u/WalkEfficient8977

ازاي الاقي الناس دي انا شبه فاقدة الامل ف على الاقل لو مش هلاقي ناس كدا حد يقولي ازاي اخلي الناس تتأثر بيا وتبقا كدا تبقا دغري وايجابية زيي دا هيفيديني وهيفيدهم بدل ما انا دايما الي بتأثر بسلبيتهم

في المدارس الحكومية تلاقي مدرسين مش عايزين يشرحو وطلاب مش عايزين يفهمو وكلو جاي يضيع وقت

تروح الجامعة تلاقي نفس الحكاية دكاترة مش عايزين يشرحو وطلاب جايين يضيعو وقت دا غير فشل الادارة

والادهى ان نفس قلة الضمير دي ممكن تبقا موجودة كمان في القطاع الخاص يعني ناس دافعة فلوس في الارض عشان تضيع وقت ..

هو احنا وقتنا ببلاش هو احنا هنعيش كام سنة يعني عشان نضيع السنين دي كلها في مؤسسات معدومة الضمير ومحدش عايز يقدملك خدمة حقيقية

شعب عايش على العمل الغير متقن والغير مكتمل لو بصيت وركزت في طبع الشعب المصري هتلاقيهم كدا فعلا مفيش اتقان ولا حب للي بيعملوه

عشان كدا كل حاجة عبارة عن تضييع وقت وفلوسنا ومجهود اهالينا وشقاهم للدرجة دي ملهوش اي معنى عند الناس الي معندهاش ضمير الي في كل مكان في البلد دي

هو احنا ملناش احترام ولا ينفع نعيش حياة آدمية ابدا الناس هيكون عندها احترام لنفسها امتى .

ومحدش يقولي اقتصاد البلد وبتاع لا دا سوء ادارة 100%، في ولا 100 دولة افقر مننا بس شعوب منظمة وحياتهم ووقتهم مش بيروح في الضياع كأنه شيء ملوش اي أهمية

عشان ناس جادة وعندها اهداف ورؤية واحترام لنفسهم واعتزاز بنفسهم مش ناس سخيفة عايشين عشان يضيعو وقت ويحققو الكوميديا زيهم زي الحمير