السلام عليكم
شغال على مشروع ألعاب جماعية على موقع ويب، احتاج اتأكد اذا تجربة المستخدم ممتازة او الالعاب تحتاج شرح زيادة.
عطونا رأيكم تبون بالخاص بالعام بالانستا حياكم في اي مكان 🙆🏻♂️
هذا هو رابط الموقع
مع انتشار الألعاب الجماعية اللي يلعبونها القروبات وهم مع بعض.
بحكم خبرتي البرمجية كمطور مواقع وهوايتي بالبورد قيمز اللي امارسها من سنوات.
قلت لنفسي انا لازم اسويلي منصة تجمع اكثر من لعبة وببدأ اطور الألعاب حبة حبة الى ما تصير المنصة تجمع العاب كثيرة.
بديت في اول لعبة وبصراحة اشوف انها اقرب للنجاح بناء على تقييمات اللي عرضتها عليهم ولعبو فيها من الاهل والاصحاب وشفت بعيني حماسهم وهم يلعبونها.
لكني طايح بمشكلة تسويقية بحته هي اني مو قادر اجيب عملاء ما اعرفهم سواء باعلانات السوشل ميديا او غيره. اشوف صعوبة بانشاء المحتوى والافكار اللي تنتشر على السوشل ميديا.
احتاج نصائحكم في موضوع التسويق وشلون ممكن انشر منصة من هالنوع