بداية قصة انتقامي في الشطرنج (1/3)
في البداية لازم أقولكم باني كنت احب الشطرنج بشكل عادي.
ولكن ايش دخل قصة الانتقام ؟؟
طيب، ودي ابدأ بشرح كم حاجة، واللي هي انو أنا في البداية ماكان ودي أتعلم شطرنج لاني عارف لو اني لو تعلمتها ماراح استمتع لما العب مع اختي، لاني وقتها كنت أشوفها (اختي) عبقرية في الشطرنج، كنت أشوفها جدار، كنت أشوفها تحدي كبير، ف حيل حبيت المنافسة لما نلعب مع بعض.
والشي الثاني إني أنا أشوف الشطرنج كلعبة عادي زي اي لعبة ثانية، ولا كنت معطيها ذاك الاهتمام أبداً.
في يوم من الأيام قررت اعزم احد زملائي في الدوام ع مطعم طحت عليه.
___
أرست له: ها، تحب الحار ولا العادي؟
رد: جيب لي حار، وببسي بعد.
رديت: ترى مو زينة المشروبات ألغازية.
رد: انت وش تبي انت؟ أنا الي بشرب ولا انت؟
رديت: طز
رد: ****
___
طلبت له وجبة حارة وانا وجبه عادية، رحت عبيت بنزين ورحت لشقته المتواضعة ومعاي الوجبة.
سلمنا ع بعض وبدينا ناكل ونسولف عن الدوام ونحش ع فلان وعلان ونذبّ ع بعض ونستهبل ونسولف عن الي ف التلفزيون وايش الأشياء الي تفرج لها… إلخ.
الين ماطاحت عيوني على ل الـ chess board الي بداخل الطاولة..
___
سألته: تعرف تلعب شطرنج؟
رد: ايه، وتدري أنها لعبة ملوك؟
أنا: مارديت عليه ظليت ساكت
كمل وقال: صدق ترى! كان قديم مايلعبوها إلا الملوك سابقا، حتى إنهم يستخدمونها عشان يقيسون مدى ذكائك في الاستراتيجات وتقييمك للجنود وكيف/ومتى تضحي، ومدى بعد بصرك و…و…و
___
جلس يسولف لي عنها، وعن البطولات العالمية، وقام يذكر لي أسماء الي ف المركز الأولى والثاني.. (كانت أسماء غير مألوفة بالنسبة لي)
كان حيل متحمس وهو يسولف وقررت اني العب ضده…
وقتها ماعرف كيف ارتب القطع أصلا، اختي هي الي ترتبها على الـ chess board، وبالحيل اعرف كيف القطع تتحرك😭💔✨
المهم..
___
قلت له: يلا انزلي.
رد: من جد؟
رديت: خايف؟
رد: خلاص قدام.
___
جلسنا ثنينّا ع الارض وحط طاولة الشطرنج مع الساعة الي تحسب الوقت للاعبين، رتبنا القطع وبدينا اول قيم.
وحنى نلعب في البداية كان هو خايف مني مدري ليش، ولما احرك اي قطعة يقولي يولد كم لك وانت تلعب ؟!
وكان يستهلك من وقته كثير، ومادري ايش يفكر فيه، ومن اول القيم وانا احرك بسرعة وكانت خطتي اني أفوز عليه بالوقت بحكم انه بطي حيل، وبالفعل فزت عليه بالوقت.
___
يقولي ووجهه شوي معرق: يولد كيف تقدر تلعب كذا؟!
أنا: مادري، بس العب كذا.
هو: يولد انت صادق؟!!
أنا: ايه.
هو: قيم ثاني.
___
عدل الساعة ورتبنا القطع، هالمرة أنا الي رتبت القطع حقيني، بعدين هو انتبه اني لخبطت بين الـ king و الـ queen، وعدلهم لي.
فزت ف القيم الثاني ماذكر شلون الصدق بس تحمس هو، حسيته كانّه يشوفني تحدي، يشوفني جدار، زي ماشوف اختي…
القيم الثالث…
بديت احس بتأنيب ضمير شوي..
هو عدل جلسته وطلع الڤيب وقالي
___
قال: يلا قيم ثاني.
أنا: متأكد؟
هو: ايه ايه، العب بس.
انا: اك
___
في ذا القيم هو كان حيل حيل مركز، عيونه ماترتفع من الـ chess board، وانا مروق ع الآخر، احرك بدون مافكر كثير…
غيّر طبيعة لعبة وصارت دفاعية مرررة، حرفيا القطع حقته ماعدت الصف الثالث، وكنت حبة حبة اقدم القطع حقتي إلى الملعب حقة الين…
ماجبت العيد، قدمت pawn خطوة قدام…
علامات وجهه صار كان واحد جا وبشرة بمولود😭✨
___
وقالي: أشكرك!!! والله أشكرك يشيييخخخ!!!
(وقام رفع يدينة🤲🏻✨)
ويقول: الحمدلله ياااارب!!!
أنا: مارديت عليه، بس فالبدايه كنت أحسبة يمثل عشان يخليني اخاف او شي زي كذا..
___
══════ ✦ ══════
「 سقوط الملكة 」
══════ ✦ ══════
رجعت عيوني إلى الـchess board وبعدين شفت ايش يتكلم عنه…
كان الـ pawn مغطي ع مربع كان الـ knight حقة يقدر يوصل له…
سوالي Royal fork وضاعت الـQueen ع الفاضي…
سويت blunders كثير بعدها، وصار ملكي مكشوف ومحشور في الزاوية مالي إلا مربعين أتحرك فيهم…
حرفيا ماعندي إلا king بس..
احرك الملك فوق، هو يدف الـ pawn.
احرك الملك تحت، هو يدف الـ pawn…
حسيت بشعور…
حسيت…
بفقدان الأمل…
الملك لحاله، عاجز عن انه يطلع، عاجز عن انه يسوي شي..
ماعنده إلا مربعين بس….
حسيت بخنقة… حسيت بغصة… شعور يععع 😭💔✨
كنت أتمنى تصير معجزة وترجع الـ queen بطريقةٍ ما.. بس.. كل الي احس فيه… هو اليأس….
(وقتها ماكنت اعرف ان في شي اسمه resign)
الـ pawn سوا promotion ونزّل له هو queen ثانية وسؤالي check mate….
___
مد يدة يسلم علي وهو مبتسم ويقول: قيم مرة حلو..
تأملت وجهه وهو مبتسم في اجزاء من الثانية..
بعدين مديت يدي وسلمت عليه وانا ابلع الغصة…
وقلت له: nice game
أنا: قيم ثاني؟
هو: قم انقلع عنّي يشيخ.
___
انتهت هنا القصة، ومن هنا.. بدأت قصة…
══════ ✦ ══════
「 بداية الانتقام 」
══════ ✦ ══════
الصدق، وهو يرقي ل الـpawn كنت عارف ان رحلتي التنافسية مع اختي انتهت هناك، واني راح اشفق اكثر عليه لما نلعب مرة ثاني… (مو غرور)
أنا كذا استغفر الله، إذا شفت خصمي زعلان أنا ازعل بعد😭💔✨
بس لما العب online غير شوي.. يعني إذا كان الخصم توكسك، احب أتنمر عليه، مو بالكلام، لا، باللعبة، أصلا مارد عليهم.
المهم..
من بعد ذاك اليوم، رحت ذاك الموقع، حملت كتب، خشيت قروبات دسكورد، أتابع مقاطع، اشتركت ف قنوات في اليوتيوب، واكلم الذكاء الاصطناعي عن ايش افضل افتتاحية، وعطاني اسماء غريبة حيل وماني متعود عليها.
صرت كل يوم أتابع مقاطع حق ناس توب في العالم ولا كنت افهم ايش يقولون، وايش يسوون… حرفيا كاني عمي..
يوم وصلت 500 elo رحت كتبت في الدس عن انو كيف اللعبة صعببببه وابي أتعلمها بسرررعة وماني قادر أتحمل الضغط الي يجيني من الخصم 💔🤏🏻✨
جاني واحد
(في البروفايل في الدسكورد يبين كم الـ elo حقك)
ويقولي:
___
هو: يشيخ توك في ال٥٠٠ وقاعد تصيح، أنا وش اقول؟!
أنا: خشيت البروفايل حقة عشان أشوف الelo حقة كم، بعدين طلع ٢١٠٠ 😭💔✨
رديت: plz hlpme 🥺💔✨
___
بعدها بكم أسبوع ملّيت من الكتب ولا افهمها/ماعرف كيف أتعلم منها.
استمريت ف اليوتيوب، وطحت ع واحد صوته حلو ويجيب النوم😭🤍✨
══════ ✦ ══════
「 الصحوة 」
══════ ✦ ══════
طيب هنا نهاية الجزء الأول من اصل ثلاثة..
بليز قولولي ع الأق إنكم استأنسوا او ع الأقل حسيتو بشي وانتو تقرون🥺
👏🏻🤍✨
انت احين خلصت الجزء الأول
u/iibxnbxn — 2 days ago