Focus Issues
مرحبا يا جماعة ..
حاليا بواجه مشاكل بشغلي و خايف هاد الاشي يأدي لأسوأ الاحتمالات مستقبلا.. حاليا عندي مشكلة انه تركيزي صاير صفر في الشغل .. دايما بدي الاقي اي اشي يلهيني عن شغلي.. دايما ملتهي بالتلفون دايما تركيزي بأي اشي في الدنيا عدا الشغل .. المشكلة انه علي مسؤوليات كتير جدا و مع هيك مش عارف اشتغل و احط راسي في الشغل .. مش عارف يمك لانه في مليون اشي براسي .. الفكرة انه من فترة شركتي روحوا اكم موظف لانه ادائهم كان سيئ بشكل عام .. توقعت انه هاد الاشي يحفزني اني اركز اكتر .. بس عالفاضي .. وكأني فاقد الشغف نهائي .. مع انه كتير جدا كنت احب مجال شغلي (هندسة البيانات ) و بتباهى فيه قدام الناس قد ما بحبه .. بس خلص مش عارف شو بصير فيي .. كمت زمان من النوع الدريس يعني داايما بتعلم امور جديدة و اخد دورات الدنيا لاني كنت احب .. يعني مش عارف شو السبب .. معقول السبب اني بداوم من البيت؟؟ او مثلا اني بدي تحدي جديد ؟؟ انا نفسي مش عارف شو السبب .. يمكن لانه حياتي مملة و حاس حالي مش بكافئ حالي باشي بما اني بشتغل بعد الدوام اشي تاني .. بحس في مليون سبب و مش عارف شو اعمل .. شو بتنصحوني اعمل؟؟ كيف ممكن استعيد تركيزي و اكون الانسان المبدع الشغوف اللي كنت عليه قبل؟؟ وشكرا الكم