u/Worried_Depth8400

اني عندي تاب قوي ونت جيد ضوئي مو كلش سريع ولا بطيئ (الداونلود 3-6ميجا) واريد العب كم لعبة يعني مو لدرجة اشتري جهاز كامل ماعندي هلكد خلك (ولا فلوس) ف هل الكيم باس حل مناسب

والي مجربه يكلي يفيد اذا اشتراكي وطني لو راح اشوفه بطيئ ويعلك

​

تشجع العزوبية وتحارب الزواج ، فخلي أسولف باعتباري متزوج .. ومن نسولف عالبنات يعني وخرّ .. يعني القوارير ، يعني الكيك ، يعني الجلي .. يعني الكائنات الهلامية الي المفروض تخليهن بالثلاجة حتى لا يموعن وتباوع عليهن ..

انت الي دتشجع عالعزوبية : بحياتك كلها نايم بالبرد مطئمن ما راح تتمرض ؟ لأن أكو كائن لطيف كلما تشمر الغطة يكعد من النوم يغطيك ؟ .. حاسس بهذا الشعور ؟ أكيد لا .. لأن بعدك تنام عالقنفة ولو تتمرغل برة البيت محد يدري بيك

زين شايف من تروح لمكان بعيد وهناك ببيتكم أكو بنية لطيفة كلبها ينبض عليك كل شوية تخابر تطمئن عليك ؟ لا أكيد مشايف لأن جبت عمرك عايش مثل أي قلم زايد يا ينكتب بيه يا يجف من البرد..

زين بحياتك كلها طاب للبيت مقهور وتلزم ايدك فد ايد ناعمة .. وتكلك لتشيل هم آني وياك ؟ .. صايرة وياك هاللقطة ؟ أكيد لا ، لان أنعم ايد لازمتك هي ايد سعد الفيتر .. وأكثر واحد يواسيك هو صاحبك الي يكلك بحكم الميانة : يلا طبك مرض هسة انت اول واحد تصير عنده مشاكل ؟

زين سولفلي : رايح فديوم لغير محافظة وأكو بنية كاعدة بصفك الي هي زوجتك تنعس بالطريق وتنام على جتفك ؟ شايف شلون تحس روحك سند مهم عبالك لازم سد الموصل حتى لا يوكع ؟ .. اكيد لا ، لأن اقوه شي مسويه بحياتك تنتجي عالحياطين

لعد انت شايف عيون زوجتك من تشوفك تعبان شلون اذا هي بقمة السعادة تتحول الى قمة الحزن وتقطب حواجبها مو لشي بس علمودك انت .. شايف ؟ شايف ؟ لا .. لأن خلصت حياتك من تضوج تكعد وحدك بالغرفة ....

زين شايفها من هي ضايجة وتضحك وتفرح علمودك لأن تشوفك فرحان ؟

وين شايف .. هو انت من تفرح منو يدري بيك

شايف المنطقة العاطفية الي تنترس عندك وتبدي تشيل خشمك على اي بنية تشوفها غير زوجتك بدل ما انت هسة اي وحدة تشوفها تحبها من طرف واحد ؟

اهو بعد شكد سوالف .. واذا عالالتزام فأنت أول وتالي لازم تشتغل وتتعب وتذب الزبالة حتى لو عايش وحدك .. واذا على طلعة الكهوة وهالسوالف ترة ضحكة وحدة من زوجتك ( اذا تحبها ) تعادل الكهوة وداسين دمبلة هم

طبعاً اكيد دا اسولف ضمن الظروف الطبيعية المؤهلة للزواج.

​

اول البارحة جنت كاعد بالمعهد وجانو كاعدين يمي تقريبا 19 طالب سادس وبنات وامهات ويعني بعد هوة معهد ف المعاونة كامت تحفز الطلاب وتكللهم انتو أقوياء وتكدرون تطلعون طبية وهندسة وانتو اذكياء جان واحد من الطلاب  كللها ست اني طالب أدبي جان فجأة الكاعدين بالقاعة كلهم كام يضحكون واني هم بس ضحكت لا اراديآ  الرباط هو ... ليش نضحك على طلاب الأدبي ليش همة مو بشر ؟ اتمنى تثقفون وتعترفون انُ طلاب الأدبي طلاب حالكم حالهم  ترة انتو محاسبين امام الله ثاني شي ترة تتأذى نفسية طالب الأدبي من يشوف هيج انتقاد وضحك علية اتمنى ما تستنقصون من طلاب الأدبي

#طلاب_الادبي_هم_بشر_مثلنة

#طلاب_الادبي_همة_المستقبل