انا عارف ان هتي الهجرة بتكلف فلوس فكنت عايز اعرف لو حد ماشي في الموضوع يختصر عليا الكلام الكتير بتاع المكاتب و يقولي بتكلف كام و اي المتطلبات و اي اللي يخليني مرشح و يديني ميزه عن غيري سواء لغه او مهاره الخ
انا حاليا في كليه اداب اللي عمري مكنت اتمني لدخلها لان مجموع الثانويه كان زي الزفت انا دفعه 22 اتظلمنا كلنا تقريبا
المهم انا في قسم اثار يوناني قسم صعب و ملهوش اي لازمه و مش كارير نهائي انا عندي 22 سنه و كنت بعيد سنه تالته يا رب انجح
انا بعرف اسوق و معايا رخصه و اشتغلت اوبر فتره كبيره و الحمدلله بتكسب كويس و بساعد اهلي بالمبلغ كله تقريبا
بس انا مش بكره حاجه في الدنيا قد السواقه و بدون سبب يعني مش مثلا بتوتر ولا حاجه و انا سايق او بتعب و كدا لا انا بتعب نفسيا و كل يوم ابويا بيضغط عليا اكتر اني انزل الشغل و انا بتهرب الصراحه في معظم الوقت دلوقتي هربان من الشغل اسبوعين بحجه التربيه العسكريه في الكليه اللي ملهاش اي ستين لازمه حرفيا
و المشكله ان احنا اخر السنه ححنقل نعيش بره الاسكندريه يعني حتي كنت بفكر في كول سنتر انجليزي مش حعرف
المهم انا مش عارف اعمل اي خايف يكون ده حالي في المستقبل سواق اوبر لاني مش لاقي فرصه اني اطور من نفسي
انا بعرف اتعامل مع اي حاجه فيها تكنولوجيا سواء هاردوير او سوفت وير و بتعلم و باك اند برمجه يعني من تلت سنين مش قادر اركز فيها لاني مركز في الكليه و الشغل بس بحب الهارد وير جداااا اغلب اصحابي انا اللي مجمعلهم الجهزه و حتي لو اي حد في العيله او الاصدقاء و حتي اصدقاء الاصدقاء بيسالوني في اي حاجه سواء لو حيشتري تليفون او حيصلحه او حيبيعه بعرف اعمل اي حاجه من دي و بشغف كمان و حتي لو سوفت بعرف ارجع اي داتا ضايعه ابليكيشن مش شغال سواء كراك او مشاكل في الويندوز كل ه بالنسبالي بديهي و سهل جدااا
بس مش عارف استفيد من الكلام ده و حتي الانجليزي مش عارف اطلع منه فلوس
كل يوم بيعدي من الاسبوعين بتوع التربيه العسكريه بحس اني حرجع اشتغل اوبر تاني و اسوق و ده مسببلي شعور بالضغط و عدم راحه طول الوقت مش عارف اوصف الاحساس صراحه مس شعور اكن يطنك وجعاك طول الوقت
المشكله ان فنفس الوقت ابويا كبير في السن و معاش و مبقاش يقدر علي الشغل زي زمان فمش قادر الومه حتي و بقيت حاسس ان انا المشكله صراحه و اوقات كتير كنت باجي علي نفسي و انزل اشتغل و اعمل فلوس كويسه و كتير كمان تخليني انا و اهلي احسن ماديا كتير في ظل الديون اللي علينا بسبب البيت الجديد بس فعلا مبقتش قادر اسوق العربيه حتي لو في مشوار شخصي بسيب العربيه و اركب مواصلات
مش عارف اعمل اييييي الصراحه
مش عارف بحكي الكلام ده هنا ليه فنفس الوقت مش عارف احكي لمين
ادعولي الاقي شغل علي النت قبل اسبوعين التربية العسكرية ميخلصوا
انا مريض كدا ولا يجماعه بموضوع التعبير ده عن حياتي البائسة
جديد لسه نازل للناس الخبره اظن سهل جدا تتقبلوا و تعدوا الاسيسمينت
ده لينك ريفيرل