u/Utako_o

دايما لما كنت بقرأ حاجه بيكون عندي هاجس مناقشة بعض الأفكار اللي قرأتها مع إنسان آخر و خصوصا لو شايف إن فيه فايدة مستقاة من ذلك الكتاب, و نادرا ما عثرت علي شخص مهتم بنفس اهتماماتي, فعشان كدا بدأت نادي قرائة برؤية محددة يساعدني أعثر عن ناس بنفس الاهتمامات.
الطابع العام هيكون فلسفي, ديني (بدون مناقشات في الدين), سياسي, اجتماعي (علوم انسانية بشكل عام لكن مش واحدة منهم تحديدا)

1. الاهتمام الأساسي: دراسة الاحتلال الثقافي و الاقتصادي (الامبريالي) الغربي للمسلمين و دول "العالم الثالث" عموما, كيف وصلنا إلي هنا و كيف نفيق من هذا الوضع, و دراسة الأيدولوجيات السائدة في العالم حاليا.
2. التوجه الأساسي ديني, بحيث أعرف كمسلم مكاني فين وسط الأيدوليجيات دي (كمثال : كتاب الاسلام بين الشرق و الغرب).
3. الهدف النهائي: هو بناء شخصية مثقفة بأساس معرفي قوي تُصْلِح نفسها أولا, و لديها القدرة علي رؤية نقاط الضعف في مجتمعاتنا والقدرة علي تقديم حلول واقعية و تنفيذها, لأن همنا الأساسي نصرة الإسلام.

الكتب اللي هنقرأها هتكون مثل الموجودة في الصورة

تنويه

بدأنا من 5 شهور و خلصنا :

• السيرة الذاتية للمسيري
• الاستشراق لإدوارد سعيد
• الأمير لمكيافيلي
• مزرعة الحيوان لجورج اورويل

طريقة التنظيم: بتكون بالتجمع في جروب ديسكورد, و بنخش مكالمة مرة أسبوعيا لمناقشة الجزء المتفق عليه من قبل.
و ممكن لو كلنا قريبين من بعض جغرافيًا نتجمع في مكان لو مناسب مع الأعضاء.

اسم النادي "المنور" جاي من فكرة التنوير اللي غالبا ارتبطت بالإلحاد بس معناها الأصلي جميل, اسم مكان للنور فهو حيث تحدث الإنارة, و في نفس الوقت عندنا في ثقافتنا المنور بتاع العمارة اللي هو المكان اللي بيدخلها النور و برضو بيكون مكان للتجمع في المجتمعات الصغيرة برضو فحبيت المعني المزدوج, و الكلمة نفسها تحسها خفيفة كدا و مش تقيلة, تخيل حد يسألك رايح فين تقوله رايح المنور.

فلو مهتم اكتبلي في الكومنتات.

>
شرط مهم جدا : تكون مستعد تلتزم بالقراءة و الحضور الأسبوعي

_