ازاي احدد سعر بروجكت (كلود بيقولي 27ل45 الف دولار)
للناس الللي اشتغلت في السوق وفاهمه ازاي تسعر بروجكتس
بنيت منصة SaaS من الصفر، multi-tenant، يعني نفس الكود بيخدم أكتر من
مؤسسة وكل واحدة داتاها معزولة عن التانية تماماً. فيه حد جه لي بالفكرة
وهو اللي هيبيعها ويتعامل مع العملاء، وأول عميل عنده ما بين ١٥ و ٢٠
ألف مستخدم، والاشتراك سنوي.
حجم الشغل علشان تتخيلوا:
• حوالي ٦٠ جدول في الداتابيز وأكتر من ٢٠ migration
• حوالي ٧٠ ألف سطر كود production
• حوالي ٢٤ ألف سطر tests
• أكتر من ٥٠ صفحة/route
• نظام صلاحيات فيه ٧ أدوار وأكتر من ٦٠ صلاحية
• عزل داتا على مستوى الداتابيز نفسه، لأن مستحيل عميل يشوف داتا
عميل تاني
• Next.js و Postgres و AWS
• تقدير الحجم: شغل زي ده لفريق عادي بياخد من ١٦ لـ ٢٢ شهر عمل،
يعني تقريباً فريق ٣ أفراد لمدة ٦ شهور (الحتة دي كلود هو اللي حددها)
الأسئلة:
١) الشغل ده بيتحاسب عليه كام في السوق المصري؟ مبلغ مقطوع؟ بالساعة؟
٢) وبما إن اللي طلب الشغل هيبيع نفس المنتج لعملاء تانيين بعد كده،
الاتفاق يبقى شكله إيه؟ مبلغ وخلاص؟ ولا مبلغ زائد مبلغ على كل
عميل جديد؟ ولا نسبة من الاشتراك السنوي؟
٣) اللي عنده تجربة شبه دي، الاتفاق وقع منين؟ عايز أعرف الغلطات قبل
ما أقع فيها.
أي رأي هيفرق معايا، وشكراً