u/dani06_

اني العام سادس عظت سنتين و جبت معدل ٩٢ ما طلعلي قبول بمحافظتي بالمركزي هندسه انقبلت محافظات هندسه مدني

فحولت للتخصصات الطبيه بكليه اهليه جديده و بتخصص طبي اول مره ينفتح بمحافظتي بس هذا التخصص موجود بالعراق و متخرجين دفعات من عنده.

ليش حولت من الهندسه للطبيه؟ لان ما ببالي شي محدد يعني ما عندي شغف ب اي شي بس اعرف ادرس

من بعد ما شفت طلاب التقنيات الطبيه محتارين بسالفه التدريب و الكليات تذبهم على المستشفى و المستشفى تذبهم على الكليه

و همين من نزل القرار الجديد اللي يكول بعد ماكو توأمه بين الكليات الاهليه و الحكوميه اني خفت على مستقبلي

لان معدلي يقبلني بنفس قسمي اللي داومت بي هاي السنه بمحافظه بعيده عن محافظتي تقريبا 7 ساعات بالسياره

ف محتاره اذا اسوي اعاده ترشيح بما انو عندي فرصه و أحول حكومي مركزي لو ابقى بمصير مجهول

اريد نصيحه لان جدا محتاره و أمي احتمال ما توافق اروح محافظات و قسم داخلي و بنفس الوقت خايفه على مستقبلي و اني جدا جدا محتاره

أصعب نقطه هو أمي لان تشوف راح اضيع سنتين من حياتي و همين ما تريد ابقى بعيدة عنها