السلام عليكم كيف الحال اعرف اني هواي اشكي بس تحملوني :)
ما بيه حيل اكتب اي شي ولا الي خلگ اصلا اكتب بس اريد 5 اسباب مو عاطفية مو عاطفية مو عاطفية تمنعني من الانتـ..ـحـ...ار بعد 17 ساعة عمل
(بصراحة ما مهتم للاسباب بس محتاج احجي وية ناس حقيقين مليت من روحي وافكاري)
السلام عليكم كيف الحال احس راح اطول بالكتابة يمكن الي عنده تعفن دماغ مراح يكمل T_T واذا متحب تقرة لا تكمل بس اذا قريت تسويلي فضل اذا تساعدني
شباب اني ولد ما احب ادخل علاقات صداقة مع الولد او حب (حب مع بنية اكيد مو شي ثاني) المهم :) اني ما احب اختلط هواي وعلاقاتي القوية محدودة كلش مو شلون ما چان بس عندي علاقات سطحية جيدة اني ماعندي رهاب اجتماعي بس هيج ما احب اختلط وية أي واحد المهم اني من الصغر احب الالعاب والالكترونيات وبسببها گلت من اكبر ما راح اتزوج راح اشتري بيسي واعيش حياتي (افكار طفل عمره اقل 10) المهم لحد الان اني ما مهتم للبنات وهاي السوالف يعني اذا صادفت بنية بأي لعبة العبها او بمواقع التواصل ما راح انطيها اهتمام لأن عندي هواي اسباب تخليني ابتعد عنهن (لتخافون ما مضروب بوري قبل لان ولا مرة دخلت علاقة حب ومن هلسوالف بس هاي المرة استثناء) المهم جنت يوم من الايام اتصفح احد التطبيقات وشفت منشور عن لعبة معينة بس واحد بالتعليقات يطلب مساعدة دخلت خاص وكتله دزلي اسمك اساعدك المهم گبل دز الاسم ودخلنا حتى بدون سلام المهم بعدين ورة كم گيم سألته طلعت بنية ( الاسم بالسوشل ميديا مچان اسم ولد او بنية) المهم ضليت حوالي اسبوع او اقل اساعدها واني هم متونس لو بوكتها مچان عندي العب وياه دائما(مچنت متونس لان بنية كل الي ببالي ورة ما اساعدها تحظرني او احظرها وخلص يخلص كلشي)المهم ما اتذكر منو بادر بالكلام بوقتها المهم گالت عندي دوام تكدر باجر نسوي هاي المهمة الفلانية لأن جائزتها حلوة وما اكدر اسويها وحدي المهم كلت الها ميخالف من هنا بدينا نسولف ومرات اشوفها مو على بعضها مرات لعبها مو زين كلش(من تروح اضل ادگ وحدي ارجع الاشياء الخسرتها وچنت اضوج شوية كلش بس اگول متسوة هية لعبة :) ) المهم لعبها مو زين لو كلامها مدري شلونها بوكتها سألتها على حالها وضلت تكول زينة بس وراها بايام نفس الشي راسلتها وگلت ترا مبينة مو زينة ليش تجذبين المهم ورا هاي ضلت تحچيلي عن نفسها والاشياء الي مضوجتها وراها بمرور الايام ضلينا نسولف اكثر من ما نلعب ومرات اصلا منلعب المهم مرة حسيتها تلمح بالكلام الا ان اجا يوم من الايام يمكن بعد شهر و شوية هيج شي گلتلها راح احذف حساباتي لأن بعد ما العب هاي اللعبة ومدري شنو ( عود وداع وكذا بوقتها مو بس هية ودعتها حتى اصدقائي الي اعرفهم باللعبة )المهم هية خرطت الاول والتالي واعترفتلي تحبني (هية اكبر مني بسنتين )هنا خرط الوضع فد نوب لأن خفت واني ما صاير وياي هيج موقف اول شي فكرت بيه هذا اكيد واحد يعرفني مسوي روحه بنية ويمقلبني لأن مستحيل بنية هي تعترف (اصدقائي مرات يسوون حسابات بنات ويراسلوني بس هلمرة اني راسلتها) المهم اني الصراحة خفت وصفنت حيل اول شي سويته جاملتها وكتلها اني هم بس شوية بالغت بوقتها بس حتى لا اكسر خاطرها ما چنت ناوي الامور توصل لهاي الدرجة المهم ورة هاي المفروض الشغلة صارت رسمية بعد فا بقينا فترة اشهر (يجوز 4 اشهر هيج من تاريخ اول لقاء) كل واحد عرف على الثاني هواي اشياء وطبعا هاي كلها مرات چنت اجاملها حتى من تگلي تحبني بس حتى لا يصيرلها شي بس اجة يوم من الايام گتلها ترة اني ماكدر اتزوجج وهية تعرف شنو وضعي كلش زين لأن فرق الحالة المادية بيناتنا فرق هواي كلش (اني الفلاح وهية الملك) گالت اصلا تعرف وضايجة من هل موضوع وخايفة منه بس متحچي بيه المهم بعد نقاش للصبح اتفقنا المفروض كل واحد يمشي بطريقة لأن منكدر ننجمع صعبة حيل واحنة اصلا مو نفس المحافظة اني بطرف وهية الطرف الثاني ._. واهلنا ثنينا متشددين اذا دروا بينا الله اليعلم شيصير رغم احنة كبار اصلا :) المهم كلمن راح بطريق وحذفنا بعض وحتى حذفت صوتها وصورها (لتخافون چانت من تدز اگلها تقبلين احفظها وتگلي اي يعني تدري حافظهن) ومسحت كلشي متعلق بيها حتى چانت تدزلي صور من اللعبة من توصل شي معين المهم هاي كلها اني اصلا ما احس بمشاعر الها ابد ما حسيت لا حب ولا كره ولا اي شي حرفيا بس مو هنا المشكلة يعني اذا احتاجتني بشيئ راح اسوي اي شي علمودها (مو بس هية حتى اهلي الي هم المفروض اقرب شي الي ما احس بأي مشاعر الهم من الحب والكره وهل مشاعر مو دائما بس 99% من الوقت ال1% هاي الي احس بيها بمشاعر هاي ضروف معينة لو حالات معينة نادرة الحدوث ) المهم بفترة غيابها حسيت اشتاقيت الها وحسيت شي غريب بروحي لان مو عادتي اشتاق لواحد خصوصا غريب اصلا وچنت بعض الاحيان اجامله وراها بكم يوم اقل 5 ايام كعدت لكيتها مراسلتني وجاوبتها (هاي ورة 3 اشهر من تركنا بعض)وكضيناها اشتاقيتلك واشتاقيتلج ومدري شنو بس هلمرة جان شعور الاشتياق حقيقي مو مجاملة كتلها مو اتفقنا على شي گالت ماكدر اشتاقيتلك حيل وهم ضلينا شهر وهم مرات ترة تصير مشاكل سواء باول لقاء او المرة الثانية وهم رجعنا للاتفاق يعني بس جاي نرجع لنقطة الصفر مجاي نستفاد شي وهم اتفقنا منراسل بعض مرة ثانية وهم ورة شهرين رجعت راسلتني ولحد الان بس هلمرة مختلفة لأن اني گتلها ابقي وهية تكلي منكدر ننجمع بس بعدين ادركت الحقيقة لان اذا انتظرتني لحد ما اكون نفسي يصير اعمارنا فوگ 30 اصلا وما رضيت بهل شي لأن اذا انتظرتني خاف ما اكدر اصلا اكون نفسي واصير مناسب الها وبهاي الفترة مثلا يجي واحد غيري ويخطبها وترفض علمودي واخر شي ما اكدر اني اخطبها وگالت تعرف بهل موضوع بس متكدر تحچي بيه المهم ورة هذا الحچي هسة هية ماعرف حاظرتني لو لا لأن اكدر اراسلها بس صارلها 4 ايام متجاوبني رغم هية مو من عادتها هيج تبقة هواي الا لو ضاجت تسويها لان مسويتها قبل اكلها تضوجين مني تكلي لا لعد ليش متجاوبيني تكلي ما احب اتواصل وية واحد اتمنى اختفي بس رغم ذلك دائما صبرت عليها كلش هواي مو شلون ما چان رغم الافكار السلبية و24 تتبچبچ على اي شي بس حاولت اقدم كلشي عندي الها المهم اتوقع لو سدت حسابها لو اكو شي لان اكدر اراسلها بس حسابها ميطلعلي بالبحث من ابحث عليها ماعرف ليش ومن ادخل على البروفايل تبقة الشاشة سودة المهم هسة نجي للمشكلة اني ما اضوج اذا حضرتني لو عافتني وشافت حياتها بالعكس هسة احسن شي تسويه هي بسبب ضروفنا احنة الاثنين بس اريد اعرف مشاعري شنو؟ حبيتها لو لا؟ رغم مرات اضوج عليها واشتاقلها بس مو دائما مرات قليلة وما اكدر اتخطاها لدرجة اراقب حساباتها ماعرف ليش وعود اني ماعندي مشاعر الها بس بنفس الوقت مرات انساها اصلا المشكلة الثانية اني دخلت علاقة ويجوز 99% تفشل واطلع منها زين هسة اني ابد ابد ما مهتم ادخل علاقة ثانية لأن لعبان نفس ورة الي صار هذا بس يجوز ورة 3 سنين اقل او اكثر يجوز اتغير وادخل علاقة؟ شراح أكول للبنية؟ اگللها جنت بعلاقة قبلج؟ احس مستحيل اي بنية تتفهم اذا جان الولد بعلاقة قبلها بس الولد العكس ممكن البعض يتفهم وهمين اريدكم تكولولي الي سويتها صح وهو مرة گلتلي هية هاي مو اول علاقة الها جان اكو واحد قبلي بس جان بارد ومن هل سوالف ما يرد ومرات يشوف وما يرد وانفصلت عنه بس اني چانت هاي اول علاقة الية بس تفهمت الموضوع وعادي كل انسان يستحق فرصة بس يا ترى البنية البعدها راح تفكر مثلي؟ رغم هاي ما بيننا اشياء مشتركة هواي كلش قليل الصراحة ماعرف شگول يمكن اذا فشلت هاي العلاقة واكيد تفشل يمكن ما راح اكدر اتزوج وراها لأن اذا تقليدي مستحيل برأيي واذا عن حب هم مستحيل اني ما ادخل علاقات ماعرف شجابني هنا وماعرف شگول للبنية اذا سألتني جنت بعلاقة لو لا المهم اسف تعبتكم اعزائي وما اعرف اصلا منو راح يوصل لهنا بس مو كلها راح تقرة المنشور وعندي بعد حچي بس هذا كلش كلش كافي واشكرك انت الي جاي تقرة اتمنى تساعدني بأي شي حتى لو انتقاد راح اتقبله ميخالف ، مع السلامة.