مجاي اگدر اضعف
السلام عليكم، صارلي شهر ونص احاول اضعف و ما جاي احصل نتيجة.
اني طولي ١٦٣ سم ووزني ٦٢ كغم و اريد اوصله ل٥٢ كغم.
عمري ٢٢ سنة وما عندي مشاكل صحية.
اول ما بديت وي العطلة وكنت متحمسة و اني اصلا احب الكارديو ف كنت العب ساعة باليوم ٥ مرات بالاسبوع وي عجز سعرات ١٢٠٠-١٣٠٠ سعرة باليوم. بالاسبوع الثالث قست وزني و كنت ٦١.٩ كغم.
انقهرت فد اسبوع و رجعت قلت اذا الكارديو ما يفيد خل اجرب تمارين المقاومة و صدگ كمت اسوي بين يوم و يوم فد ٣٠-٤٠ دقيقة و امشي ١٠ الاف خطوة باليوم. ووره اسبوعين كان وزني ٦٣ كغم.
مشكلتي ادور اكل شوكت ما حسيت بالملل و اميل للحلويات ف كنت احاول سناكاتي تكون عبارة عن فواكه بس وهم احسب سعراتهن.
نوعا ما التزمت بكم عادة مثل اشرب ٢-٣ لتر باليوم، امشي هواي بالبيت، بديت احب الزلاطات وي الاكل.
وزني يتغير هواي يعني و اني صايمة قريب وقت الاذان قست وزني كان ٦٠.٨ مغم، قسته ثاني يوم صار ٦١.٥ كغم، قسته وراها بيوم كان ٦٣ كغم!
ما اعرف شنو المشكلة رغم اني اوزن كل اكلي واحسب كل سعرة تقريبا.
اريد ابدي من جديد بنظام و تمارين جديدة وره الاربعين بس احتاريت شلون لان احس كلشي ما فادني و اول مرة تواجهني هيجي صعوبة، عادة اضعف بالكارديو كيلو بالاسبوع من اسويه.
احد عنده نصيحة تفيدني؟