فرصة عمل على برنامج Grasshopper
يعطيكم العافية شباب
عندي صديق بألمانيا شغّال على راينو + غراسهوبر وعم يدوّر على حدا عندو خبرة بالبرنامج كرمال يساعدو بمقابل مادي
المهتم رجاءًا ابعتلي رقمك لحتى وصلك مع الشب وتتفقو بين بعض
u/j-reacher77 — 5 days ago
بتخبّر معارفك قديش راتبك؟
مرتك، أهلك، قرايبينك، أصدقائك ..؟ عندك مشكلة تخبّرهم قديش راتبك أو مدخولك أو حتى كم مجمّع فلوس؟
هل أنت مع فكرة انو كل ما زاد الراتب بتزيد التوقعات من الغير؟
هو المساعدة او التصدّق من حر مالك محبوبة وما بتضر و "ما نقُص مالٌ من صدقة" بس تكون طالعة منك بكامل ارادتك … اما بعض الناس مثلاً بكون مخطط يستثمر أو يخبّي جزء من راتبو لكن وقت مرتو / أهلو بيعرفو بالمبلغ الزائد بصير بدهن يصرفوه عل كماليات وبيقاتلوه اذا رفض وبيتّهموه بالبخل مع انو الزلمة بيكون ما مقصّر بشي أبداً
شو رأيكم
u/j-reacher77 — 17 days ago
▲ 15 r/SyrianSocialSpace
بتعيشي مع زوجك باستديو؟
بما انو هاليومين المواضيع عن الزواج قلت باخد رايكن .. الوالدة قالتلي انو مافي بنت بتقبل تتزوج باستديو فحابب اخد آرائكن، بتقبلي تسكني مع زوجك باستديو؟ هيك متل اللي بالصورة غرفة صغيرة مع زاوية مطبخ وحمام
سواء كان بسوريا او برا سوريا (الخليج او اوروبا)
يعني عالقليلة اول سنتين - تلاتة زواج، ما انو بشكل دائم
طبعاً اذا برا سوريا فهوة أجار ما ملك
حتى بسوريا في حال كان أجار هل هالشي بيأثر عقرارك؟
او بشكل عام ما فارقة بس المهم انو سكن مستقل؟
u/j-reacher77 — 2 months ago
▲ 38 r/SyrianSocialSpace
الابتزاز العاطفي، الأمومة السامّة و برّ الوالدين
اذا كان فيه شخص بحياتك بمارس عليك الابتزاز العاطفي، دواه ببساطة انك تصغرو من حياتك وتطنشو. بس شو تعمل اذا كانو الأهل (الأم حصراً) من هاد النوع؟
شو هو الابتزاز العاطفي عند الأم؟
يعني تحسسك بالذنب على الشغلات اللي بتعملا عكس ارادتها، على الرغم انو هية لا بتستفاد ولا بتنضر بالشي اللي انت عملتو. هية اللي بتحملك مسؤلية زعلها ومرضها وكآبتها. هية اللي بتتدخل بخصوصياتك وما عندا اعتراف بشي اسمو مساحة شخصية. بتشوفك** امتداد **الها (خاصة اذا كنت شب) وممنوع يكون الك شخصية مستقلة. ما عندا مشكلة تدور بغراضك وبدون أي احساس بالذنب او انها ساوت شي خطأ. بدا تعرف كل كبيرة وصغيرة بتخصك لدرجة انها ممكن تسلط اخواتك او خوالك عليك من تحت لتحت مشان يعرفو عنك ويخبروها (جواسيس يعني). بتمارس عليك الصمت العقابي بطعمة وبلا طعمة.
بتهتم براحتا أكتر من راحتك وخاصة في حال وفاة الأب، يعني ما عندا مشكلة انها تفرض حالا تجي تعيش معك بحجة انها ما بتقدر تعيش لحالا، علماً انو بتقدر وما ناقص عليها شي، بس هيك مجرد اعتمادية واتكالية.
بتتدخل بشؤونك انت ومرتك، واذا انت كنت شب غير واعي كفاية ممكن تظلمها لزوجتك مقابل انك ترضي غرور امك. من فترة شفت فديو لواحد عم يجبرها لمرتو انو تبوس رجل امو، والأم عم تصور. هاد بر؟ هاد خَوَل عقولة المصريين، حمار معبى ببنطلون هو وأمه، وعقولتنا نحن "ابن امه".
هلق أكيد أي بنت بتتمنى تتزوج شب بار، بس أكيد فيه فرق بين البر وبين "ابن امه".
هيك نوع من الأمهات تؤدي لأنو الشب يكبر شخصيتو ضعيفة، اعتمادي واتكالي متل أمو اللي بتعتمد عليه بكل كبيرة وصغيرة، وبنفس الوقت بتلاقيها بتتخذ القرارات عنو يعني مسيطرة عليه.
بتسأل حالك سؤال، شو اللي بوصل الأم لهي المرحلة؟ غالباً غالباً هي بتكون ضحية تربية خاطئة انفرضت عليها، (يعني هية ضحية متل ما أنت ضحية الها)، بس الفرق بينك وبينها انو انت هلق قدران تقرأ وتبحث وتستشير وتعرف الغلط وين، اما هي ف خلص، بحكم كبر سنّها وشخصيتا، مستحيل تعترف انها هيك او انو تعرضت لخطأ بالتربية، أما انت قدران تعرف الأخطاء وين وتحمي حالك انك تصير نسخة عنها بتعاملك مع ولادك.
هلق منجي للسؤال الذهبي، كيف الواحد بيقدر يجمع بين أنه يحمي حالو وصحتو النفسية ضد هاد النوع من الأمهات (اللي كمان بتتسمى بالأم السامة، النرجسية، المتسلطة)، وبين أنه يحمي مرته وما يظلمها ويكون حازم مع أمه وعرفان يفرق بين الحق والباطل، يعرف كيف يفرض حدود خاصة، مع تأكيد الحفاظ على البر والاحسان؟
برأيي هادا واحد من أصعب الاختبارات او الابتلاءات اللي ممكن العبد يواجهها بالدنيا، بس أكيد بالنهاية (وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ) والواحد ما بيعرف الخير وين.
u/j-reacher77 — 2 months ago
▲ 10 r/SyrianSocialSpace
كم تقريباً تكاليف الزواج بسوريا
بس قبل بدي اسأل سؤال للبنات
بتقبلي بعرس نسوان فقط بلا العريس ولا لازم يكون موجود؟ أو بتقبلي بلا العرس كلو عبعضو؟
احكولنا عن تكاليف الزواج هالأيام من بداية ما ترفع التلفون وتقول (حابب اتعرف عليكم بنية الحلال) لحتى توصل لعند (ما تخاف عمي بنتك بعيوني)
بين هالجملتين قديش بتكون التكاليف وسطياً باللادقية
بعرف انو كل حالة بتكون شكل ومافي شي ثابت، بس يعني الأمور الأساسية المتعارفة متل الخطبة والدهب والعرس والمهر هالايام
بحالة ليرات الدهب كم سعر الليرة اليوم؟
بالنسبة للعرس نسوان فقط لأن العريس برا البلد وما ناوي يرجع ولا يساوي عرس أصلاً
u/j-reacher77 — 2 months ago
الفوتوسيشن بعد الخطبة هل هي شي أساسي؟
انت ك شب هل بتحس انها شي اساسي وضروري او مجرد ضياع وقت؟
انتي ك بنت هل بتعتبريها شي ضروري؟
بشوف كل الناس بتساوي فوتوسيشن بعد ما يخطبو وماني عرفان شو الفكرة من انك تروح مع خطيبتك على بستان او جنينة او المتحف الوطني باللادقية، تجيب فوتوغرافر يقعد يتأمّر عليك ويقلك ساوي هيك ولا تساوي هيك وقرب خطوة وابعد خطوة … بعدين تلحقوه اسبوعين لحتى يبعتلكن الصور
يعني حتى صارت عم تنحكا بشكل عادي ضمن الترتيبات وكأنها من البديهيات
ممكن تقلي ذكرى حلوة .. اي شو هالذكرى اللي كلها تمثيل ووضعيات
وهية كم بتكلف هالايام؟ لأني صدقاً ماعندي علم عن التكلفة وانتقادي للفكرة ذات نفسا، بس مجرد فضول حابب اعرف
فهل بتشوف/ي انها شي أساسي ولازم ينعمل سواء بالخطبة او العرس؟ (عسيرة العرس …. ببوست تاني ان شاءالله)
u/j-reacher77 — 2 months ago
▲ 16 r/Syria
استفسار عن العيشة بسوريا
يعطيكم العافية شباب
بدي استفسر عن العيشة بسوريا بالنسبة لامرأة عمرها بالستينات ..
انا عايش بالامارات والوالدة حالياً عايشة معي بس خلال شهر أو شهرين ممكن ترجع عسوريا بشكل نهائي بسبب مشاكل بتجديد الاقامة
الوالد متوفي يعني رح تعيش لحالها بالبيت بس يعني هية مانا مقطوعة.. أغلب قرايبيننا بسوريا.. بس شوي آكل هم وعندي كم استفسار
كيف وضع الكهربا والمي والانترنت والأمان بشكل عام؟ الحكي ضمن مدينة اللادقية
\- بقدر اني ادفع الفواتير من عندي من الامارات او لازم حصراً حدا يدفعها من سوريا؟
\- من فترة كان في تطبيق بسوريا اسمو box to go
من هالتطبيق كنت بقدر اشتري غراض ومونة للبيت وهنن بيوصلوها بس كأنو ماعاد عم يشتغل .. في شي تطبيقات مشابهة؟
كم المصروف الشهري اللي لازم ابعتو تقريباً ليكفيها؟
حالياً البيت بسوريا مافي طاقة شمسية ولا بطاريات .. يعني الاعتماد الكامل رح يكون عكهربا الدولة .. هالشي كافي؟ أو فيه خيارات أحسن؟ وكم تقريباً بتطلع الفاتورة اذا كان الاعتماد كلياً عكهربا الدولة؟
وشكراً جميعاً
u/j-reacher77 — 2 months ago
▲ 16 r/SyrianSocialSpace
استفسار عن العيشة بسوريا
يعطيكم العافية شباب
بدي استفسر عن العيشة بسوريا بالنسبة لامرأة عمرها بالستينات ..
انا حالياً عايش بالامارات والوالدة حالياً عايشة معي بس خلال شهر أو شهرين ممكن ترجع عسوريا بشكل نهائي بسبب مشاكل بتجديد الاقامة
الوالد متوفي (الله يرحم أمواتكم) يعني رح تعيش لحالها بالبيت بس يعني هية مانا مقطوعة.. أغلب قرايبيننا بسوريا.. بس شوي آكل هم وعندي كم استفسار
كيف وضع الكهربا والمي والانترنت والأمان بشكل عام؟ الحكي ضمن مدينة اللادقية
- بقدر اني ادفع الفواتير من عندي من الامارات او لازم حصراً حدا يدفعها من سوريا؟
- من فترة كان في تطبيق بسوريا اسمو box to go
من هالتطبيق كنت بقدر اشتري غراض ومونة للبيت وهنن بيوصلوها بس كأنو ماعاد عم يشتغل .. في شي تطبيقات مشابهة؟
كم المصروف الشهري اللي لازم ابعتو تقريباً ليكفيها؟
حالياً البيت بسوريا مافي طاقة شمسية ولا بطاريات .. يعني الاعتماد الكامل رح يكون عكهربا الدولة .. هالشي كافي؟ أو فيه خيارات أحسن؟
u/j-reacher77 — 2 months ago
▲ 3 r/Syria
اقامة العمل وفيزا الكفالة للسوري في الإمارات
يعطيكم العافية. انا حالياً في الامارات ووالدتي معي بموجب (فيزا كفالة عائلية) ساويتا السنة الماضية بعد وفاة والدي، ومن أحد شروط هي الفيزا هو وجود عقد ايجار غرفتين وصالة على الأقل.
هي السنة للأسف مابقدر جدد الكفالة لعدم استيفاء شرط السكن، فالسؤال هو هل بقدر الغي الكفالة وساويلا اقامة عمل نظامية ضمن شركة؟ او رح تجي بالرفض؟ عمرا 61 سنة
يعني الخيارات حاليا هي التالي:
- فيزا كفالة عائلية (مارح اقدر جددها بسبب عدم استيفاء شرط السكن)
- فيزا عمل (هل ممكن تجي بالرفض؟)
- فيزا سياحية وتجديدها كل ما خلصت (قديش بقدر ضل عم جددها وهل لازم تطلع من الدولة وترجع تفوت؟) في حال طلعت من الدولة، هل عم يعطو تأشيرات سياحية؟
u/j-reacher77 — 2 months ago