u/ahyaae

أقذر لعبة موجوده حرفياً خصوصاً للاطفال ويلي بعمر صغير،المشكلة العبة هيه موجهة للاطفال لانو على اساس هيه العاب متنوعه بس لا خليني احكيلكم شو العبه.

أول شي العبه فيها مايك في العب وللعلم العبه أون لاين،العبه ما بتهتم لعمرك لانو هتفوتك مع ناس اعمراهم حرفياً فوق ١٨ وفهمك كفايه شو مستوى القذاره الموجوده

العبه فيها زي غرف للدردشة حسب البلده يعني مثلا اذا كنت في الاردن فيه غرف دردشه صوت لناس بنفس بلدك بنات قصار وشباب كبار كثير،العبه اقل وصف الها (قذره).

(عن نفسي)انا لعبت هل لعبه حرفياً اول ما نزلت وقت كنت ١٥ وما احكيلكم شو صار،اجاني كثير من التحرش الفضي والمشكله انا شب كنت وقتها واجاني التحرش من شباب ومش من جنسيه وحده من كثير من الجنسيات وكثير ولاد صغار يعني ما بهمهم اذا كنت شب او بنت.

في بلعبه مسجات يعني زي الانستقرام حرفياً بترسل صوت وصور وكل شي وفهمك كفايه ايش ممكن يكون في كثير حالات ابتزاز،بتمنى العبه هاي تنحظر من كل البلدان العربيه لانو جد خطر،وانا شفت بعيني شو صار فيها،حبيت احذر منها لاني لقيت هل لعبه كثير منتشره في الوقت الحالي،وعم بنزل الها كثير اعلانات ديرو بالكم.

شوفو بصراحه انا بحب احضر شغلات غريبه بس مش هبل وكلام مالو فايده خصوصاً ديالا،يجماعة حرفياً كل شي بتخليه ماسوني اذا شافت مثلث في السقف بتحكي ماسونيه،اذا نانسي عجرم ما سلمت منها،شوفو ما عندي مشكله قلتلكم بحب شغلات الغامضة بس مش هبل وكل شي ماسونيه اذا نانسي ما سلمت منها

في شب على تيك توك فاتح حساب تيك توك اسمو بأسم حبيبتو (ريماس الصلاحات) حاطط صور البنت وفيديوهات البنت كلها حتى في المريول الاخضر،مبين على البنت قاصر ما منقدر نلومها باين على البنت بلكته على السناب وما بتحكي معو أبداً،الشب عم بنزل ستوريات بصورو وعم بتفاخر في هل الاشي وكاتب بالبايو (بعدني ما عملت شي) شكلو حابب يشهر البنت حتى اهلها يقتلوها،بتمنى منكم تعملو بلاغ على الحساب أو يلي بيفهم يكتب كيف نقدر نحن كا مجتمع نسكر هل حساب،بتمنى ما تلومو الضحيه لانو قاصر والبنت غلطت وكلنا منغلط،انا ما بعرف البنت بس شفت الحساب وبصراحه استفزني وحبيت اكتب عنو عشان على الاقل نقدر نربيه ونحذف الحساب بلغو على الحساب جد ممكن يفيد،واي حد ممكن عندو حل يكتب تحت🙏🏻.

يعني طالع بنص الليل ومغلب حالك ومصور فيديو مخصوص عشان تحكي هالقصة الخرافية؟ من متى بكون صاحب الحساب لما يعمل طعن بنفسه وبطريقة رسمية من نفس التطبيق غلط، بس لما يروح يسلم الباسورد والإيميل وبياناته الشخصية لواحد قال شو "مختص" بصير هيك بالأمان؟
يا جماعة انتبهوا منيح، الطعن هو الطريق الرسمي والوحيد المباشر من الشركة نفسها والسيستم براجع البيانات والهوية اللي أنت بترفعها بنفسك، أما تسليم الحساب لـ "مختص" فهو أكبر خطأ ممكن تعمله لأنك بتسلم معلوماتك السرية لشخص مجهول وهاد أصلاً بخرق شروط الاستخدام وبسكر الحساب نهائياً، ومعظم هدول المختصين كل اللي بيعملوه إنهم بياخدوا منك فلوس وبروحوا يفتحوا نفس صفحة الطعن العادية اللي أنت كنت تقدر تعملها بثواني أو بياخدوا الحساب وبختفوا!
بدل ما تنصح الناس تفعل الحماية وتأمن الإيميل طالع تحكيلهم لا تعملوا طعن بنفسكم وتعالوا اعطوني الحساب لأني بفهم أكثر منكم؟ الحسابات والبيانات الشخصية خط أحمر وما بتنعطى لأي بني آدم بالدنيا مهما ادعى إنه خبير، وأسرع طريقة لتخسر حسابك للأبد هي إنك تصدق هاد الكلام!

يجماعة ايش هاض اول مرا بعرف هل شغلات كل مرا يطلعولي بشغله جديده مرا اشي بنشرب،مرا حبه نيكوتين شو ضل كثير ماخذين موضوع بزنس زياده عن حدو هذول طلاب خلاص عاد ويا ريت يلي بيعرف شو هاض يقلي وشو المضار يلي بيعملها

بصراحه كلن لازمهم فضيحه من زمان بلكي يتعلمو يقللو سعر البطاقات الفلكيه،والمنصه يلي بتعلق كل شوي،والدعم الفني يلي بخزي ما برد بردوش الا وقت المصاري وقت تشتري،بس المشكله نحن اسبوعين زمن ومنخلص ما حد هيتسفيلد من الفضيحه غير الجيل الجديد😔.

انا بستغرب أول أشي من انو في أربعينيات pick me،ثاني اشي أنا ما بعرف شو بستفيدو لما يطلعو هضول الثنتين يحكو كلامهم كلو تدمير للبنات وتقليل من قيمه الإناث في المجتمع عنجد أنكن تافهات،البنت كانت قاعده عم تحضر مباره عادي هيه وصحباتها ما دخلك انتي وغيرك ليه تطلع هيه حره تطلع تشجع المنتخب ما في حد بمنعها،بس انو تبرري لشب مسك قزازه المي ورماها على البنت انو البنت ما تروح؟ شو دخل البنت يا بكمي،الشباب النور هذول همه يلي لازم يتحاسبو وما يروحو،مالك دخل بلبنت تطلع ولا شو تعمل بلزبط بتحب وطنها ومن حقها تعبر عنو طالما هيه محترمه وبتحضر المبارة بس ما تبرري لشب يا بكمي يا أربعينيه انو يرمي قزازه المي على البنات.

صار لي من الساعه 12:37 بعثت وعم بستنى رد،المهم طولو كثير بلرد وقلت أكيد عندهم ضغط وشغلات مش مشكله عادي المهم بترد علي وحده اسمها (ربى)،المهم ربى بعثتلي على الساعه 3:02 رديت عليها بسرعه نوعاً ما بنفس الدقيقه،حكيتلها المشكله كتبتلها الجريده من اولها لاخرها وانو شو عملت عشان اختصر برضو عليها الوقت وبعثت كمان سكرينه عشان زي ما حكيت اني اختصر الوقت،المهم قعدت تقريبا 11 دقيقه وانا بستنى رد منها بعدين بتقلي ابعثلي الرقم الخط بعثت لها بنفس الدقيقه ومش بس الرقم الخط كمان أسم الكامل والرقم الوطني لانهم دايماً بطلبو هاي الشركه خصوصاً وعشان اختصر الوقت برضو، المهم قعدت كمان 12 دقيقه ولو ما انا حكيت ما كانت بعثت اصلا،كنت بدي اعرف المشكله بس عرفت انو الست ربى كمان بدها 10 دقايق تا تكتب فا شكرتها على الغلبه يلي حضرتي غلبتها ياها،شكرا كثير الست (ربى).

قررت اصالح صديق كان معي صارت بيني وبينو مشكله تافهه ومن بعدها ما حكينا وبلكنا بعض عشان هل سبب رغم انو نحن الاثنين غلطانين بس هوه غلطان اكثر،مرت كثير ايام وما حكى معي ولا انا حكيت معو،المهم انا اخر فتره سامحت الناس كلهم وما بحب اخلي حد زعلان مني او اي شي من هل موضوع رغم انو انا زعلان بس قلت ما هكابر خليني ابعثله بنيه الصلح اذا صار شي ما صار بلاخير عملت يلي علي ونشر الخير منيح ومش مضر بعثتلو بدي احكي معو عمل حالو ما بيعرفني وبس حكيت اسمي حكى عني معاق،من متى المعاق مسبه؟ بلعكس انا ما بشوفها مسبه وفي كثير ناس "معاقين" موهوبين،المهم بعدين عملي بلوك،حكيت مع شخص مقرب لالو وحكا ألي انو هوه ما بدو يحكي معي على السوشل ميديا بدو يحكي معي على الواقع،وانا يلي راح اعملو ما هحكي معو لاني بادرت لازم هوه يحكي معي ثاني اشي نحن بوقت وزاري وامتحاني اهم من مشكله قديمه بيناتنا وتافهه ومش محرزه ثالث اشي اسلوبك معي وحكيك بأني معاق بدل على انك شخص لساتو دماغك لا يتعدى دماغ حيوان كوالا،واخر اشي انت مش هيفا وهبي حتى احكي مع مدير اعمالك 🤷🏻‍♂️.

قبل فتره لقيت كثير اساتذه عم بعملو اعلانات،وهل شي جداً عادي بدهم يعيشو وغير هيك هوه رزقهم بلأخير بس انا جاي اعلق على مشكله وحده انت كا استاذ بتيجي تقنع طلاب موظفين بكبسولات كافين؟ انت بتعرف مضار هل حبه،وهل حبه مش دكتور ولا صيدلي كتبلك ياه،وبعدين انت استاذ المفروض تكون قدوه لغيرك مش تعمل اعلانات لادويه تخرب الطلاب،ما انصح اي شخص يشرب هل حبه نام منيح وما تسهر ولا انك تاخذ حبات ممكن تعملك ادمان،ديربالكم على صحتكم،وديريالكم ما توثق بشخص مين ما كان على حساب صحتكم !

كتبت تعليق قبل فتره عن برنامج ذا فويس كدز وعن شخصيه اسمها (لمى) كتبت بكل احترام انو البنت صوتها ما بعجبني وهصوت لشخصيه اسمها(ساري) ضرب الكومنت أجوني ناس يمنيه عم بسبو علي المهم ما عملت شي بس بلغت على كلامهم ومشيت لفت نضري ولد صغير اسمو (وسيم)،فات عندي على ريكوست التيك توك وقعد يسبسب علي مقهور الأخ،المهم ما رديت عليه عملت بلاغ ومشيت بشوفو برد على فيديوهاتي وصوري وعم بيحكي بلسياسيه المهم ويلي بدي اختصرو انكم ديرو بالكم على ولادكم أخوانكم شوفو شو بيكتبو للناس ما تستغربو بكرا الناس لما تسب عليكم وعلى تربيتكم،وبعدين تقعدو تتشكو، انا مش عارف كيف التيك توك فاتح لقاصر عمرو ما بتجاوز ال 10 سنين،وكلامه جداً سيء وعنصري واكيد الدوله يلي هوه جاي منها ما بتمثلو اكيد حبيت ارد عليه على الكومنت يلي هوه كتبه بس عشان احرق راسه شوي يلي معبيه،وحبيت انشر هل موضوع يكون مثال لغيره لانو كثير في ولاد صغار بعمرو بسبو وبقذفو وحتى كمان الاهل يدير بالهم اكثر ويكونو حذيرين،ديروبالكم على ولادكم.