u/henedy_21

ليه الناس قلبت الموضوع وبتتهم الضحايا او ازواجهم انهم ودوهم المستشفي !!

​

حضرتك مش واخد بالك ان في ضاحيا منهم مش متجوزة اصلا وهي ضحية اغتصاب و ضحية جوزها هو ال معتدي عليها وجاية هربانة للمستشفي عشان تحاول تنقذ جنينها !

​

الجاني الاول قبل الدكاترة الخنازير هو الفقر اللي البلد كلها عايشها

اكيد الست لو قدامها دكتورة تولدها مش هتختار الراجل بس للاسف ظروفها متسمحلهاش انها تدخل مستشفي خاصة بطاقم نسائي والحكومي معظمه دكاترة رجالة ومش دي المشكلة لان كان في ممرضات ستات اعتدوا علي الضحايا لفظيا وجسديا .

المشكلة هي غياب الرقابة علي الناس دي وقلة وعي الضحية وقلة حيليتها لانها عارفة ان كل الناس هتتهمها هي اول واحدة ولو مفرقش معاها كلام الناس ف 90% المحضر ال هتعمله مش هيجيب نتيجة ده لو عندها فلوس ووقت تتابع القضية.

​

وفكرة ان الناس بتدافع عن الدكاترة وانهه حالفين يمين وكدا ده من غلب الناس وقلة حيليتهم فبيدافعوا عن الدكاترة كحيلة نفسية لان نفسهم يصدقوا ان الدكاترة كويسين ومستحيل يعمل حاجة في مراته او اخته او امه ، فاسهل ان ده يقنع نفسه بان الدكتور كويس بدل ما يلوم نفسه انه مقدرش يحمي عرضه مش فكرة انه ديوث ولا حاجة

​

- بقول الكلام ده بس عشان واحنا بنتناقش مع الفئة دي يا ريت ناخد في اعتبارنا هما جايين منين وظروفهم المعيشية ، وشكرا