مع العلم اني بالفعل كويس وظيفيا وبالفعل شاغل نفسي بديني بس في اعتقادي اني العب لوحدي كهواية مع نفسي او اصحابي احسن بدل ما اساهم في نشر التفاهة دي اكتر بين الناس والشباب
نصيحة؟
حصل معاك قبل كده ان صاحبك يغل منك ويحاول يأذيك بسبب انك جبت مجموع اعلي منه في ثانوية عامة او في اي سنة دراسية عموما او انك اتوفقت في شغل وهو لا او حتي انك اعلي منه اجتماعيا او ماديا؟؟
حصل ايه ورد فعلك كان ازاي؟
من وانا صغير تحديدا في ابتدائي
كنت بحب الخير لغيري زي ما بحبه لنفسي وعمري ابدا ما حسيت بالغيرة وكنت بكره الغيرة والحسد وبتعامل مع الكل عادي وكمان كنت بحب الخير لغيري بالضبط زي ما بحبه لنفسي لدرجة اني لما اشوفه شخص بيضر نفسه او رايح يعمل حاجة هتأذيه بحاول انصحه واوعيه باللي بيعمله يمكن ميعرفش وبعمل كدا مع كل الناس يعتبر حتي لو عارف انهم مش بيبادلوني نفس الشعور
طبعا من كل كلامي ال فوق هتفتكرني كنت طفل مرفه وعندي كله حاجة وفيا كل الصفات الحلوة بس الحقيقة انه العكس تماما...... لحد رابعة كلية حياتي كانت اشبه بجحيم مادي ومعنوي
عيلتي مكانتش اطيب عيلة.... مش هقول وحشين بس زي ما بقول لك كدا
ماديا مكنش عندي حاجة غير موبايل وفي الكلية جبت لابتوب متواضع للدراسة
وكنت متوسط الدخل عامةً بدون التطرق لتفاصيل
انا بقول الكلام ال فوق ده لاني انا مستغرب نفسي ازاي كنت برئ للدرجة دي لدرجة ان حاجة زي دي كانت بتخلي ناس كتير يتعمدوا استفزازي ويتنمروا عليا لما اعمل كدا فكان ده بسببلي اكتئاب وزعل وفضلت في نفس الدوامة دي قول لحد تانية كلية بعدها استوعبت ان البشر 99% ولاد احبة..... انا لسا مسالم زي ما انا بس لما حد بيتجرأ عليا ولو ببادئة بسيطة كدا بدوس عليه بعزم ما فيا وبنهش لحمه لدرجة بخليه معقد نفسيا علشان كل ما يفكر يأذي حد يفتكر ال انا عملته فيه فيتراجع بعد كدا وكل ده وانا بارد ومبديش اي ريأكش ولا عواطف ولامبررات ولا مقدمات ولا اي حاجة.
ومع ذلك برده بزعل لما اعمل كدا في حد مهما كان حقير بس بعمل برده علشان من العدل ان ده يحصل فيه وعلشان احمي نفسي (وعلشان اخرج شوية من الكبت والعقد النفسية بسبب الذل ال انا عشته لما كنت طيب)
ال انا مستغربه ان في ناس كانوا احسن مني بكتير في كل حاجة وكان منهم اصحاب ومع ذلك كنت بشوف منهم غيرة لما يحسوا اني مقبل علي مرحلة جديدة او ان حصل تحسن ما في حياتي وكانوا بيحاولوا يحبطوني برغم انهم اساسا عندهم من متاع الدنيا ما يغنيهم عن انهم يبصوا لغيرهم او يحقدوا علي غيرهم..... ومع ذلك كنت تشوفهم بيكرهوا الخير لغيرهم وبيأذوا وبيحسدوا.
فأنا مستغرب من حاجتين
ازاي انا كنت برئ بإفراط لدرجة اني ما رضتش اعترف بحقارة وخبث الناس ال حواليا غير متأخر لما يأست من اصلاحهم (برغم ان محدش رباني علي كدا فنقدر نقول انه سبحان الله حاجة فطرية)
وازاي علي النقيض ناس عندهم كل حاجة واحسن حاجة ومع ذلك بيحسدوا وبيغلوا وبيغيروا من غيرهم.
نأسف علي الإطالة