بما انو راسي فاضي و بالصدفه اتذكرت اني مهندس، ادوني افكار لي حاجه ما موجوده فلسوق و لو كان في كان فكت ليك ازمه، عادي تكون الحاجه معقده من ناحيه ميكانيكه او كهربيه او حتى لو حاجه بسيطه في حياتنا اليوميه( البجي يقول لي اله زمن و مصباح سحري و بتاع يتواصل خاص عشان ما اتبند من الصب).
بما اني خشيت موسم الفاينلز و النوم بقا رفاهيه( عارف النوم ساعتين او ٣ ما صحي) لكن لاحظت انو لمن انوم في ساعه معينه لمده ٣ ساعات بالزبط بصحى انشط من انوم ٦ او ٧ ساعات. حاسي انو في نظريه مفروض تتعمل فلموضوع دا، بحثت و طلع متعلق بدورات النوم و انت صحيت فاي مرحله لكن جربت اصحى في المراحل الكاتبنها برضو بصحى تعبان، فحكمل في الدراسه دي و اديكم الزيت بعد شهر.
ما عارف في مجتمع هندسي هنا او لا، لكن عايز اعرف الدنيا بعد التخرج حتكون كيف لانو حتخرج السنه الجايا و لسا الرؤيه ما واضحه لي في سوق العمل، انا متخصص Robotics و عندي خلفيه كويسه في التصميم و الانتاج و خشيت تدريبات في قطاعات مختلفه.
بعد ١٤ اسبوع من التصميم حابي اشاركم اول Mobile Manipulator Robot على مستوى كليتنا من تصميم مهندسيين سودانيين، يعتبر من امتع المشاريع المريت بيها و كميه الخبرات الاتعلمتها في الطريق ما هين و كميه المشاكل الواجهتنا في الطريق و طريقه التفكير في حلها برضو ما هين. و بشكر ربنا على فرصه اني اكون المشرف على المشروع.( قولو ما شاء الله كان عجبكم🌚 عندنا مسابقه مفروض نحضرا)
تقيمكم: