u/Weak-Championship-17

تنزالبداية من تابعته جنت اتوقع اشوف شي سيء بسبب كمية الناس الي يسبوه بس من شفته طلع كلش حلو بس ما يوصل لعظمة آخر مسخر هواء خلي احجي على الشغلات الي عجبتني الي هي اولا القتالات جانن كلش ممتعات مثل قتال زهير و جماعته ضد تيم الافتار و مسخرين الحديد بمدينة زافو جان حماسي و ممتع و غيرهن من القتالات الممتعات ثانيا الشخصيات جانو زينين بس مو بمستوى شخصيات افتار اخر مسخر هواء اكو شخصيات اسطورية بس مو هواي مثل امون و اخوه و تينزن و اخوته و زهير و بنات توف (نسيت اساميهم) و فيريك و افاتار وان اذا ما غلطان بأسمه و باقي الشخصيات لو زينين لو عاديين مثل بولين و ماكو و اونالاك جانو شخصيات عادية ثالثا الأشرار جانو ممتازين ما عدا انولاك جان عادي و الباقين جانو ممتازين و ظهورهم يكون اله هيبة احسنهم امون كلش حبيته و نهايته انو يموت هو و اخوه جانت اسطورية احسن شخصية بأفتار كورا و اكو بعد مثل زهير جانت شخصية ممتازة بس المؤدي الصوت مالته ببداية الموسم ما انطاه الهيبة بس شوية شوية صار ادائه الصوتي احسن و ما ننسى كوفيرا ما حبيتها من بداية الموسم بس شوية شوية صارت احسن و صارت كلش رهيبة هسة نجي لنقطة ذكرتها بمراجعتي لأفتار اخر مسخر هواء الي هي الشغلات الي ما اخذت حقها مثل تسخير الدم بأفتار كورا اخذهن حقهن و زيادة مثل تسخير الدم جان فدشي استغلوها بشكل ممتاز و خلوها ارعب اكثر بسبب قدرتها على تعطيل تسخير الواحد الي اكتشفها امون و غيرهن من الشغلات الي اخذن حقهن هسة نجي للسلبيات اولا العلاقات الرومانسية بين الشخصيات جان شي كلش خايس و محلو خاصتا علاقات الحب بين كورا و فريقها اول شي بدتها ببولين و اخر شي بآسامي اكدر احجي عليهن بتفاصيل اكثر بس مالي خلك اعصر مخي على شي ما يستاهل ثانيا الكوميديا جانت مو ذاك الكد ضحكت على شكم شغلة بس الباقيات ما يضحكن ابد خاصتا الشغلات الي يسويها بولين جانن ما يضحكن و كرنجيات بشكل مو طبيعي اكو شغلات من عنده جانن تضحك بس تصير مرتين لو مرة كل موسم الوحيد الي خلاني اضحك اكثر من مرة الي هي توف جانت الوحيدة الي خلتني اضحك اكثر من مرة و ثالثا شخصية كورا الي جانت مو بذاك الزود تمنيت لو جانت احسن عنيدة بشكل مو طبيعي و مزعجة و شايفة نفسها بشكل مو طبيعي خاصتا اول موسمين بالموسم الثالث شوية خفت و بالموسم الرابع شوية تحسنت فصارت من شخصية سيئة الى شخصية عادية هذا كلشي اكوله بهاي المراجعة و هسة راح ارتب المواسم من احسن واحد الى اضعف واحد بيهم و اكول احسن شخصية بالموسم

1- موسم الاول احسن شخصية هي آمون

2-موسم الثالث احسن شخصية هي زهير

3-موسم الثاني و الرابع جان راح يكون بس الموسم الرابع بس الشي الي الخلة موسم الثاني متساوي وية الرابع الي هي قصة اول افتار الي هو وان و ظهور عمو ايرو الي خلاني اكمز من الفرح احسن شخصية بالموسم الثاني افاتار وان و احسن شخصية بالموسم الرابع الي هي كوفيرا

كارتون اسطوري شخصيات اسطورية مثل زوكو الي عنده تطور شخصية ممتاز و انغ الي اعتبره بطل ممتاز و عمو ايرو الي اعتبره مثل عمي و توف الي بسببها باوعت افاتار قتالات ممتعة مثل قتال زوكو ضد ازولا الي الانيميشن مالته جان ما ينوصف من الجمال و كوميدية رائعة هواي لقطات كوميدية خلتني افطس من الضحك مثل لمن سوكا عباله ابا اكل مومو جانت بالنسبة الي كلش تضحك و الدرامة بكرتون أفتار جانت كلش حلوة الاماكن بالكرتون كلش حلوات مثل با سينغ سي بالنسبة الي احسن مكان بأفتار الي اتمنى اعيش بيها الشي الحلو بأفتار انو يعرف يضبط الكوميدية الي بيه اذا الموقف جدي ماكو ضحك و اذا الموقف كوميدي راح يكون ما بيه اي جدية نهاية افتار جانت جميلة اكو شكم شغلة اتمنيت لو استعملوها اكثر مثل تسخير الدم الي اعتبرها فكرة رهيبة و تخوف بأن تكدر تتحكم بالانسان عن طريق دمه طلعت بأفتار مرتين مرة بقتال كيتارا ضد مسخرة الدم و مرة استخدمتها كيتارا ضد الي كتل امها بالنهاية اعتبر افتار تحفة فنية تستاهل كل الوكت الي ضيعته عليه

سلام عليكم هذا تقيمي لاجزاء ماريو الار بي جي من ناحية القصة و الشخصيات و الساوندتراك و الغيمبلاي

سلام عليكم هذا تقيمي لاجزاء ايس اتورني الي لعبتهن من ناحية القضايا و الشخصيات و الساوندتراك