u/ilovekofta

أنا داخلة سنة تانية طب وعندي سؤال بجد: هو إحنا فعلًا بنفضل طول سنين الطب بنذاكر من غير أي مصدر دخل لحد ما نتخرج؟

ممكن اللي عنده خبرة يقول إيه الـside hustles أو الحاجات اللي ممكن نبدأ فيها خلال الصيف أو حتى جنب الدراسة في سنين الكلية ؟ سواء حاجة تجيب دخل بسيط وتدينا نوع من الاستقلال المادي، أو حاجة في نفس الوقت تقوي الـCV وتفيدنا في المستقبل.

أنا حاسة إن فكرة إني أفضل لحد أواخر العشرينات تقريبًا من غير ما أشتغل أو أعمل حاجة لنفسي صعبة جدًا. يمكن أنا كنت متخيلة إن لما أوصل العشرين هكون فاهمة الدنيا وعارفة أنا بعمل إيه😂لكن اهو أنا داخلت على العشرينات وكل اللي أعرفه تقريبًا هو المذاكرة.

وأنا فعلًا بحب الطب وعايزة أكمل فيه، ومش قصدي إني أسيب دراستي أو أضغط نفسي بحاجة على حسابها، بس نفسي أبدأ من دلوقتي أبني حاجة لنفسي: skill، دخل جانبي، خبرة، volunteering، research، أي حاجة تخليني أحس إني بتقدم في حياتي مش مجرد بذاكر لحد التخرج

ممكن حد عنده خبره وعنده افكار واقعيه ينصحني او يقول اعمل ايه يا ريت تشاركوا خصوصا زمايلنا الأكبر مننا (وبعد اذنكم محدش يدخل private لاني مش برد)

ليه بقى أغلب المحتوى الديني المنتشر اليومين دول، سواء بودكاستات أو فيديوهات أو حتى الأسئلة المتداولة، كله تقريبًا بيدور حوالين الست؟ لبسها، تبرجها، وإنها فتنة... ليه ده بقى أكبر همّ عند ناس كتير؟

أنا فعلًا مستغربة. هو مش مدركين إن الطريقة دي أحيانًا بتكون سبب في إن بنات كتير يبعدوا عن الدين؟ ليه نوصل للبنت إحساس إن مجرد وجودها مشكلة أو إنها مصدر ذنب؟ في حين إن من وصايا النبي ﷺ الإحسان إلى النساء وحسن معاملتهن.

الأغرب إنك تلاقي شباب فاتحين صفحات أو عاملين محتوى باسم "النصيحة في الدين"، لكن معظم كلامهم موجه للبنات ولبسهم، بينما نادرًا ما بيتكلموا بنفس القدر عن مسؤوليات الرجال، أو أخلاقهم، أو غض البصر، أو أداء الحقوق، أو أي جانب يخصهم بنفس الحماس. بدل ما يوجهوا خطاب للشباب اللي زيهم، يساعدهم يرتقوا بأخلاقهم ويفهموا مسؤولياتهم، تلاقي التركيز كله على المرأة.

واللي يضايق أكتر إن بعض الناس بقت تتكلم في الفتاوى بثقة شديدة، خصوصًا لو الموضوع متعلق بالنساء، مع إن الصحابة رضي الله عنهم كانوا حذرين في الفتوى رغم إنهم عاشوا مع رسول الله ﷺ وتعلموا منه مباشرة.

ولو ناقشتهم في مسألة تخص الرجال، زي عورة الرجل مثلًا أو أي حكم عليهم، تلاقي أول سؤال: "فين الدليل؟" ويدققوا جدًا. لكن لما يكون الكلام عن النساء، تلاقي ناس كتير بتردد أي كلام سمعته من شيخ، حتى لو الشيخ نفسه ما ذكرش الدليل. ومجرد إن حد شيخ مش معناه إن أي كلام يقوله يبقى صحيح من غير ما نتثبت أو نسأل عن دليله.

المشكلة مش في النصيحة، لأن النصيحة مطلوبة للجميع، رجالًا ونساءً. المشكلة في إن الخطاب بقى غير متوازن، وكأن الدين كله اختُزل في مراقبة المرأة، بينما جوانب أساسية كتير في الدين والأخلاق والعبادات والمعاملات بقت مهملة.

ولو قعدت أجيب أمثلة على مواقف شفتها أو سمعتها، من جهل أو تشدد أو حتى تناقض، مش هخلص كلام. إحنا كمجتمع محتاجين نراجع نفسنا، لأن ديننا أوسع وأرحم وأعدل من إنه يتحول في نظر ناس كتير إلى قائمة طويلة من الأحكام على المرأة.

أكيد كلامي مش هيغير الواقع بين يوم وليلة، لكن أتمنى على الأقل إنه يلفت الانتباه للنقطة دي.

I’m 19 and I just finished my first year university in med I feel lifeless I have no idea what you’re supposed to be doing at 19 idk am I supposed to get a job?? Side hustle?? Internship?? Any of that? or is it too early?? what should I be focusing on?? It’s such a confusing age bc I can’t really be a wreck less teen anymore but at the same time I’m not a fully capable adult. I feel like I should be accomplishing big things since the media nowadays has a lot of people who are millionaires by 24 and all that 😂😂 What is one supposed to genuinely be doing at 19 or even after 😂 Do you just spontaneously know what’s up when you turn 20? were adults really pretending to have it all figured out this whole time?

I’m 19 and I just finished my first year university in med I feel lifeless I have no idea what you’re supposed to be doing at 19 idk am I supposed to get a job?? Side hustle?? Internship?? Any of that? or is it too early?? what should I be focusing on?? It’s such a confusing age bc I can’t really be a wreck less teen anymore but at the same time I’m not a fully capable adult. I feel like I should be accomplishing big things since the media nowadays has a lot of people who are millionaires by 24 and all that 😂😂 What is one supposed to genuinely be doing at 19 or even after 😂 Do you just spontaneously know what’s up when you turn 20? were adults really pretending to have it all figured out this whole time?

أنا سنه أولى وفعلا السنه دي طولت اوي لسه هنخلص في شهر سبعه أنا عارفه ان أنا في طب وطبيعي أصلا نتعود على كده بس بجد كل ده في سنه أولى اوفر اوي

حاسه إني ضايعه انا صعبان عليا مجهودي طول الترم أنا فعلا مش قادره اذاكر واراجع بنفس الحماس او الاهتمام حاسه ان العزيمه عندي قلت جداً بقيت بضيع وقت كتير لمجرد الهروب من المذاكره مع أني عارفه لو قعدت وراجعت كله هيبقى تمام ودلوقتي في امتحان بعد بكره وانا لسه في شباتر مفتحتهاش وحجات محتاجه مراجعه ولم وبحس الباثولوجي أصلا كلها دخلت في بعضها

لو حد عنده اي نصيحه او حاجه يقولها عشان اشد حيلي شويه وهل في أمل الم الدنيا لكن أنا فعلا جبت اخري ونفسي انام بقى 😂