انا ازاي اعيش مع كل ده
انا عندي امراض جسديه و موثره عليا و قصير و جيناتي وحشه جدا و مش ذكي و شكلي وحش و فقير و اهلي كمان مربونيش وله علموني اي حاجه بالعكس ربوني تربيه غلط كانو بيخافو عليا جدا لدرجه ان كبرت لقيت ان شخصيتي ضعيفه جدا و حياتي اتدمرت بسبب كده و عقبال ما استوعبت كل ده و بدءات ان احاول اصلح من نفسي كنت خلاص خسرت كل حاجه و حياتي معدش فيها اي حاجه سليمه
و حرفيا مفيش اي حاجه نفسي فيها لقيتها وله حتي هعرف اوصلها نهائي كله مقفول
و نفسي اعرف الناس الي مؤمنه ان ربنا رحيم اي الدليل علي كده حرفيا انا كفرت من الدين لان مش شايف اي رحمه منه
انا كنت بصلي و كنت مؤمن بالله و بحاول ابقي احسن في الحته دي بس حرفيا ملقيتهوش في اي حاجه مهما دعيت مفيش تغير و بلعكس كل يوم حياتي بتسوء اكتر و اكتر
انا عارف مليار الميه ان كل الكلام ده ملوش لازمه و مش هيغير حاجه بس معرفش كتبته ليه