u/cxcioui

مبدئيًا اني بنت..
وكوني بنت يعني اني اعرف ومدركة كلش زين للمضايقات الي تجي للبنات من بعض الرجال وكذلك تعرضت الها كذا مرة اكيد، وممكن اعذرهم على عدوانيتهم تجاه الرجال..

بس اني كلش منزعجة من داشوف الحرب الي دايشنوها الذكور والاناث على بعض بطريقة كلش مقززه وتكرهك بالعالم كله !
خلونا نتفق انو بكل مكان اكو السيء والجيد، اكو رجال سيئين وبنفس الوقت اكو نساء بنفس الدرجة من السوء…ارجوكم كافي تعممون على جنس معين كونه سيء ويستحق الفناء والاستحقار لمجرد كم عينة منحطة ! مو كل الذكور سيئين ووحوش ومو كل البنات مصلحچيات وانانيات ارجوكم ارجوكم لتكرهون جنس كامل وتنشرون الكره والحقد بين بعض وتأثرون على عقليات بعض المراهقين الي يشوفونكم..متخيلين شنو من مجتمع راح ينبني على اساس هذا الحقد والكره بين الجنسين ومحاولة كل منهم لاهانة الجنس الاخر ؟ كافي تزرعون هيج افكار خلونا نتعايش مع بعض بسلام🙏🏻

هو فعلًا بعدها تحسون بتأنيب الضمير، قلة تركيز، خمول..وغيرها من الاثار المشابهة او مجرد تعظيم وتكبير للمواضيع ؟