u/xoXOkgoergekordahi6

جنت احچي ويا اختي عن صديقتي الالكترونية الي هي بنفس محافظتي وگتلها نريد نطلع سوه ومن هنا بلشت التحقيقات

ظلت تسألني ليش تريد تطلع وياي اني بالذات مو عدها اهل واقارب تطلع وياهم وحتى من جبت طاري ارض المرح صارت تسألني يعني مالگيتوا غير هالمكان

وبعدين من وضحتلها فرق العمر بيناتنا گالتلي اني ما احب العلاقات بين شخص اكبر وشخص اصغر منه خارج اطار العائلة

هنا الصراحة اني ما عرفت شجاوبها لان حسيت جاي تمسلت فحاولت افهمها انو عادي نريد نطلع نغير جو ونكعد نسولف وحتى گتلها نكدر نأجلها لأي يوم يناسبنا

بس ظلت ترجع لنفس الحچي شنو الغاية من الطلعة وشنو الاستعجال هذا كله وشنو الروابط المشتركة بيناتكم ومن گتلها عدنا اغاني وافلام ومسلسلات مشتركة صارت تحچيلي عن عدم ثقتها بالعلاقات الالكترونية

وبالنهاية من ما بقى عدها حچي گالتلنا روحن كملن تواصلجن

وهنا اني عبالي شلون يعني نكمل تواصلنا الالكتروني وبنفس الوقت حتى من نريد نتلاقى بالواقع تصير كل هالقصة؟ يعني احنا بنفس المحافظة وكل الي نريده نلتقي بمكان عام ونغير جو شوية شنو المشكلة بالموضوع ما فهمت

مشكلة اختي الجبيرة خلال مسيرتها الجامعية ككل ماحطت ولا قطرة مكياج ولا مرة طلعت وي صديقاتها خارج اطار الجامعة نهااااااااائيا نعم لهاي الدرجة ،طبيعة اهلي او يمكن كل الاهالي يحبون جهالهم البقية يمشون على خطى الاخ/ت الاكبر ،فرضا لو اختي تطلع وتطب وي صديقاتها رح يكون الموضوع عادي ولو اني اجيت اطلع وي صديقة حيكون عادي جدا ،مارح تطلع سالفة ،ليش هالاستعجال ؟وشنو الغرض ؟ وليش تطلع وياج بالذات انتي شنو ماعدها ناس غيرج

مشكلة اختي كلما اكللها اريد اطلع وي فلانة تكلي تره فلانة عدها ناس غيرج يعني ليش تريدج انتي بالذات ،فماله داعي الاستعجال ولا داعي الملحة واصلا ليش تطلعن ؟

لمن كملت حجي وي اختي بخصوص صديقتي الالكترونية انتهت وكالتلي باستهزاء واشرت على ايبادها كملن تواصلجن هنا

اعرف اهلي شلون يفكرون ولهذا حتى ما كلتلهم انو صديقتي الكترونية، خليتها على اساس اعرفها من السادس والتقينا مرة واخذت حسابها وكمنا نتواصل. ورغم هذا كله صار تحقيق وشكوك وكأن عدنا دوافع خفية فما بالك لو يعرفون الحقيقة

بقت ماما أملي الوحيد بس حتى لو وافقت اختي رح تحشي براسها

اعرف هواي بنات يعانن من هالموضوع بس مو كلشي يصير شائع يعني طبيعي. اهلي يريدوني اصير مثل اختي البيتوتية الي حتى فرصة عمل رفضتها علمود النوم والراحة وكلشي اختي الكبيرة ما تسويه اني هم المفروض ما اسويه

تعبت اريد اعيش مراهقتي مو معقولة كل ذكرياتي سيلفي بالاستوديو 😵‍💫😵‍💫😵‍💫 اتمنى اختي تروح من حياتي واخلص من سلطتها ،والي يكلي حاجي اهلج ،هاي الgod مال البيت

********* للتوضيح هذا الحجي كله مو لسواد عيونها جنت جاي اتوسل بيها تاخذني لان ماكدر اطلع وحدي وظلت تتحجج مابيها حيل ونومها مخربط والخ ،وهي طبيعتها هيج كلما اكللها اريد اطلع تبينلي انه ماكو داعي او غرض من الطلعة وماكو اي اهمية ،سابقا خططنا نطلع اني وصديقتي بس اكيد لازم بحضور هيبتها ،وشهر كاااامل يله كدرنه نطلع بس مماطل اختي الي ماله نهاية ، ودائما تحب تحط ملاحظة هالشخص عنده هواي ناس غيرج فلا تكتلين روحج عالطلعة

مبدئيا الله ماله علاقة هاي كلها نتائج جهل وتخلف الشعب لا اكثر ،ليش كلشي يصير بسبب تصرفات البشر الخاطئة نخلي عذرها انه الله غاضب علينا ،غاضب علينا بشنو ،دول الغرب شو كلها تزني وتشرب عرك وملاحدة ووووو بس يعرفون حقوقهم ويعرفون يختارون حكامهم والله ولا بحالهم

بس ليش دائما نذب نتائج خيارات الشعب الغبية على انها غضب من الله

الاغبى من ذلك هو الي يصدك بهاي الاحاديث

عود ليش مجتمعاتنا تحتقره ويشوفوه انه غير صالح ان يتزوج من بناتهم او تتزوج من اولادهم ، يعني شنو ذنبه هو ،زين ليش اذا احد دافع عليه بخصوص الزواج ،بس اذا طرحت للمدافع هذا انه يزوج بنته او ابنه للقيط/ة كبل يرفض ويشوف انه شي مخزي

يعني الصراحة لاحظت المجتمعات العربية هواي تحاول تطلع عيوب بالشخص ،او تخلق عيوب جديدة

يعني وزارة التربية شوكت ططورون

لو الي جواها يكول مالها علاقة لا واسطة ولا بلوكر ،بس يعني شوكت الناس تتقبل واقع العراق او العالم ككل صار كله بالواسطات الى متى نظل مطاية

روبلوكس ابدعت بتكوين سكن الذكر هذا، رجل معضل عريض مربع يحمي الانثى مالته ووجه رجولي وسيم مبتسم بجميع الحالات دلالة على ان الرجل دوم يعرف يتعامل وي الحدث وصلب بموقفه ومايهزه الريح وخلفه الانثى مالته مبتسمة ووجهها وجه وحدة فطيرة ماتدري بالدنيا طشت لو رشت ومحتمية خلف رجلها وتدري الوضع امان مادام هو وياها ​كم انتِ عظيمة ياروبلوكس

اكره نسيم الهوا البارد الي الصبح بنهايات سبتمبر وبدايات اكتوبر يذكرني الصبح من اطلع للطارمة اخذ هدومي ،واكره نسيم الهوا البارد الي بالليل يذكرني بماما لمن تطلع تشر هدوم واني نازله اشرب ماي اغير جو من القراية ، اكره المدرسة والجو الي يذكرني بالمدرسة

عباس الظاهر قراله جم مقولة لو صفحة من كتاب خرياني يشرح عن نظام الدكتاتورية وشون مايصير تخلي الي ادنى منك كمستوى بالمنصب مايحجي وياك ويدك ميانة ولاتسوي سالفة من تواضع لله رفعه لان ياعزيزي الممصوص العفو عزيزي المسؤول انت بمنصب عالي ولازم تفرض شخصيتك ومنصبك وكلمن يحترمك لاشعوريا ،بس هذا الحجي ينطبق على الي يشتغلون من صدك ،مو انت اقوى شي عندك تبليط ولسه ممنفذة والي هو عند المحافظات الثانية المتطورة والدول الباقية شي اساسي يخلصون منه وبعدين يكعدون يمرمطون براحتهم

بعدين وجهك هذا الي كله حب ابصم بالعشرة من كساسة الكحاب الي يكعدن على وجهك بمقابل وكله التهابات ،يعني نصيحة جيبلك كحاب نظيفة مرة ثانية وجهك متروس حب مو فشلتنا ومبينة سالفتك ذيج وياها ، بالاضافة الى اهالي الديوانية لازم يخلون لافتة كلما يجي محافظ يحجي وياهم لازم يشمرون عليه بعرور ( خره المطي) حتى يعرف منصبه زين مو يكعد يتكسكس على هذولة المساكين الي ابسط حقوقهم ماكو

اعتذر عن الفشار وتحياتي الطيبة وجزيل الشكر للقراءة

هاي من جنت رابع ابتدائي معلمة القراءة جانت تريد من عدنا والي اني اصلا حضرتهم وكت ماطلبتهم دفتر قراءة ،قواعد ،تعبير ،ف بيوم اجتي كالت اريد دفتر للامتحان الشهري ف اني جنت مثل " بعد فوك كل هذا ؟" رجعت للبيت وماما جاي تلم بالهدوم اريد احجي ماكدر ومن حجيت كمت احجي واني ابجي وكلتلها المعلمة هيج تريد وامي مصدومة ليش جاي ابجي ،واذكر هماتين ببداية الرابع ابتدائي جنت جاي اسبح وعيوني تنكط دموع وافكر شون رح اكمل هاي السنة وتفكيري كله شكد رح اشتاق لماما

عموما اني من كد ما اكره المدرسة اجهزلها جفيان شر يعني عندي قميص وصدرية من الثاني متوسط اني بيهم وماما لحت عليه يله هالسنة اشتريتلي صدرية وقميص وجنطة ،والدفاتر والقرطاسية وكذا صديقتي تكلي هو اني الي يسويلي واهس ذني التجهيزات، اني حرفيا حتلو سويت تجهيزات وره يومين رح يطفه الحماس فدوم ادخر فلوسي لغير شي بدل ما اصرفهم على شغلات المدرسة

اتمنى هالعامين يمرن بسرعة البرق والرعد