u/cocky__rabbit

كان حصل مشكلة بينهم زمان أن هو على علاقة بواحدة و المشكلة كبرت جدا و اتقال إن مفيش بينه و بين التانية دي حاجة و الموضوع خاص أنه عمل للست الدنيا بلوك خصوصا أنه مكنش في دليل

المهم من قريب بعد وفاته خدت موبايله و لقيت شات بينه و بينها لحد قبل وفاته بكام يوم و هي بعتاله صور ليها في أوضاع مش حلوة و صور قمصان نوم و هو برضه بيرد عليها بس هي كانت دائما بتبعتله أنه يمسح الشات فغالبا هو كان بيمسح اللي من ناحيته هو بس لاني كنت بلاقي ردود منها مش لايقة على الشات

أنا من ساعة ما شوفت الشات ده و أنا نفسيتي مدمرة و كل ما اشوف والدتي بتصعب عليا و ببقى عايز اقولها أنها كانت صح بس انا مش عارف اعمل ايه وحبي واحترامي ليه قل وكان نفسي يكون موجود عشان يقولي هو عمل كده ليه