اهلاً
عندي رحلة لاسطنبول ٧ ليالي وبصراحة احترت بالنسبة للسكن
كل ما ادخل تقييمات فندق القى الي يمدح والي يذم
فـ لو فيه احد يقترح علي مكان مجرب بالاسم يكون اقتصادي الى ١٥٠٠ ريال توتل
افكر بالسكن في كاركوي او تقسيم واستقبل اي اقتراح ثاني
اهلاً
اجازتي السنوية في نهاية نوفمبر
وابي اسافر لاول مرة خارج الخليج -وغالباً بتكون اول اوخر سفرة كسولو-
في السنوات الماضية صرت اتابع يوتيوبرز تبع السفر وصرت مولع بهالشي ودي الف العالم وودي اجرب اشياء كثيرة
احب في السفر اجرب الاكل احب التسوق في السوبرماركات والاسواق الشعبية ( بما اني من الشرقية الفترة الماضية متى ما صار عندي وقت اروح البحرين - قطر - الكويت ) اروح اجرب مطاعم و اتسوق في البقالات و اتمشى
والان مع إجازتي السنوية ابي اخطط لسفرة للذكرى
مخطط ازور أكثر من دولة
في البداية جا على بالي اروح
الاردن وبعدين الى تركيا ومن تركيا الى أوزبكستان ومنها بالقطار إلى كازاخستان وفي الرجعة على الامارات ، بس حسيت انها إرضاء للذات اني سافرت هالعدد من الدول أكثر من اني اعيش التجربة
فبعد مشاورة مع احد الاصدقاء رسيت على الثلاثي
تركيا بعدها اوزبكستان ثم إلى كازاخستان
احتاج الى توصياتكم
كل دولة كم يوم تحتاج والمدن والاشياء الي لازم اجربها
السلام عليكم
استفسار عندنا بزنس اسر منتجة وشهادة عمل حر والدفع يكون تحويل STCPAY
البنك جمد الحساب واستفسر عن مصدر الحوالات
وطلبوا منا نفتح حساب STC اعمال
-
استفساري اذا احد مر بنفس التجربة هل فتح حساب الاعمال نقدر نستقبل حوالات عادي على الرقم او يعطونا جهاز نقطة بيع ؟
ايش افضل خيار للمدفوعات ويكون سهل مثل التحويل بالرقم ؟
عندي استفسار هل شريحة الالكترونية شغالة في الكويت ؟
قبل فترة رحت البحرين وما تشتغل عندهم