صباح الخير
أتوقع انه موضوعي بيستهدف شريحة كبيرة عندها نفس السؤال، ماشاءالله تبارك الله اللي معي في نفس اللڤل رواتبهم اعلى بفرق كبير الله يبارك لهم ويزيدهم ويزيد مين يتمنى.
كيف الممكن الشخص يتميز وياخذ راتب اعلى غير الانتقالات المكررة ؟
كل اللي معي شاطرين ماشاءالله فحتى التقييم صعب جدًا فكيف او هل اقدر اخذ راتب اعلى في المكان اللي أنا فيه ؟
زميلي في العمل أنا وياه نفس الوظيفة أنا ماسكة مشروع وهو ماسك مشروع.
قال لي اليوم انه تم اعتماد المشروع حقي ويحتاجون كذا ملف فقلت له تمام بس ارسل لي الملفات اللي انت سويتها يصير أسويه بنفس الطريقة تمام تمام.
إلا اتفاجأ انه سوا الملف وكتب اسمه انه هو اللي سواه وكاتب اسمي في الملف من ضمن المشاركين ! هذا كيف احسن النية فيه ؟
خصوصًا انه هو اللي بيرسل الملف ف امام الإدارة في الايميل كانه هو اللي يسوي شغلي وانا وين ؟
تنرفزت .. احتاج رأي سديد لاني في حالة غضب الان.
الصدق بيني وبينكم خلاص ابي اتزوج ماشاءالله صدق ادعوا لي جاية ايام مباركة الله يزوجني باللي يخاف ربي فيني ويرضيني وأرضيه استسلمت من الارض برفعها لربي
صباح الخير
اللي يعرف وين ممكن القى وظيفة بارت تايم كبرودكت اونر او شي شبيه له .. يكتب لي لانه ما عرفت وين ممكن ابحث
فيني شي غريب بس على الاقل أدركه بس ما اعرف سببه، دايمًا إذا مريت بموقف سيء او انضغطت او صرت في موقف ما اعرف اتصرف فيه اصير ابي اهرب ابي اترك الشي ما ابي احله ابي أغيره، في كل حياتي علاقات مشاريع.
ارتاح إذا تركته وعرفت انه مو مشكلتي .
كنت متوظفة في أول وظيفة لي وكنت عادي أشتغل وأتكلم ماشاءالله تبارك الله.
بعدها انتقلت لمكان ثاني ومن هنا بدأت ألاحظ أشياء غريبة عليّ.
صرت أنسى بشكل مو طبيعي وجهي تغير صار رمادي صرت دايم تعيسة ومتوترة ومعصبة.
ثقتي بنفسي اهتزت، وصرت أشك في نفسي وأحس إني غبية وكل الناس أحسن مني.
مديري جدًا صعب لحوح وكذاب بطريقة تخوف ماشفتها بحياتي لدرجة الصدمة.
مثلاً يطلب مني أشتغل بالليل وإذا رفعت أوفر تايم يقول: أنا متى طلبت منك؟ أرسلت لك إيميل؟ أنا الباقين أقولهم شفهي انتي لا.
ومره قلت له عطني فرصة أثبت نفسي رد علي: سوي مهامك الوظيفية أول.
وبعدين قال لي أنا مستحيل أثق فيك.
وكنت دايم أسمعه يتكلم عني قدام غيري إني ما عندي خبرة وما أفهم شيء وأني أطلب أوفر تايم بدون حق.
الاجتماعات الخارجية ما يقول لي عنها إلا قبلها بساعة والداخلية نفس الشي وكلها ما يحضرها يرميني أنا امام المدفع بدون معلومات.
ودائمًا يحطني بمواقف محرجة قدام الفريق ويغلط علي.
لدرجة مرة سمعته يقول عني “حيوانة”.
طبيعي بعد كل هذا صرت أخاف أكون تحت أي مدير وعندي روعة من كل احد!!
أنا وأختي عايشين مع بعض وانا متوظفة ماشاءالله تبارك الله وهي لا الله يرزقها، مشكلتي الان اني تعبت كل شي على راسي ما تساعدني بشي !
مثلاً أنا كل يوم اضطرّ اجيب اكل من برا واصرف، فجبت مقاضي من البقالة وقلت لها ساعديني شوي مره إذا اشتريت اليوم انتي اطبخي بكره نتساعد شوي فقامت عصبت وقالت أنا مو خدامة.
بعض الأحيان أنا اغسل الملابس وبعض الاحيان اقولها انتي غسلي ونفس الشي تقول أنا مو خدامة.
اقولها سجلي في دورات، خذي شهادات ساعدي نفسك شوي ترفض وتعصب وتقفل على نفسها.
استصعب اشتري لنفسي اي شي وما اشتري لها معي وبنفس الوقت قاعده احرم نفسي لانه مو دايمًا اقدر اجيب لي واجيب لها.
ايجار البيت ما اعرف وش اسوي فيه لحالي ! أنا راتبي ما يبقى منه شي ما اعرف كيف بنعيش وتعبت معها ما ينفع معها الكلام ولا ينفع معها شي طفشتتتت كل شي علي أنا!
كل ما قلت لها شي راحت وقفلت الباب ما عاد اعرف أتعامل معها.
عندي مشكلة الان واحتاج حل منطقي من انسان فاهم.
كنت أواجه مشاكل كثيرة مع مديري المباشر من سب وتقليل وصراخ والخ .. طلبت نقل وتم نقلي فعلاً ماشاءالله تبارك الله بعد ما اكلت الويل من مديري السابق.
مديري الجديد الحالي تم نقله وانا ابغى اروح معه مو من زينه يعني بس ما يسبني وهذا مهم ماشاءالله، لكن جا رفض تام من الإدارة اني انقل معه.
والصراحة نفسيتي تعبت من كثر التنقل ابي استقر، كيف بتقيم إذا مديري كل شوي يتغير ؟ حرام كذا
عندي مشكلة الان واحتاج حل منطقي من انسان فاهم.
كنت أواجه مشاكل كثيرة مع مديري المباشر من سب وتقليل وصراخ والخ .. طلبت نقل وتم نقلي فعلاً ماشاءالله تبارك الله بعد ما اكلت الويل من مديري السابق.
مديري الجديد الحالي تم نقله وانا ابغى اروح معه مو من زينه يعني بس ما يسبني وهذا مهم ماشاءالله، لكن جا رفض تام من الإدارة اني انقل معه.
والصراحة نفسيتي تعبت من كثر التنقل ابي استقر، كيف بتقيم إذا مديري كل شوي يتغير ؟ حرام كذا
عندي مشروع بالجامعة وابي اقتراحاتكم .. لو تقدرون تطرحون اي فكرة خدمة في منصة مثل ابشر او توكلنا وش الخدمات اللي تبونها اللي تحسون انها بتسهل حياتكم ؟
عندي مشروع بالجامعة وابي اقتراحاتكم .. لو تقدرون تطرحون اي فكرة خدمة في منصة مثل ابشر او توكلنا وش الخدمات اللي تبونها ؟