u/asoleeh

حلمت حلم سيئ وصحيت بطني بوجعني ميتة وجع وجسمي مكسر وعندي دوام بكرة واكلت بهدلة من اهلي واجا علي اخوي بحكيلي ليه بتبكي؟

طيب بحياتكم شو اجاوبه ولله احترت

رحت حكيت كل اللي في بطني شو بدي اعمل هاد اللي لقيته بوجهي

وهلا حاسة بالذنب أنه نكدت عليه هيو مو عارف ينام يعني صرنا اتنين

وبنفس الوقت عيوني منفخين ما رح اقدر اروح له عشان اعتذر رح ابكي من جديد

شو الحل

صباحووووو 🌺

بس الحكي مو طالع عادي الوضع ولا شو؟

ليه على الواقع غير على العالم الافتراضي، بعرف أنه العالم الافتراضي بيعطي مجال لإبراز الشخصية بدون احكام إلى حد ما، بس مثلا انا من لمى عرفت ريديت لقيت أنه عم بكون هون عكس شخصيتي بالحقيقة، اعطيكم مثال، انا مو من الناس المندفعة واللي بتحكي كتير بالعكس بحب اسمع ونادر اصلا ما اشارك قصصي وحواراتي مع الناس وهيك، قليل جدا، لقيت حالي في ريديت بحب الموضوع ومندفعة وبنمزح وبضحك ومكيفة على ابسط صعيد وهو أنه مثلا عم بشارك شوية مواقف حلوة أو تعيسة however

ولله زهق اليوم، كل جمعة بيجي اخوي ومرته يقضوا وقت عنا اليوم قرروا ما يجوا عشاني زهقانة، لو اني قرفانيتهم بلاقيهم بوجهي حسبي الله بس، بدي فعاليات

مبدأيا بدي مبروك الآاااااان لانه انا من اليوم فصاعدا صرت سائقة باعتراف القانون، ثانيا اليوم كان يوم عجيب مليون، اولا بعرف أنه اخوي ما رح يشوف البوست( هتكون مصيبة لو شافه) بس عنجد عنجد بشكره من كل قلبي مو طبيعي اللي عم يعمله معي ، ريلزات الاخت اشتغلوووو😭😭😭😭

المهم بلا ADHD

اليوم كان عندي فحص رخصة للمرة العاشرة حرفيا مش مجازيا تمام،

صحينا من الصبح وطبعا أخذ اخوي إجازة وطبعا بطلوع الروح عشان الخميس أزمة وضغط بيكون، المهم أخذ إجازة ووصل بابا على شغله وضلت السيارة معه، ضل يدربني ويدربني ويحكيلي هون شو اعمل بالزبط وشو اتفادى وكيف اعمل تماماااا،

المهم ضلينا فترة طويلة وعنجد تعبنا والجو اصلا شوب من الصبح،

المهم اجا وقت الامتحان ووعدني اذا نجحت رح يخليني الف عمان اليوم 😭

هاد اللي دفعني انجح،

طبعا شو التوتررررر

شي لا يوصف ولله ايام التوجيهي ما توترت هيك

المهم عملت الفحص وخلال الفحص حسيت حالي جايبة العيد وراسبة ومجهزة الحجة براسي أنه الضابط نكد وخلص مستسلمة الأمر الواقع، مع ذلك تفاجأت اني نجحت اقسم بالله جيت بدي ابكي من الفرحة 😭😭😭

المهم اخوي وفا بوعده ولففني كل مكان طلبته وانا بصراحة ما استحيت رحت كل مكان بنفسي ولحسن الحظ انا ناسية أنه موبايلي فاصل اشتراكه فقضيت اليوم بلا نت وبلا اي وسائل تواصل اجتماعي ، اسمعوا عملنا كلشي وانا اصلا جايبة معي شوي فلوس كنت ناوية على الحالتين اعزمه على بوظة راح عزمني على كلشي بدون ما اطلب حتى😭

أي فيل لايك اتنشن

🌺

المهم شحنت خطي ورحنا وجينا وضليت طول الوقت انا سايقة وجيت رح اخبط الف مرة والله سترني واكيد تم سبي آلاف المرات، بس ستل انا سائقة قانونية ما حد دخلو

المهم اسيل مبسوطة والدنيا مو واسعيتها والان وكل جدارة وجبت الجائرة لأخوي لازم اجيب له شي وغالبا رح اعزمه على السينما اللي عنده فكرة احلى يحكيلي أو يبعتلي، صح احلى شي واحنا مروحين رحنا نوصل بابا ف أنا سقت معه ولله يمكن ارتفع ضغطه بابا مو مقتنع بسواقتي😭

بس عادي اهم شي انا سائقة قانونية الان ما حد دخلو

الله يحلي أيامكم جميعا 🤍

مش رياء ما حد يعرفني هون بس نفسي اعمل عمل خير اقترحوا علي ويعني كيف احكيها ماكس بدجيت ٤٠-٥٠ ما معي غيرهم