ازاي احسن مهارات التواصل
نزلت انترن في شركه بس عندي مشكله اني مش عارف اعمل علاقات مع الناس
بخاف ان حد يحرجني او يقول مش فاضي أو حاجه
(انا شخص انطوائي عموما)
يعني يدوب بتكلم مع الشخص او اتنين الي مسئولين عني بس و الشخص الي قاعد جمبي
لكن بقيت التيمات التانيه مش بتكلم معاهم خالص يدوب عارف الاسم بالعافيه
رغم اننا معظمنا ف السوفت وير فيلد و المفروض ان الشغل قريب جدا من بعضه و اكيد هستفاد لما اعرف بيشتغلو على ايه و الفرق بين التخصصات المختلفه وكدا
كمان الاحساس دا زاد لما شوفت انترن تانيه نزل و لقيته بيلف يقعد معاهم واحد واحد و يعرف بيعملو ايه و ازاي و في يومين بس كان عمل الي بقالي شهر عمال افكر و اسوف فيه
انا عارف ان مهارات التواصل في الشغل احيانا بتكون اهم من التيكنيكال بس مشعارف اعمل كدا ازاي
احساس ال imposter syndrome برضو مش سايبني في حالي و اني اقل من الي حواليا و مستحقش اكون موجود و اني مخادع و مشعارف ايه