u/istitchs

انا نتاج وضحية زواج امي وابوي المبكر اطفال مراهقين قرروا اهلهم يزوجونهم كانت اعمارهم 17 سنة زواجهم استمر سنة ونص وانفصلوا وعمري 10 شهور ابوي اختفى من حياتي لان قرر يسافر يكمل دراسته تربيت في بيت اجدادي امي كانت تهتم فيني وكانت تكمل دراستها الخمس سنين اللي امي كانت تهتم فيني فيها اجمل فترة بحياتي بعدها انخطبت وتزوجت وانا بقيت عن اجدادي طفولتي كانت عادية طبيعية لما جانا ضيف من اقاربي في بيت اجدادي بسبب عمله تم نقله للمنطقة اللي فيها اجداده وقرر يستقر عندهم طول الفترة اللي هو مقيم فيها كنت اتعرض لتحرش
بالبداية كان يبوس ويعض خدي او اذني وانا انقرف واركض اغسل بالماء وصابون واحس مازالت ريحته فيني وانقرف زيادة وهالشي كان يسويه قدام خوالي واجدادي وعندهم عادي ولا احد وقفه عند حده لين ما بدا يتمادى بشكل تدريجي كان لما يرجع من الدوام يجيب لي هدية ويقول كل ماتسمع الكلام راح اجيب لك هدايا و اوديك الملاهي وخليك تدخل غرفتي في اي وقت تلعب video game وكان يطلب مني اسوي مساج بشكل مستمر يحضني احضان غريبة دايماً كنت انصدم اكون نايم في غرفتي اصحى من النوم اكتشف اني في غرفته كان يشيلني وانا نايم لكن ماصار اعتداء جنسي كان حريص الحقير من عمري 7 سنوات لما صار عمري 12 بعدها طلع من البيت لما انتقل يعيش معنا كان عمره 28 الله يحرقه في عمر 13 بديت استوعب اللي صار لي سنوات من محاولات الانتحار الفاشلة واكتئاب وانطوائية في عمر 16 قرر ابوي اعيش معاه لما صار عمري 22 ابتديت علاج نفسي مرت ثلاث سنوات وانا اتعالج عمري 25 اكثر شي ضايقني ان كان في مناسبة عائلية قريبة وصادفته الحقير يسلم ويضحك ولا كأنه مجرم هو ناسي لكن انا مانسيت