هل ممكن استرد فلوسي؟
النهاردة حد من صحابي مكلمتوش من فترة ولكن علاقتنا كويسة جدا مع بعض كلمني من اكونت تاني غير الاساسي بتاعه علي انستجرام وقالي انه مزنوق في فلوس مع عميل وممكن احولهاله انستا باي علي محفظة ( ودة طبعا غباء مني وعارف اني اتغابيت اني متأكدتش بالظبط اللي بكلمه دة صحبي بجد ولا حد تاني) وبعتله الفلوس بعدين اخدت بالي ان الاكونت مش هو هو ولكنه حاطط نفس الصورة وكمان عنده mutuals ما بينا زي بعض ، بعد ما حولت الملبلغ طلب مبلغ اكبر فقولتله طب كلمني علشان اتاكد ان دة صاحبي ولكنه عمل بلوك وقفل الاكونت
دخلت في لحظتها علي موقع النيابة العامة علشان اعمل شكوي الكترونية وشرحتلهم اللي حصل وخدت رقم شكوي بعدين اتصلت بخدمة عملاء qnb اللي هو البنك بتاعي وشرحتلهم الموقف وقالولي انهم بيعملو اجراء عندهم خلال يومين عمل وبتابع مع البنك اشوف وصل لفين وممكن الفلوس تسترد
سؤالي هل حد حصل معاه نفس الموقف وهل الفلوس بترجع ولا استعوض ربنا ( انا عارف انها غلطتي من الاول وانا كنت بتعامل بحسن نيه انه فعلا صاحبي لكنه طلع حد تاني مش هو ) بس لو حد مر بموقف مشابه اتمني يقول تجربته وهل المبلغ يستحق اني اروح لمباحث الانترنت ولا مش هيعملو حاجة