلاد الحيثيين، فإن الآلهة منذ الأزل لا تسمح بدخول العداوة بينهما، وذلك بموجب معاهدة أبدية. إن رعمسيس مري آمون، الملك العظيم، ملك بلاد مصر، سيوطد الرابطة التي أرادها إله الشمس(رع) وأرادها إله العاصفة [إله الحيثيين العظيم] لأرض مصر وأرض خاتي وفقاً للرباط الأزلي، حتى لا تستقر العداوة بينهما.

لقد أسس رعمسيس مري آمون، الملك العظيم، ملك بلاد مصر، هذا الرباط بموجب معاهدة على لوح فضي مع حاتوشيلي، الملك العظيم، ملك بلاد خاتي، أخيه، ابتداءً من هذا اليوم، ليحل بينهما سلام حسن وأخوّة طيبة إلى الأبد. هو أخٌ لي وهو في سلام معي؛ وأنا أخٌ له وأنا في سلام معه إلى الأبد. إننا متحدون، وهناك رابطة أخوّة وسلام قائمة بيننا بالفعل، وهي أفضل من رابطة الأخوّة والسلام التي كانت قائمة (سابقاً) بين بلاد مصر وبلاد خاتي.

انظر، إن رعمسيس مري آمون، الملك العظيم، ملك بلاد مصر، في سلام وأخوّة مع حاتوشيلي، الملك العظيم، ملك بلاد خاتي.

انظر، إن أبناء رعمسيس، الملك العظيم، ملك بلاد مصر، سيكونون إلى الأبد في حالة سلام وأخوّة مع أبناء حاتوشيلي، الملك العظيم، ملك بلاد خاتي.

ستظل بلاد مصر وبلاد خاتي إلى الأبد في حالة سلام وأخوّة كما هو الحال بيننا.

لا يجوز لرعمسيس مري آمون، الملك العظيم، ملك بلاد مصر، أن يهاجم بلاد خاتي أبداً للاستيلاء على جزء منها. كما لا يجوز لحاتوشيلي، الملك العظيم، ملك بلاد خاتي، أن يهاجم بلاد مصر أبداً للاستيلاء على جزء منها.

انظر، إن النظام المحدد للأزل والذي خلقه إله الشمس وإله العاصفة لأرض مصر وأرض خاتي، هو (أن يكون هناك) سلام وأخوّة دون ترك أي مجال لأي عداوة بينهما.

انظر، لقد أرسى رعمسيس مري آمون، الملك العظيم، ملك بلاد مصر، السلام ابتداءً من هذا اليوم. وإن بلاد مصر وبلاد خاتي تعيشان إلى الأبد في سلام وأخوّة.

الدعم العسكري المتبادل:

إذا زحف عدو أجنبي ضد بلاد خاتي، وأرسل إليّ حاتوشيلي، ملك بلاد خاتي، هذه الرسالة: "تعال لنجدتي ضده"، فإن رعمسيس مري آمون، الملك العظيم، ملك البلاد المصرية، يجب عليه إرسال قواته وعرباته الحربية لقتل هذا العدو وتقديم العون لبلاد خاتي.

وإذا غضب حاتوشيلي، الملك العظيم، ملك بلاد خاتي، على مواطنيه بعد أن ارتكبوا جرماً بحقه، وأرسل بسبب ذلك إلى رعمسيس الملك العظيم، ملك بلاد مصر، فعلى رعمسيس مري آمون أن يرسل قواته وعرباته الحربية، وعليها أن تبيد كل أولئك الذين غضب الملك عليهم.

وإذا زحف أجنبي ضد بلاد مصر، وأرسل رعمسيس مري آمون، الملك العظيم، ملك بلاد مصر، لأخيه حاتوشيلي، ملك بلاد خاتي، الرسالة التالية: "تعال لنجدتي ضده"، فعلى حاتوشيلي، ملك بلاد خاتي، أن يرسل قواته وعرباته الحربية ويقتل عدوي.

وإذا غضب رعمسيس، ملك بلاد مصر، على مواطنيه بعد أن ارتكبوا خطأً بحقه، وأرسل بناءً على ذلك (رسالة) إلى حاتوشيلي، الملك العظيم، ملك بلاد خاتي، أخي، فعلى أخي أن يرسل قواته وعرباته الحربية وعليها أن تبيد كل أولئك الذين ثار ضدهم.

ضمان وراثة العرش:

انظر، يجب على ابن حاتوشيلي، ملك بلاد خاتي، أن يضمن سيادته على بلاد خاتي بدلاً من حاتوشيلي أبيه، بعد مرور السنين العديدة لحاتوشيلي ملك بلاد خاتي. وإذا تمرد أبناء بلاد خاتي ضده، فعلى رعمسيس أن يرسل لنجدته القوات والعربات الحربية لتقدّيم الدعم له.

تسليم اللاجئين والهاربين:

إذا فرّ شخص عظيم (مسؤول رفيع) من بلاد خاتي وجاء إلى رعمسيس، الملك العظيم، ملك بلاد مصر، فعلى رعمسيس أن يقبض عليه ويسلمه إلى يدي حاتوشيلي، الملك العظيم، ملك بلاد خاتي.

وإذا فرّ شخص عظيم من بلاد مصر وهرب إلى بلاد أمورو( أجزاء من سوريا و لبنان حاليا) أو إلى أي مدينة وجاء إلى ملك أمورو، فعلى "بنتيشينا" (ملك بلاد أمورو) أن يقبض عليه ويأخذه إلى ملك بلاد خاتي؛ وعلى حاتوشيلي، الملك العظيم، ملك بلاد خاتي، أن يأمر بأخذه إلى رعمسيس، الملك العظيم، ملك بلاد مصر.

وإذا فرّ رجل من بلاد خاتي، أو رجلان، أو ثلاثة رجال، وجاءوا إلى رعمسيس، الملك العظيم، ملك بلاد مصر، أخيه، فعلى رعمسيس أن يقبض عليهم ويأمر بأخذهم إلى حاتوشيلي أخيه، بما أنهم إخوة. أما بالنسبة لجرمهم، فلا ينبغي محاسبتهم عليه؛ ولا يجوز اقتلاع ألسنتهم ولا أعينهم، ولا قطع آذانهم ولا أقدامهم، ولا تدمير بيوتهم مع زوجاتهم وأطفالهم (أي يُمنحون عفوًا إنسانيًا بعد تسليمهم).

​

​

​

المصدر هحطه فالتعليقات

​

كانت الست تقدر تطلق نفسها عادي من الراجل ،مكنش حِكر عليه هو فقط، لكن بسبب عبء الطلاق الواقع على الزوج و الي كان احيانا بتخليه فقير كانت أغلبية الجوازات بتكون مستقرة،

​

أسباب الطلاق كانت:

​

1- الخيانة (ودي اكترهم)

و سموه المصريين بـ(الجريمة الكبرى ) أو (الخطأ الفاحش)

​

و كانت عقوبته في فترة من الفترات "انك تترمي للتمساح وياكلك"

​

و كانت الست عشان تبرأ نفسها (لو اتهمها زوجها بالخيانة الزوجية مثلا وهي فعلا بريئة)

​

بتقف في المحكمة و تقسم بالرب و تقول : (لم تكن لي أي علاقة بخلاف زواجنا ،ولم ارتبط بأي شخص سواك ،منذ أن ارتبط بك منذ العام{....} حتى اليوم) ،المصريين كانوا مؤمنين أن الي بيحلف كدب أو بيشهد زور الرب هيعاقبه بالعمى عشان كدا القسم عندهم له أهمية .

​

أول ما الست تحلف ،الأتهام بيسقط عنها لكن الإهانة الي اُتهمَت بيها في شرفها لسه موجودة ف لازم الزوج وقتها يعوضها بمبلغ ضخم ،و هو أربعين تالنت و مئة دبن من الفضة(كمية ضخمة جدا عموما)

​

ومن أمثلة الخيانة الزوجية قصة راجل اسمه (حسي سونبت ) خانته مراته(حنور) و نامت مع واحد اسم (بانيب) وبانيب ده نزلت عنه بوست بعنوان "بلطجي في الحضارة المصرية" كان مرتشي و مغتصب و متحرش و مليان بلاوي،

​

2- عدم التوافق بين الزوجين أو وقوع حد منهم في حب شخص آخر أو الأصابة بالعقم و من اقوال حكيم عن الست العقيمة : (لا تطلق امرأة بيتك لأنها لم تنجب لك أبناء) و كان الحل الأفضل هو التبني وقتها

​

و في قصة اتحولت بعدين لمقولة شعبية فوقتهم وهي أن في راجل قرر يطلق مراته العوراء(عندها مرض في عينها) بعد ما قعد معاها ٢٠ سنة عشان حب غيرها و المقولة اتقالت لوحدة جوزها قرر يطلقها بدون سبب و هي : (إنكِ في نفس حال الزوجة العوراء التي عاشت في بيت أحد الرجال منذ عشرين عاما ولكنه عثر على امرأة غيرها ولذا قال لزوجته : سوف أطلقك لأنك عوراء ،فأجابته:أهذا هو الأكتشاف الذي اكتشفته طوال هذه الأعوام العشرين التي قضيتها في بيتك؟)

​

​

​

ولو تم تطليق الست بدون سبب ف من حقها تاخد المهر كامل،و مؤخر الصداق (مبلغ بيتكتب في عقد الزواج عند الطلاق بتاخده من الزوج)،و الأملاك الخاصة بتاعتها ،و النفقة و كمان جزء من الميراث الشخصي للزوج(بمعنى حاجة ورثها من أبوه أو أمه)

​

لكن لو ميراث جوزها كتبه الزوج لأولادهم ف هي برضو ليها الحق أنها تاخد منه ثلث الأملاك و في بعض الأحيان كانت بتاخد حتى الثلثين الباقيين و احيانا كانت بتاخد مبلغ تعويض عن أنها تم تطليقها و المبلغ ده بيتضاعف خصوصا لو هو سابها عشان يتجوز غيرها ،و في بعض الأوقات كانت المطلقة تقدر أنها تستمر في حياتها عادي في نفس البيت بتاعهم و لو زوجها بعد مطلقها مقدرش يوفر فنفس الوقت لا النفقة أو مؤخر الصداق الي مكتوبين في عقد الزواج فكان لازم يوفرلها وقتها معاشها و أكلها ،و بعد الطلاق الأب مكانش بيسيب بنته لوحدها من غير مأوى و لقينا نص من اب لبنته بيقول : (أنتِ أبنتي ،و إذا طلقك العامل "باكي" من بيت الزوجية ،فأنك تستطيعين أن تقيمي في بيتي ،بما أنني انا الذي قمت ببنائه ،ولن يستطيع أحد طردكِ منه)

​

و لو زوج الأبنة ارتكب أمور سيئة في حق البنت يقدر ابوها يطرده من البيت

​

​

و كان الأب بيخاف على بنته وقت الجواز و كان بيخلي جوزها يقسم بحسن نواياه تجاه بنته و لقينا نص مثال لكدا زوج بيحلف أنه هيحسن لزوجته و بيقول : (لو أنني فكرت ابدا في نبد(اهمال) أو إهانة ابنة "نترمنتو" فأنني سأستحق أن أُضرَب مائة ضربة ،و سوف افقد كافة الأموال و الأملاك التي اُكتسبَت بالمشاركة بيني و بينها ،أعلان قَسَم أمام رئيس العمال خنسو و الكاتب آمون نخت و ...."اسامي غيرهم" في العام ٢٣،في الشهر الأول من فصل الشتاء في اليوم الرابع من خلال حكم رمسيس الثالث) {أي تقريبا أواخر شهر أكتوبر سنة 1164 قبل الميلاد}

​

​

​

و الطلاق كان بيتم شفهيا عن طريق قول أحد الزوجين (أنا أطلقك ،أنا أطلقك ،أنا أطلقك ) ثلاث مرات

​

ووثيقة الطلاق كانت مجرد اعلام مش اكتر وبيقدم الزوج لمراته بعد الطلاق مكتوب قانوني أنه طلقها و من حقها تتجوز راجل غيره و النص الكتابي ده مهم لأن من غيره الرجالة بترفض تدخل علاقة مع مطلقة غير أما يتأكدوا أنها فعلا مطلقة مش متجوزة و بياخدوا حذرهم و في مثل شعبي عندهم بيقول : (لا تتزوج من امرأة مازال زوجها على قيد الحياة خوفا من أن يصبح عدوك ،وسيكون هذا امرا خطيرا بل و قد يعرضك لتهم الخيانة الزوجية)

​

​

كل الحقوق الي قولناها دي في حالة أن الزوج هو الي طلق الزوجة

​

انما لو العكس بيختلف الأمر

​

الراجل وقتها هياخد نص المهر و و ثلثي الي اكتسبوه و في "بعض" الأحيان كان الثلث المخصص للزوجة بياخده هو كمان

​

​

و كان من الكلام الي هيقوله المصريين (في معتقدهم الديني) و هو بيبرأ نفسه قدام الرب"لم أقترف الخيانة الزوجية"

​

​

و كان في حكيم اسمه(عنخ شيشنقي) بيوجه اللوم على الشخص الي مراته خانته و بيوصيه بأن يتجاهل الي حصله و يطلقها و يتجوز غيرها و يراجع نفسه و يشوف لو هو فعلا كان اهمل مراته قائلا : (لم يكن مهملا تجاه زوجته؟ وفي الواقع ،الا يستحق هو بعض اللوم؟)

​

وقال برضو : (لا تفعل ما لا تود أن يفعله بك الآخرون!لا تضاجع امرأة متزوجة!)

​

و لقينا بردية من عهد الملك رمسيس الثالث بتوضح الأمان الي كانت فيه الست في مصر، بتقول : ( أن المرأة في مصر كانت تستطيع أن تذهب إلى أي مكان قريب دون تلحقها اي مضايقة أو ازعاج )

​

​

المصدر :

كتاب المرأة الفرعونية لعالمة المصريات كريستيان ديروش نوبلكور

​

صفحة:

​

224→234

Letter 1:

​

The Scribe Nakht-Sobek to the worker Amun-Nakht;

In life, prosperity, and health; and in the praise of Amun-Ra, King of the Gods.

Hereby: I pray to Amun, Mut, Khonsu, and all the gods of Thebes, and every god and goddess who rests in Western Thebes, to grant you life, to grant you health, to grant you a long life and a great old age, and that you may remain in the favor of Amenhotep, Lord of the Village, your lord who sees you every day.

Furthermore: Now, what have I done? What is my offense against you? Am I not your old table companion? Will the hour truly come when you abandon your brother? (Note: Ancient Egyptians used the term "brother" for close friends of the same age, similar to how it is still used in Egypt today). What on earth should I do? Please write to me about the mistake I made against you, through the policeman Bas. If you do not write to me at all, neither for good nor for bad, then this is indeed a miserable day.

I am asking nothing of you. Happy is the man who is with his old table companion. Some new things are good, but an old companion is also good.

When my letter reaches you, write back to reassure me of your health through the policeman Bas; and let me know how your health is today. Do not let anyone tell me not to enter your house, or that I cannot find my way inside its walls, keeping away from the village. And do not [...] to me. I will go, enter the house, and come out of it again. I will enter my own place.

Farewell.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

Letter 2:

​

Hereby: I pray to all the gods of heaven and earth to grant you life and health every day.

Furthermore: What is the matter with you? Write to me and send me whatever is on your mind, so that I may understand it. Truly, from the time I was a child until today, I have been with you, yet I still cannot understand your character. Is it right for a man, when he tells things to his companion twice, that he does not listen to him? Like the measure of oil I requested from you—you told me, "I will bring it to you," but you didn't even care? Send me word to reassure me of your health instead of the oil. What you constantly do to me is not right.

Another matter: Dip some bread (in broth/water) and send it to me quickly.

Farewell.

​

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

​

Source:

​

Book: Village Life in Ancient Egypt: Laundry Lists and Love Songs

​

Author: A. G. McDowell

​

Pages: 29→31

َّ لقد أشار ديدرو الصقلي(مؤرخ عاش في أواخر عصر مصر البطلمية )إلى وجود قانون مصري مدون في ثمانية كتب كانت توضع

​

بجانب القضاة، وقد ذكر ديدرو بعض هذه القوانين؛ ومنها:

​

(١) الحكم بالإعـ.ـدام لكل من يرتكب واحدة من هذه الجرائم: «شهادة الزور، عدم

​

تقديم العون لمن يتعرض للمـ.ـوت وهو قادر على العون، القـ.ـتل العمد».

​

(٢) قـ.ـطع اليد لكل من يرتكب واحدة من هذه الجرائم: «تزوير الكيل أو الميزان،

​

ِّ تزوير الأختام والنقود والغش في المعاملة، الكاتب الذي يغيِّر في نصوص السجلات العامة».

​

(٣) الجـ.ـلد بالسياط والحرمان من الطعام لكل من يرتكب واحدة من هذه الجرائم:

​

«عدم الإبلاغ عن جريمة، اتهام بريء بالجريمة، الآباء والأمهات الذين يقتـ.ـلون أبناءهم

​

علنًا».

​

(٤) الإخـ.ـصاء لكل من يمارس الاغتصاب.

​

​

​

المصدر :كتاب الديانة المصرية للكاتب خزعل الماجدي

​

الباب الثاني ،الفصل الأول ،جزء (القوانين المصرية و القضاء)

​

صفحة :480

نَص البردية:

​

يعني بصفة خاصة(خصوصا) بالبؤس العام؛ السرقة، والقتل، والتخريب، والقحط، وقد طُرِد الموظفون ودُمِّرت الإدارة، والتجارة الخارجية قد قُضِي عليها، وانتشر الأجانب في البلاد،

​

والبلاد ملأى(مليانة) بالعصابات، ويذهب الرجل ليحرث(يزرع) ومعه درعه.

​

والرجل ينظر لابنه نظره لعدوه

​

والمتحلي بالفضائل يسير وهو محزون،

​

فإن الوجه قد شحب، ، والمجرمون في كل مكان، ولا يوجد رجل من رجال الأمس

​

إن الناهبين في كل مكان...

إن النيل في وقت الفيضان، ومع ذلك لا يحرث أحد من أجله، وكل إنسان يقول: «لا نعرف ما حدث في أنحاء البلاد.»

حقًّا لقد صارت النساء عاقرات، وانقطع الحمل،

والوباء قد انبثَّ في كل الأرض، والدم صار في كل مكان... ولفائف الموميات تتكلم، وإن لم يقترب الإنسان منها.

لقد دُفِن رجال عديدون في النهر، فأصبح النهر قبرًا، وصار المكان الطاهر مجرى.

لقد أصبح الحزن يملأ (قلوب) أصحاب الأصل الرفيع، أما الفقراء فقد امتلؤوا سرورًا، وأضحت كل بلدة تقول: فَلْنَقْصِ القويَّ من بيننا.

لقد أصبح منظر الناس كمنظر طير «جم»(قذريين)، والقاذورات منتشرة في كل البلاد، ولا يوجد امرؤ(شخص) بملابس بيضاء في هذا الوقت.

وصار اللص صاحب ثروة

لقد تحوَّلَ النهر دمًا، فهل يشرب الإنسان منه؟

إن (البوابات) والعمد والجدران قد التهمتها النيران،

لقد أصبحت سفينة الجنوب(الصعيد) شاردة، ودُمِّرَتِ البلاد، وصار الوجه القبلي(الصعيد) صحراء خاوية .

لقد أصبحت التماسيح في تخمة بما قد سلبت(بطون التماسيح شبعت)؛ إذ يذهب الناس إليها عن طيب خاطر(الناس بتروح بمزاجها للتماسيح و بتنتحر )، وحالة البلاد أصبحت سيئة.

لقد أصبح الناس قليلين،

​

حقًّا لقد أصبحت الأرض الحمراء منتشرة (بمعنى بقى فيه اجانب في مصر في كل مكان) في كل البلاد، وخربت المنازل، ونزل قوم أغراب من الخارج إلى مصر. ولا رجال في اي مكان(و المقصود أن المصريين مبقاش حد شايفهم)

، وربات الخدور(نساء البيوت) يقلن: ليت عندنا بعض الشيء لنأكل.

حقًّا فإن... أعضاء السيدات في حالة يُرثى لها؛ إذ يرتدين الخرق البالية(لبس قديم و متقطّع)، وقلوبهن تنفطر حينما يُحيين(لما حد بيحيهم).

ولكن ما العمل وكل شيء ينحدر إلى الدمار؟!

حقًّا لقد قُضِيَ على الفرح، ولم يَعُدْ يقام، بل الحزن هو الذي يتمشى في طول البلاد ممزوجًا بالأسى(الألم و الحزن).

فإن الأموات أصبحوا مثل الأحياء ومَن كانوا مصريين أصبحوا أجانب .

ولا نهاية للضوضاء.

فقد أصبح كل من العظيم والحقير يقول: «ليتني كنتُ ميتًا!» والأطفال الصغار يقولون: «كان يجب عليه ألا يجعلنا على قيد الحياة.»

فقد أصبح أولاد الأمراء يضرب الناس بهم عرض الحائط، وأطفال الشهوة يلقون على قارعة الطريق،

فإن ما كان لا يزال يرى حتى الأمس قد دُمِّر، وهُجِرت الأرض لآلامها .

فإن الدلتا بأجمعها أصبحت غير محمية (كما كانت)، وماذا يفعل الإنسان؟

واللائي كُنَّ على أَسِرَّةِ أزواجهن، أصبحن ينمن على مضاجع مقضة... وأصبحت السيدات يتألمن مثل الإماء( العبيد)

​

فإن الرجل الأحمق يقول: «إذا عرفت أين يوجد الإله، فإني أُقدِّم له قربانًا.»(بمعنى حتى مبقاش في وعي ديني و الجاهل بيسخر من الرب ده اسلوب تريقة,قال يعني لما اعرف فين الرب هبقى هقدمله قرابين ),، (لقد أصبح الصدق كذبًا في الأرض، والحصاد قد اغتصب كل متاعه.)

فإن كل قلوب الماشية تبكي، والقطعان تندب حالة البلاد.

​

لقد عمت الوقاحة (في كل البلاد) عند كل الناس، والرجل يقتل أخاه من أمه، فما العمل في ذلك؟...

لقد أصبحت الطرق والشوارع تحرس (باللصوص)الناس يختبئون في الأعشاب؛ حتى يأتي المسافر في ظلام الليل ليسلبوا منه حمله، وما عليه يُسرَق، ويُضرَب بالعصا حتى ينقطع نفسه، ثم يُذْبَح ظلمًا.

ليت آخر الناس يكون قد حلَّ، فلا حمل ولا ولادة! ليت العالم يتخلَّص من الغوغاء وتنفضُّ المشاحنات!(بمعنى ان الكاتب بيتمنى نهاية البشر و توقف تكاثرهم، عشان يختفي الفساد والفوضى والحروب من العالم )

لقد أصبح القوم يعيشون على الحشائش ويشربون الماء، وقد أصبحت الطيور ولا فاكهة ولا أعشاب تأكل منها، وقد أصبحت القاذورات تُختطَف من أفواه(فم) الخنازير لأن القوم صاروا جياعًا.(الناس مش عارفة تزرع بسبب انعدام الأمن و انتشار اللصوص و الناس بتسرق من بعض كل حاجة )

وفي الحق قد انعدمت الغلال في كل مكان، وجُرِّد القوم من الملابس والعطر والزيت، وصار كل إنسان يقول: «لم يبقَ شيء.» وصار المخزن خلوًّا، وحارسه قد أصبح ملقى على الأرض، وإن ذلك ليس بالأمر السار لقلبي، وليت في مقدوري أن أرفع صوتي في هذه الآونة؛ حتى كان يخلصني من الألم الذي أنا فيه الآن!(بمعنى ياريت حتى اقدر اصرخ و اعبر عن حزني عشان اخفف الي بحس بيه من معاناة )

​

لقد فُتِحت الإدارات العامة، ونُهِبت قوائمها،

لقد ذُبِح الموظفون وسُلِبت قوائمهم، فتعسًا لي بسبب البؤس في مثل هذا الزمن!

، وأصبحت غلال مصر ملكًا مشاعًا.(للكل)

لقد وُضِعت قوانين قاعة المحاكمة في البهو، وصار القوم يطؤونها في الطرقات، ويمزِّقها الفقراء في الأزقَّة.(يعني حتى كُتُب القوانين القضاء بقت بتترمي و بينداس عليها)

​

ومَن كان صاحب معرفة يقول: نعم، والجاهل يقول: لا، فالذي لا علم له يظهر ذلك عنده حسنًا.

​

انظر! لقد حدثت أمور لم تحدث منذ زمن بعيد مضى؛ إذ اختطف الفقراء الملك.(سرقوا مقبرته)

​

وما خبَّأه الأهرام(التابوت) قد أصبح خلوًّا.(فارغا)

​

انظر! ، الرجل القوي يغتصب التعساء متاعه.

.

إن قضاة البلاد قد طُرِدوا في طول الأرض...

انظر! إن العقيلات الشريفات يرقدن على الفراش الخشن، والأمراء ينامون في المخزن، ومَن لم يكن ميسورًا له أن ينام على الجدران أصبح صاحب سرير.

انظر! إن الرجل الغني أصبح يمضي الليل وهو ظمآن،

انظر! إن أولئك الذين كانوا يملكون الملابس أصبحوا في خرق بالية(لبس قديم متقطع).

انظر! إن الذي لم يبنِ قطُّ لنفسه قاربًا أصبح الآن يملك سفنًا، وأصبح صاحبها ينظر إليها، ولكنها لم تَعُدْ ملكه بعدُ.

انظر! إن الذي لم يكن يملك ما يظله من حرارة الشمس أصبح يملك ظلًّا، وهؤلاء الذين كانوا يملكون ما يأويهم أصبحوا الآن عرضةً لزعازع العاصفة.

​

انظر! إن مَن كان لا يملك الخبز أصبح يملك جرينًا(مخزن مليان بالطعام)، وما يملأ به مخزنه هو متاع غيره.(بيملىء مخزنه بالسرقة)

​

انظر! إن القصابين(الجزار) يذبحون الإوز الذي يُقدَّم للإله بدلاً من الثيران.

(اي حتى بقوا الناس بيستبخلوا في تقديم القرابين للرب )

انظر! إن السيدات الشريفات يهربن...، ويلقى بأطفالهن خوفًا من الموت.

​

انظر! إن الرجل يذبح بجوار أخيه فيتركه وحيدًا لينَجِّيَ نفسه.

وكل شيء آيل للخراب!

، والعدو يحرم البلاد جِرَفها(خيرها).

إن الدلتا تبكي ومخزن الملك أصبح ملكًا مشاعًا لكل فرد، ولا ضرائب تجبى للقصر كله،

​

وإذا سافر ثلاثة رجال على طريق واحد فلا يوجد منهم إلا اثنان؛ إذ إن العدد الأكبر يذبح العدد الأصغر،(القوي بياكل الضعيف) أيوجد راعٍ يحب الموت؟»

، والبلاد قش ملتهب،

​

وقوم «المتاو» المصادقون لمصر (يقولون؟): كيف يمكن أن يكون هناك رجل يريد أن يقتل أخاه؟!

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

​

بتحكي البردية عن انهيار المجتمع المصري أخلاقيا و انعدام الثقة حتى بين الأهل و انتشار الفوضى بعد سقوط عصر المملكة القديمة (عصر قوة في الحضارة المصرية استمر لـ 505 سنة ) و دخلت مصر في عصر ضعف و هو عصر الإضمحلال الأول و الي استمر لمدة 126 سنة (و دي الفترة الي بيتكلم عنها النَص)

من : 2181 قبل الميلاد←2055 قبل الميلاد

و مصر بقى وضعها مزري و حصل حروب داخلية و شن أجانب من البدو على مصر حرب و حصلت اول ثورة اجتماعية في تاريخ العالم وقتها في مصر و نتج عنها انهيار عصر الأسرة الـ٦(آخر أسرة في عصر المملكة القديمة )و بداية عصر الأسرة الـ٧ ،و بيحكي المؤرخ المصري القديم مانيتون أن في عهد الأسرة دي حكم ٧٠ ملك في مدة ٧٠ يوم!

​

البردية مكتوبة عن لسان الحكيم المصري (إبور) و هو بيشتكي بحزن عن احاول مصر

​

المصدر :

​

موسوعة مصر القديمة

الجزء السابع عشر لسليم حسن

​

صفحة:

​

316,318, 322→338. (النص )

​

وملاحظة: النص كان مليان كلام كتير غير مفهوم أو غير مهم،انا حطيت فقط و دمجت كل الي فيه معنى.

التحيات لك أيها الرب العظيم، رب العدل المطلق،

جئتك أشاهد جمالك ويداي مرفوعتان (ابتهالاً) لاسمك "العدل".

جئتك بالعدل وزهقت لك الباطل،

لم أظلم إنساناً

لم أسئ استخدام حيوان

لم أنظر لعورة

لم أغضب الرب

لم أبدد ميراث اليتيم

لم أتسبب في تعاسة

لم أترك جائعاً

لم أتسبب في دموع

لم أقتل

لم أحرض على القتل

لم أعذب أحداً

لم أزن(الزنا في مصر القديمة =الخيانة الزوجية ،و مش المقصود بيه علاقة بين اثنين غير متزوجين)

لم أزد ولم أنقص المكيال

لم أتلاعب في مثقال الميزان

لم أفعل شيئاً مما نهى الرب عنه

أعطيت الخبز للجوعى،والماء للعطشى،واللباس للعرايا

​

فأنا طاهر، طاهر، وطهارتي مثل طهارة طائر البينو(العنقاء)

​

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

​

المصدر:

كتاب الخروج في النهار (كتاب الموتى) الطبعة الثانية

​

-ترجمة شريف الصيفي

​

صفحة:

261→263 ،268

الرسالة الأولى :

​

[الكاتب] نخت-سوبك إلى العامل آمون-نخت؛

في حياة وازدهار وصحة؛ وفي ثناء "آمون رع" ملك الآلهة.

بموجب هذا: أدعو آمون، وموت، وخونسو، وجميع آلهة طيبة، وكل [إله] وكل إلهة [يـرقدون] في غرب طيبة، أن يمنحوك الحياة، وأن يمنحوك الصحة، وأن يمنحوك [عمراً] مديداً وشيخوخة عظيمة، وأن تكون في ثناء "أمنحتب" سيد [القرية]، سيدك الذي يراك كل يوم.

**وعلاوة على ذلك:** والآن، ماذا فعلتُ؟ ما هو جرمي في حقك؟ ألسْتُ جليسك القديم على المائدة؟ هل ستأتي الساعة التي تتخلى فيها عن [أخيك]؟(كان المصريين القدماء بيقولوا على أصحابهم المقربين الي فنفس عمرهم لقب "أخي" زي ما موجود لحد اليوم في مصر) ماذا عساي أن أفعل؟ أرجو أن تكتب إليّ بشأن الخطأ [الذي ارتكبتُه في حقك، عن طريق الشرطي "باس"]؛ أو إذا كنت لا تكتب إليّ أنا تحديداً، لا بالخير ولا بالشر، فإن هذا بالفعل يوم سيء.

أنا لا أطلب منك شيئاً. هنيئاً لرجلٍ يكون مع جليسه القديم على المائدة. بعض الأشياء الجديدة تكون جيدة، ولكن الرفيق القديم جيد (أيضاً).

عندما تصلك رسالتي، اكتب إليّ مطمئناً إياي على صحتك مع الشرطي "باس"؛ وأبلغني بحال صحتك اليوم. لا تدع أحداً يقول لي ألا أدخل بيتك، وألا أجد طريقي داخل الجدران، مبتعداً عن القرية. ولا [...] إليّ. سأذهب وأدخل البيت، وأخرج منه مجدداً. سأدخل مكاني الخاص.

​

وداعاً.

​

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

​

الرسالة الثانية:(دول أشخاص غير الي قولناهم فوق)

​

بموجب هذا: أدعو جميع آلهة السماء والأرض أن يمنحوك الحياة والصحة كل يوم.

**وعلاوة على ذلك:** ما خطبك؟ اكتب إليّ وأرسل لي ما يدور في خواطر قلبك، حتى أتمكن من فهمها. حقاً، منذ أن كنت طفلاً وحتى اليوم، وأنا معك، لكني لا أستطيع فهم شخصيتك. هل يصح لرجل، عندما يقول أشياءً لرفيقه مرتين، ولا يستمع إليه، مثل مكيال زيت الذي طلبته منك، فقلت لي: "سأحضره إليك"ـ ولكنك لم تكترث؟ أرسل إليّ مطمئناً عن حال صحتك بدلاً من الزيت. إن ما تفعله بي باستمرار ليس بالأمر الجيد.

**أمر آخر:** اغمس بعض الخبز (في المرق/الماء) وأرسله [إليّ] سريعاً

وداعاً.

​

​

المصدر:

كتاب:

Village Life in Ancient Egypt

Laundry Lists and Love Songs

A. G. MCDOWELL

​

صفحة:

29→31

بتحكي البردية عن ست اسمها (ناوناختي) اتجوزت مرتين اول مرة من كاتب اسمه(قن حر خبش إف) ومات و سابلها ورث ممتلكات و منها عقارات ،وبعدين اتجوزت مرة تانية من شخص اسمه (خع إم نون) و خلفت منه ٨ عيال

و ثروتها هي ممتلكات الزوج الأول و ثلث ممتلكات الزوج التاني (والد العيال) و كتبت أن بعد موتها ممتلكاتها تروح لأربع أشخاص بس من ضمن الـ ٨ عيال عشان لما كبرت في السن في منهم الي اهملها ف قررت أن الي يورثوها هم بس الي وقفوا معاها في شيخوختها .

​

​

نص البردية :

السنة الثالثة، الشهر الرابع من موسم الفيضان، اليوم الخامس، في عهد ملك مصر العليا والسفلى، سيد الأرضين،

(رمسيس الخامس)، عُمرًا وصحة وقوة، مَمنوحًا الحياة إلى أبد الآبدين.

في هذا اليوم، قامت السيدة "ناوناختي" بتسجيل ممتلكاتها أمام المحكمة التالية:

رئيس العمال "ناختي-إم-موت"

رئيس العمال "إن-حر-خاو"

(و12 اسمًا آخرين)

وقالت:"أما أنا، فامرأة حرة من أرض فرعون. لقد ربيت هؤلاء الخدم(الأطفال قصدها) الثمانية التابعين لكم، وجهزتهم بكل ما هو معتاد لأشخاص من مكانتهم. والآن انظروا، لقد كبرت في السن، وانظروا، إنهم لا يمارسون رعايتي. فمن وضع يده في يدي، سأعطيه من ممتلكاتي؛ (أما) من لم يعطني شيئًا، فلن أعطيه من ممتلكاتي."

قائمة الرجال والنساء الذين أعطتهم:

العامل "ماع-ناختي-اف"

العامل "قن-حر-خبش-اف". وقالت: "سأعطيه وعاء غسيل من البرونز كمكافأة إضافية تفوق رفاقه، (قيمته) 10 أكياس من قمح الإيمر."

* العامل "آمون-ناخت"

* السيدة "واست-ناختي"

* السيدة "منيت-ناختي".

أما بالنسبة للسيدة "منيت-ناختي"، فقد قالت بشأنها: "ستشارك في تقسيم كل ممتلكاتي، باستثناء كيل (الويبة) من قمح الإيمر الذي قدمه لي أطفالي الثلاثة الذكور والسيدة (واست-ناختي)، أو مكيال (الهين) من الزيت الذي قدموه لي بنفس الطريقة."

​

قائمة أطفالها الذين قالت عنهم: "لن يشاركوا في تقسيم ثُلثي الخاص، بل فقط في حصة الثُلثين الخاصة بوالدهم."

* العامل "نفر-حوتب"

* السيدة "منيت-ناختي"

* السيدة "حنوت-سنو"

* السيدة "خع-تا-نبو"

"أما بالنسبة لهؤلاء الأطفال الأربعة التابعين لي، فهم (لن) يشاركوا في تقسيم كل ممتلكاتي.

وكذلك الحال بالنسبة لجميع ممتلكات الكاتب زوجي (الأول)، وأيضًا عقاراته ومخزن والدي، وكذلك كيل (الويبة) من قمح الإيمر الذي جمعته مع زوجي، فلن يشاركوا فيها.

ولكن هؤلاء الأطفال الثمانية التابعين لي سيشاركون في تقسيم ممتلكات والدهم بشروط متساوية.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

​

الي مش مفهوم هنا هو أن بنتها الي اسمها (منيت ناختي) اتكتب اسمها مرة ضمن الي هيورثوا و مرة ضمن الممنوعين من الوراثة

​

المصدر:

​

كتاب:

Village Life in Ancient Egypt

Laundry Lists and Love Songs

A. G. MCDOWELL

​

صفحة:

38→40

بعد انتصار المصريين ضد الفرس(إيران) في حرب الأستقلال و استقلال مصر من تحت الحكم الفارسي على يد الملك المصري أميرتايوس بدأت سياسة الدفاع عن البلاد، لحد ما جه ملك مصري اسمه تيوس و قرر أنه يغير سياسته للهجوم، وقرر استغلال وجود أزمات في إيران.

بدأ يجيب جنود اغريق مرتزقة للجيش المصري، وقدر ياخد مناصرة ملك أسبرطة، و بعت بعثة لـ أثينا بالتحالف، لكن أثينا أعلنت الحياد، لكن سابت الدنيا مفتوحة للي عاوز يروح مصر منهم يحارب.

و انضم لمصر قائد الجيش الاسبرطي أجيسيلاوس الثاني (أجيسيلاوس نفسه ملك اسبرطة بس قرر يحارب كقائد جيش تحت لواء الملك تيوس)، و جنود من أثينا.

و تم تكوين جيش كبير بيتكون من:

• 80 ألف جندي مصري.

• 10 آلاف جندي اغريقي، منهم ألف جندي اسبرطي.

• 200 سفينة حربية.

و بعت الملك تيوس 50 سفينة حربية لحلفاءه (ده غير الـ200 سفينة الي فوق).

و عشان يقدر يكمل في الحرب فرض ضرائب على الكهنة، و خلى الضرايب على الشعب عالية، و بل أجبر المصريين على كدا عشان يقدر يكمل الحرب.

بدأت الحرب و تحرك الحلف المصري الأغريقي عن طريق البحر ووصل لـ فينيقيا و قطعوا الطريق البحري للفرس.

و عين الملك تيوس ابن اخوه نقطانب قائد للجيش، و بدأ المصريين يحاصروا المدن(الي كانت تحت حكم الفرس) و يفتحوها مدينة بعد مدينة متجهين ناحية الشرق.

لكن حصلت الخيانة.

نقطانب قائد الجيش خان تيوس، و قرر يستميل الجنود تحت طاعته عن طريق الهدايا عشان يساعدوه أنه يبقى ملك مصر، حتى القائد الاسبرطي خان تيوس.

و لكن السبب الحقيقي للخيانة هو والد نقطانب، الي هو في نفس الوقت أخ تيوس.

والد نقطانب كان بيدير مصر تحت اسم تيوس(لأن تيوس كان في الحرب برا مصر )، و نصح ابنه أنه يثير جيش سوريا على مصر و ياخد هو (نقطانب)الحكم من تيوس.

و الشعب نفسه كان جاب آخره بسبب الأوامر الشديدة و الضرائب العالية بسبب الحرب، و حصلت ثورة كبيرة في مصر و نتج عن الثورة أن المصريين نفسهم عينوا نقطانب ملك على مصر، و قدر نقطانب ياخد العرش.

و لما لقى تيوس أن لا معاه جيش وطني ينصره، ولا جنود مرتزقة، ولا الشعب راضي عن حكمه، قام واخد بعضه و هارب على إيران طالب للأمان، و قبل ملك الفرس لجوءه و عاش هناك لحد ما مات.

المصدر:

موسوعة مصر القديمة

الجزء الثالث عشر — الصفحات 247 → 257.

عن الأرملة:

إذا وجدت أرملة تمد يدها على حقلك،

فلا تقبض عليها، ولا تقهر الأرملة.

وتذرّع بالصبر وأنت تسألها عن شخصيتها.

ولا تمرّ على غريب بإناء زيتك

وترفض أن تعطيه شيئًا منه.

إن الإله يبارك في متاعك

حين تتقاسم ما لديك مع إخوتك.

إن الذي يتواضع للفقراء خير عند الإله

ممن يتملّق الأغنياء.

---

عن من تعاني من التأخر على الإنجاب:

لا تسخر ممن ليس لديه أطفال، ولا تحسده.

فكم من أبٍ حزين القلب،

وكم من امرأة أنجبت أطفالًا

أتعس من أخرى ليس لديها أطفال.

وكم من رجلٍ وحيد ترعاه العناية الإلهية،

وكم من ربّ أسرة يدعو الإله أن يرزقه بوريث.

---

عن الزوجة:

إذا كنت رجلًا ناجحًا، فأسّس لنفسك بيتًا،

واتخذ لنفسك زوجة تكون سيدة قلبك.

أشبع جوفها، واستر ظهرها،

وقدّم لها العطور.

أدخل البهجة على قلبها ما دمت حيًا،

فالزوجة هي الحقل المثمر لزوجها.

ولا تشكُها في المحاكم،

ولا تستخدم معها القسوة والعنف،

ولا ترغمها على البقاء في البيت بالقوة،

وارفق بها حين تبكي.

لا تمثل دور الرئيس مع زوجتك في بيتها

إذا كنت تعرف أنها ماهرة في عملها.

ولا تقولن لها:

"أين كذا وكذا؟ أحضريه لنا"

إذا كانت قد وضعته في مكانه الملائم.

واجعل عينك تلاحظ في صمت

حتى يمكنك أن تعرف أعمالها الحسنة.

ومدّ لها يد المساعدة في عملها،

فإن ذلك سيسعدها،

وبذلك يتجنب الرجل الشجار في بيته.

اتخذ لنفسك زوجة تصير ملكة لقلبك.

---

النصح بالوفاء للزوجة وعدم خيانتها:

خذ حذرك من المرأة الأجنبية

تلك التي ليست معروفة في بلدتها.

ولا تغمزن لها بعينك،

ولا تبغِ معها،

فهي ماء عميق لا يعرف الرجال التواءاته.

والمرأة الأجنبية البعيدة عن زوجها تقول لك كل يوم:

"إني جميلة".

ولذلك عندما تكون بعيدة عن أعين الرقباء

تقف أمامك لتوقعك في حبائلها.

إن ذلك — الزنا

(الزنا في مصر القديمة = الخيانة الزوجية) —

لجرم عظيم،

لأن الإنسان يسهل عليه بعد ارتكاب تلك الخطيئة

أن يرتكب كل ذنب.

لا تذهبن خلف امرأة غريبة

حتى لا تتمكن من سلب لبك.

---

عن الأم:

قرّب الماء لأبيك وأمك اللذين يسكنان الغرب (الجبانة – المقابر).

ولا تهمل تقديم القرابين لأرواح الآباء والأجداد،

حتى يعمل لك ابنك بالمثل

حين تنتقل أنت أيضًا إلى العالم الآخر.

ضاعف مقدار الخبز الذي تعطيه لوالدتك،

واحملها كما حملتك.

لقد كان عبؤها ثقيلًا في حملك،

ولم تتركه لأبيك قط.

وحينما وُلدت حملتك كذلك،

وبعد شهور حملك حول رقبتها،

وقد أعطتك ثديها ثلاث سنوات(رضاعة)

ولم تشمئز من فضلاتك،

ولم تكن متبرمة،

ولم تقل: "ماذا أفعل أنا؟"

ولقد ألحقتك بالمدرسة عندما تعلمت الكتابة،

وقد وقفت هناك يوميًا خارج المدرسة

تحمل الخبز والجعة من بيتها.

وحينما تصبح شابًا

وتتخذ لنفسك زوجة

وتستقر في بيتك،

اجعل نصب عينيك كيف وضعتك أمك،

وكيف ربّتك بكل الوسائل.

فليتها لا تضرك

بأن ترفع أكف الضراعة إلى الإله،

وليته لا يسمع عويلها.

(المقصود: يا ليت والدتك لا تضرك بأن لا تدعو عليك للرب و لا أن الرب يسمع صوت صراخها و صوت بكاؤها ).

المصادر

كتاب: أدب الحكمة في مصر القديمة اعداد صفاء محمد

أرقام الصفحات

23 — 29 — 46 — 71 — 72 — 77 — 79 — 91 — 112

ملاحظة

الحِكم دي مش كلها لحكيم واحد،

أنا جمعت الحكم اللي شوفتها بتتكلم عن المرأة من كل حكيم وضفتها على بعض.

والحكماء هم:

الحكيم آني

الحكيم أمنموبي

الحكيم بتاح حتب

الملك مري كا رع

خطاب من الكاتب "بوتهامون" إلى زوجته المتوفاة "إيختاي":

ما هي حالكِ؟ كيف أنتِ؟'.

أنتِ من يقال لها: 'وا أسفاه، [إيختاي] لم تعد تزدهر'، هكذا يقول ( زوجكِ)، شريككِ. وا أسفاه، أنتِ يا ذات الوجه الجميل، التي لا يوجد مثيل لها، لم أجد أي بادرة قبح [من جانبكِ] لأحمل ضغينة ضدكِ. لقد ناديتُ في أي وقت [عليكِ (؟)]، وأجبتِني [استجابةً لي]. إن أمي وأبي وأخي وأختي جميعهم يحملون لي مشاعر طيبة. لقد جاؤوا، ولكنكِ أنتِ قد أُخذتِ مني، لذا فالأمر خطير ومؤلم بقدر ما وصفتُ. أهل بلدتي يقولون :"إن الأحمق لا يزال يبكي عليها"، وبينما يضم {جثمانك} دون أن أشعر بالشبع ابدا(...)

يا إيختاي، [أنتِ] التي كنتِ كريمة ولطيفة كامرأة، أنتِ التي أُخذتِ بعيداً بينما كنتِ بجانبي (؟)، لم تحملي قط ضد ( زوجكِ) أي [...] كان في قلبكِ.

. إذا كان بالإمكان سماعي في المكان الذي أنتِ فيه، فأخبري أسياد الأبدية أن يتركوا ( زوجكِ) يأتي إليكِ لكي تكوني عوناً له في وسطهم (؟)، أنتِ من يجب أن يتحدث بالخير داخل الجبانة(المقبرة) بما أنني لم أقترف أي أمر مقيت (سيء)ضدكِ عندما كنتِ على الأرض.

إذن، ليتكِ تدركين مأزقي وحالي. ولن أخدع قلبكِ في أي شيء قلته حتى آتي إليكِ. [تصرّفي] نحوي بكل طريقة طيبة، إذا كان بالإمكان سماعي."

المصدر:

كتاب :

letters from ancient Egypt

للكاتب:

Edward.F Wente

صفحة:217/218