Si te ansuriman 🥹
Sar san shabojale, o Del te suntzoltumen sabojen, kerau cado post te phenautumenge que si te ansuriman, o Del tradiamange iek yubli suntzome ay yi cai prinyardemla aliarau iek vecelia shukar ande mujo ilo.
Me ancliau cadala shobojasa yi cai sasma yeshu-sou borsh ay voi vishta-star, naklo iek borsh ay dopash ay acanara sam yeshu-efta ay vishta-painsh bershengo.
Me gata dem duma muje familiasa ay phendem que camau te laula, acana trubulma te kerau butzi ay te chidau lobe pala o kher, le pojtana, ay te keras e komnata amari, pe painsh o sou shon si te nashabaula, yanau que mujo traio si te paguyol sa, ay aliarau que con e szor ay e pacha le Devleske sai keraules.
Numa camabas te phenautumenge cado sostar aliarabas que tumen trobun te ashunen cado so si te phenau acana, o Del kerdia baro mischimos ande mujo traio, de iek borsh parpale nas mange misto, szalibas but ay perabas, yabas ca le spiti ay le docstoria phenenas yeli yungale, sasma baro pharimos ay joly le Devlesa ande codola bramia, aliarabas que sas te merau ay mujo traio getolas.
Nasma vecelia, chi dikhabas codo baz le Devlesko cai me mangavas, aliarabas que chi ashunelas mujo guyimos, traibas ando necazo ay ando tuniariko, ay numa ande iek yes o Del sastardiama ay sikhadiama lesko camlimos, ay vi tradiamange ca muji yubli, ay astardia te avel vediaria ande mujo traio.
Me kerau cado post cas te dikhes cado so phenau, me chi yanau cho traio, chi yanau so avela naklian, chi yanau so situke, chi yanau chi dukh ay cho guindo, ferdi o Del yaneltut, ay ferdi vo sai sastiareltut, me yanau que sar paguya vo mujo traio, vo si te kerel nevo traio ande o chiro, avela aliares que vo chi ashuneltut ay nai pasa tute, ay nai cadia, ferdi vo si pasa tute, ferdi vo yanel so situ ay so trobul te kerel tusa, pachatuke anda o Del ay mek sa so situ anda leske baz, tut shoga san korkojo, na bister codo. 🩷🙏🏻