كنت حاب اسجل من باب بناء العلاقات واكتساب خبرة اكثر بمجالي بس لما شفت انه الموضوع فيه دفع ترددت شوي وحبيت اسأل هون الناس اللي جربت العضوية, هل العضوية بتستحق او ولا وليش؟
صراحة مابعرف كثير عن IEEE وايش ممكن تقدملي فا ياريت برضو لو حدا يوضحلي الموضوع اكثر
عندنا مادة تصميم مواقع اخذنا فيها HTML و CSS والمفروض بعد هيك نبلش بJS على حد علمي بس مابعرف ليش قاعدين بناخذ بJava ??
راسي تفجر صاحي من مبارح ومش قادر ادرس بالمرة
يخوي افهمني وفهمني شو اللي بصير وشو لازم يصير.. هسا من زمان عندي توجه لعالم التقنية والكهرباء يعني ممكن تقول جهاز الحاسوب بكل مكوناته ومشغلاته من سوفتوير كبرمجة وامن وحماية وبيانات الى الهاردوير قطع الكترونية وكهرباء والخ بالعربي انا مهتم بالمجال ككل ومابعرف اذا عندي توجه معين لكن لو حكيتلك اني بميل لاتجاه او جانب فممكن اقول هو البرمجة او تطوير وهندسة البرمجيات واذا بتحب تسال ليش فالجواب هو لانه هاظ اكثر مجال جربت ابعبص واجرب فيه لكن برضو بظل مهتم جدا في جانب الهاردوير والالكترونيات والكهرباء بشكل جنوني وحتى بتذكر اخذت كورس بالمرحلة الاعدادية عن صيانة الهواتف الذكية وكنت جدا مستمتع باللي بتعلمه وكان ماخذ كل فكري ويومي حتا بعد ما اخلص وقت المحاضرات. المهم ياسيدي يشاء ربك ويزرقني حاليا دراسة دبلوم تخصص امن المعلومات والشبكات والتخصص المفروض على خطتنا الدراسية انه يميل بشكل كبير لمجال الامن السيبراني وانا هسا هون هي مشلكتي اني مش عارف وين انا ووين لازم اكون وايش اعمل وبايش اتخصص هل اكمل بهاظ المجال بعد التخرج ولا اكمل بكالوريوس هندسة برمجيات المجال اللي شايف عندي اهتمام اكبر فيه بسبب مجرد انه اكثر مجال كنت منغمس فيه رغم اني اصلا مابفهم كفاية ومابعرف اكتب برنامج فعلي. فهسا ايش ولوين انا مش فاهم اشي ومش عارف متى اصلا لازم اتخذ قراري وكيف وهل اصلا لازم اتخذ قرار ولا عادي امشي بكل المجالات حتا اثبت بمجال بس المشكلة اللي بشغل بالي كمان هو اني لو بدي ادرس كل هاي الجوانب واتوسع فيها مارح اتقن مجال معين بحيث اعتقد على حد معرفتي هاظ الاشي رح يصعب على الشركات توظيفي لانها مش عارفة مين انا وايش بعرف وايش بقدر ووين توجهي ماشي. انا مش عارف مش فاهم جد مش عارف.
حاليا باخد مادة تصميم مواقع1 بالجامعة وللميد اخذها html css وهسا بلشنا بال JS وانا مابعرف اشي عن اللغة فا بدي نصائحكم بحيث اكاديميا اطلع باحسن علامة وبرضو بعد ما اقدم الفاينل اكون فعلا فاهم شو يعني JS مش بس اني عديت ونجحت بدي اكون قادر على بناء مشاريع لوحدي فايش السبيل والطريق الصحيح اللي امشي عليه؟
سؤال جانبي برضو لو كنت شخص متمكن من html css java script هل بكون قادر على اني اطلع مصدر دخل كفريلانسر على اب وورك وغيره ولا تعتبر مالها قيمة حقيقية عشان الAI وخاصة claude ماسك جانب تصميم المواقع بشراسة اخر فترة