r/BetrayedUnicorns

جنت احچي ويا اختي عن صديقتي الالكترونية الي هي بنفس محافظتي وگتلها نريد نطلع سوه ومن هنا بلشت التحقيقات

ظلت تسألني ليش تريد تطلع وياي اني بالذات مو عدها اهل واقارب تطلع وياهم وحتى من جبت طاري ارض المرح صارت تسألني يعني مالگيتوا غير هالمكان

وبعدين من وضحتلها فرق العمر بيناتنا گالتلي اني ما احب العلاقات بين شخص اكبر وشخص اصغر منه خارج اطار العائلة

هنا الصراحة اني ما عرفت شجاوبها لان حسيت جاي تمسلت فحاولت افهمها انو عادي نريد نطلع نغير جو ونكعد نسولف وحتى گتلها نكدر نأجلها لأي يوم يناسبنا

بس ظلت ترجع لنفس الحچي شنو الغاية من الطلعة وشنو الاستعجال هذا كله وشنو الروابط المشتركة بيناتكم ومن گتلها عدنا اغاني وافلام ومسلسلات مشتركة صارت تحچيلي عن عدم ثقتها بالعلاقات الالكترونية

وبالنهاية من ما بقى عدها حچي گالتلنا روحن كملن تواصلجن

وهنا اني عبالي شلون يعني نكمل تواصلنا الالكتروني وبنفس الوقت حتى من نريد نتلاقى بالواقع تصير كل هالقصة؟ يعني احنا بنفس المحافظة وكل الي نريده نلتقي بمكان عام ونغير جو شوية شنو المشكلة بالموضوع ما فهمت

مشكلة اختي الجبيرة خلال مسيرتها الجامعية ككل ماحطت ولا قطرة مكياج ولا مرة طلعت وي صديقاتها خارج اطار الجامعة نهااااااااائيا نعم لهاي الدرجة ،طبيعة اهلي او يمكن كل الاهالي يحبون جهالهم البقية يمشون على خطى الاخ/ت الاكبر ،فرضا لو اختي تطلع وتطب وي صديقاتها رح يكون الموضوع عادي ولو اني اجيت اطلع وي صديقة حيكون عادي جدا ،مارح تطلع سالفة ،ليش هالاستعجال ؟وشنو الغرض ؟ وليش تطلع وياج بالذات انتي شنو ماعدها ناس غيرج

مشكلة اختي كلما اكللها اريد اطلع وي فلانة تكلي تره فلانة عدها ناس غيرج يعني ليش تريدج انتي بالذات ،فماله داعي الاستعجال ولا داعي الملحة واصلا ليش تطلعن ؟

لمن كملت حجي وي اختي بخصوص صديقتي الالكترونية انتهت وكالتلي باستهزاء واشرت على ايبادها كملن تواصلجن هنا

اعرف اهلي شلون يفكرون ولهذا حتى ما كلتلهم انو صديقتي الكترونية، خليتها على اساس اعرفها من السادس والتقينا مرة واخذت حسابها وكمنا نتواصل. ورغم هذا كله صار تحقيق وشكوك وكأن عدنا دوافع خفية فما بالك لو يعرفون الحقيقة

بقت ماما أملي الوحيد بس حتى لو وافقت اختي رح تحشي براسها

اعرف هواي بنات يعانن من هالموضوع بس مو كلشي يصير شائع يعني طبيعي. اهلي يريدوني اصير مثل اختي البيتوتية الي حتى فرصة عمل رفضتها علمود النوم والراحة وكلشي اختي الكبيرة ما تسويه اني هم المفروض ما اسويه

تعبت اريد اعيش مراهقتي مو معقولة كل ذكرياتي سيلفي بالاستوديو 😵‍💫😵‍💫😵‍💫 اتمنى اختي تروح من حياتي واخلص من سلطتها ،والي يكلي حاجي اهلج ،هاي الgod مال البيت

********* للتوضيح هذا الحجي كله مو لسواد عيونها جنت جاي اتوسل بيها تاخذني لان ماكدر اطلع وحدي وظلت تتحجج مابيها حيل ونومها مخربط والخ ،وهي طبيعتها هيج كلما اكللها اريد اطلع تبينلي انه ماكو داعي او غرض من الطلعة وماكو اي اهمية ،سابقا خططنا نطلع اني وصديقتي بس اكيد لازم بحضور هيبتها ،وشهر كاااامل يله كدرنه نطلع بس مماطل اختي الي ماله نهاية ، ودائما تحب تحط ملاحظة هالشخص عنده هواي ناس غيرج فلا تكتلين روحج عالطلعة

كل شيء في الحياة مجرد وهم مجرد إشارات عصبية لا قيمة لها حتى الموت وهم الوطن ما هو إلا قطعة ارض من الاحجار والرمال العاطفة والحب والأمومة مجرد هرمونات كيميائية لا تعني شيء المال والعملات مجرد وسيلة للسيطرة على البشر واستعبادهم القوانين والمجتمع والاخلاق والشرف مجرد اشياء صنعها بعض البشر وفرضوها على بقية البشر والأصل في الحياة والمجتمع هو البقاء للاقوى وثقافة القطيع وباقي المبادئ مجرد اوهام مصنوعة لإخفاء هذه الحقيقة وجعلنا عبيد ومنعنا من إشباع غرائزنا الفوضى هي الأصل في الكون والنظام مجرد وهم كذلك اخترعناه لكي يسيطر صاحب السلطة والقوة على باقي القطعان من البشر الماضي مات والمستقبل لا يمكن معرفته والحاضر سينتهي لا يوجد خير او شر فكلنا نفعل ما نستطيع للبقاء واستمرار حياتنا والأصل هو ان كل شخص لنفسه

عود ليش مجتمعاتنا تحتقره ويشوفوه انه غير صالح ان يتزوج من بناتهم او تتزوج من اولادهم ، يعني شنو ذنبه هو ،زين ليش اذا احد دافع عليه بخصوص الزواج ،بس اذا طرحت للمدافع هذا انه يزوج بنته او ابنه للقيط/ة كبل يرفض ويشوف انه شي مخزي

يعني الصراحة لاحظت المجتمعات العربية هواي تحاول تطلع عيوب بالشخص ،او تخلق عيوب جديدة

🇮🇶 اللادينيين العراقيين

* 🛑 للادينيين فقط: مجتمع مخصص حصراً للادينيين لضمان الراحة الأمان الفكري.

* 🌍 نرحب بجميع اللادينيين: سواء كنت داخل العراق أو في أي مكان حول العالم، أهلاً بك معنا.

🔗 رابط السيرفر: [ https://discord.gg/WpBYtZZEbp ]

🇬🇧 Iraqi Irreligious Community

* 🛑 Irreligious Only: A dedicated community strictly for irreligious individuals.

* 🌍 Everyone is Welcome: Whether you're in Iraq or anywhere else in the world, we’d love to have you.

🔗 Join us here: [ https://discord.gg/WpBYtZZEbp ]