u/bor3e73

شنو العادة اللي تشوفو فيها** إنها مجرد تعقيد ومصاريف زايدة ومأثره على المجتمع وتطوره وتتمنو انها تتغير وشنو السبب في رأيكم اللي مخلينا متمسكين بالعادات بشكل كبير ؟ **

علاش المجاملة الزايدة ولت أساس علاقاتنا والناس معاش قادرة تكون صريحة بدون لف ودوران لي امتى بنقعدوا نمثلوا على بعضنا الصراحة ولت تزعل لدرجة إن النفاق بدو يسمو فيه مسايرة مسايرة وضروري منه باش تمشي أمورك مع الناس

السلام عليكم هلبا مرات نشوفوا في ناس تتأثر نفسيتهم وتحس إن حياتهم مملة أو ناقصة لمجرد إنهم يقارنوا فيها بحياة غيرهم على السوشيال ميديا

الواقع إننا نشوفوا أمثلة قدامنا كل يوم تلقى شخص يتسلف باش يبان لابس ماركات ولا شاري تليفون بمبلغ وقدره ولا سيارة جديدة ولا عيلة تكلف روحها ديون بمبالغ فلكية باش تطلع عرسهم فخم بشكل ملفت واللي في النهاية تلقى مرات العريس بيعيش في الإيجار ولا مرات حتى يكون بلا سيارة

أو طلعات بمستوى عالي في أماكن فخمة وغالية باش يصوروا وينزلوا ستوريات في الإنستغرام ولا سناب رغم إن حياتهم الواقعية عادية جداً** ومليانة مشاكل وديو**ن

في رأيكم ليش هوس الاستعراض والمثالية الوهمية مسيطر على الناس لدرجة تزييف واقعهم؟ وكيف يقدر الواحد يرضى بحياته البسيطة وما يخليش صور الفلاتر تسرق فرحته ويشوف روحه أقل من غيره مع إنه مرات تلقاه عايش حياته بخير وصحة ومرتاح البال لكن ينكد على روحه على خاطر حاجات وهمية وزائفة

السلام عليكم فيه ظاهرة حديثه منتشرة بكثرة المفروض نركزو عليها بشكل ملحوظ
لو نرجعوا بالزمن شوية كانت فيه تصرفات في مجتمعنا تعتبر حرام أو على الأقل عيب وغير مقبوله تندار في العلن لكن اليوم بمجرد ما تفتح التيك توك ولا الفيس تلقى نفس التصرفات هذي ولّت ** عادية جداً وأحياناً يفتخرو بيها والسبب الوحيد إنها تجيب** في مشاهدات ولايكات
الموضوع ما عادش بدي حرية شخصية ولا تطور أجيال الموضوع تحول لـ متلازمة الناس ولّت** مستعدة تتخلى عن خصوصيتها وتعرض تفاصيل حياتها اليومية و تبالغ في تصرفاتها وفي شكلها وحتى تدير مشاكل ودراما بس باش ترضي الخوارزميات وتركب الترند المشكلة إن اللي كان مرفوض البارح ولّى مقبول اليوم بمجرد تكراره وكثرة التفاعل معاه هل زعما العيب فينا احني اللي اللي بدينا متقبلين الوضع وبدو بعض من الناس تشوف فيه عادي ومفيش حد يوقفه عند حده لين يدير مصيبه وتبدا الع**ين
عليه باش يوقفوه عند حده وفي نهاية الموضع
السؤال اهني هل يقدر الشخص يحافظ على توازنه ويوقف روحه على التفاهة اللي صايره وركوب الترند ب اي شكل ؟

السلام عليكم
نشوف في بعض الناس عندها انسلاخ لي هويتها الليبية وإنكارها ليها من ناحيه اللهجة والهوية وفي اللي ينسب روحه لي دولة ثانية!!!
خاطري نعرف شن الاسباب اللي تؤدي لي ذلك شن شي اللي يخليك تستعير من نفسك ومن بلادك وبالاخص احني شعب معروف ب عزة نفسه و فزعته ومواقفه و لينا وزن في الدول العربية حتى مش نقولو زي بعض الدول العربية اللي نشوفو فيهم يتلصقو او مكروهين بالعكس المكان اللي تمشيله يرحبو بيك يعني ليك مكانه كبيرة لكن نشوف في البعض من اللي يتلصق عليهم يتكلم ب لهجتهم ويدير في اعلام دول تبعهم لي درجة نشوف فيهم يستحقرو فيهم شي اللي بدي يطلع علينا كلام ان احنا شعب كلامه غير محترم و شعب عدواني وغيره السؤال اهني هل في اللي يشوف التطور لازم يجي على حساب الهوية؟ ولا هما اللي فاهمين الموضوع غلط
ملاحظة : اني نحكي على اللي يتلصقو عليهم بعيد مثلا عن انك تحكي مع واحد ثاني بلهجة غير الليبية لانه نعرفو انه لهجتنا تعتبر صعبه الفهم في بعض المصطلحات بسبب انها غير متداوله وغير معروفه هلبا هذا شي ثاني

السلام عليكم
عندي حاله غريبه ماعرفتش نوصفها إلا بالرهاب الاكتروني اللي هيا عكس الرهاب الاجتماعي اني انسان في الواقع نعتبر اجتماعي إلا شوي يعني عادي ننسجم ونهدرز ونواجه بدون ما نخاف او نتحشم ومرات تبدا عندي صحة وجه يعني انسان عادي لكن على عكس النت نبدا نحسب ونفكر في كل خطوه مثلا لو بنكتب تعليق نقعد نعاود نقراء في تعليق ونساوي ونعدل وفي الاخير ميصيرش منه و لو بنزل منشور او اي شي نقعد نخمم و خايف نديرها الخطوه ولو بنغير صورتي الشخصية نقعد نخطط ليها قريب شهر باش تنزل اللي نغير فيها من العيد لي العيد طبعا ،ومنعرفش نهدرز بكل لو شخص مش وجه لي وجه الهدرزه تهرب ومعاش نعرف شن نقول وحتى في قروب الدفعة مثلا نبدا عارف الحل او اجابة السؤال نبدا متردد ومش قادر نرد ف نبي حد يعطي تشخيص المشكلة بالك نلقى عنده حل لي مشكلة الغريبة هادي

السلام عليكم
عندي استفسار على موضوع الأنماط يطلعلي صب خاص ب الأنماط خشيت عليه والحق اللي فهمته انه في مجموعه اسئله يديرو فيها اختبار فيها تطلع شن شخصيتك هل عاطفي او قيادي و ويقولك شن النمط متاعك البطل ومرات القناص وغيرهم الكثير فيه هلبا انواع اني درت اختبار ويطلع عندي ENFJ والحق مش فاهم شي فيه 😅**،ونشوف** فيهم يحددو في علاقات ويكونو في صحبة على ضوء الشي هذا واني مزال مش فاهمه لو في حد عنده معلومه عليه بالزبط يقولنا هل موضوعهم رسمي او وهم وهل زعما في شبه من الأبراج لانه كان هذا يدخل في الشرك ويبدا موضوع ثاني