u/jalfalasi

هل هالشي مقبول ان الزوج يسولف مع بنات يقربون له على السوشال ميديا او مكالمات مثلا؟

إما خطوة تطمئن القلب و إما كلمة صادقة تنهي هذا التيه أما البقاء بين قريبا و صبرا و ليس الان فهو استنزاف لا حب

كل الي يضيع عمرة في سنوات من الحب بعد هذي الرسالة خذوا موقف نهائي زواج او فراق

من ترك شيئا لله عوضه الله خيرا منه

ليش بعض البنات في المولات والكوفيات والمطاعم تطنش الشباب العزاب وتلقى عيونها وانتباهها كله يروح صوب الريال المتزوج

السالفة تحدي ولاغيره ولا انانيه و تحب تاخذ الشي الجاهز من ايد غيرها؟

بناء على بعض الاستفسارات الي وصلتني وعشان ارد على الكل مره وحدة:

١- عادي سواء ريال او حرمة

٢- الي نحتاجة بالضبط هو تساعدونا في اختيار المطابقات للناس و تساعدونا نتواصل وياهم ونتابع حالاتهم ونحدثها فالموقع

٣- نجتمع مرة كل اسبوع/اسبوعين على تيمز

٤- المتابعة اليومية للسبريديت نفسه ما نحتاج فيه مساعده ومانبا نتعبكم معانا اكثر

٥- الكتابة باللغه العربية مهمه عشان نسهل التواصل مع الناس

٦- مانحتاج حد خبرة في الـIT الموقع جاهز و نحن بنكون معاكم في كل الخطوات

٧- بنختار مودريترين ثنين الاسبوع الياي ان شاء الله

الموضوع سهل ان شاء الله والضغط بيكون بس في التواصل مع الناس على ريديت الي حاب يكون من ضمن فريقنا يتواصل معاي على الخاص

محتاجين مودريتر او اثنين ينضمون لفريقنا

الاشياء الي نحتاج مساعدة فيها:

الاختيار و التواصل و متابعة حالات التوافق ويانا

الي نحتاجة منكم:

الجدية و التواجد بشكل شبه مستمر و الرغبه الفعليه في مساعدة الناس ف اذا تشوفون نفسكم مستعدين تواصلوا معايه

ياني واحد من الشباب قالي الفلاسي فيه وحده ويايه في الدوام و من فتره عيني عليها و خلوقه و ابي اتقدم لها ف انا من باب انه ما يطلب رقم اهلها وتطلع متزوجه قلت له اسال عنها المهم بعد يومين قالي الحمدلله مب متزوجه ف شجعته يروح يكلمها و يكون واضح انه يبا يتقدم لها و يبا رقم ابوها وفعلا راح و طلب رقم ابوها بس ردة فعلها ما كان متوقعنها يقول فزت وراحت عند المدير تقوله هذا مب مهني في العمل و يطلب رقم اهلي وسال البنات عن حالتي الاجتماعيه وسوت له سالفه ف الي ابي اعرفه الحين هل فيه تحديث يديد على اسلوب الطلب لانه احيده كان عادي طالما النيه زينه ولا شو الاسلوب المناسب حق الي يبا يتقدم حق وحده وياه فالدوام؟

تقول: أنا تزوجت زواج تقليدي ومن عاداتنا بالقبيله ما يكلمني بالملجة تزوجت ودخلت عليه وكان حنون وطيب ومتفاهم وايد وثالث أيام الزواج كنا بكوفي وكنت فرحانه ورجعنا وقلت له استودع نفسك وقال اللهم استودعتك نفسي واسم غير اسمي غلط يبي يقول اسمي وقال أسم بنت ويلست اقول منو الاسم هذا ويلس يقنعني ان الاسم قريب من اسمي وهو مو قريب ولا حرف من الحروف قريبه حتى عديت هذاك اليوم بمزاجي وايا شهر العسل ويبي يناديني وناداني بنفس الاسم اللي غلط فيه انهرت طبعا سكت ولا قلت شي بس حطيت الموضوع ببالي وإلا اعرف شو سالفة البنت هذي وعرفت رمزه ويوم نام فتحته وشششششفت ان البنت هذي يحبها من ٧ سنوات وشفت اشياااء وتخيلو ان يشاورها شو ناكل شو نشرب وين نروح انصدمتتتتت ووصحت وسكت ولا قلت شي ولا قلت ان فتحت وشفت وبلعتها والحين لي ٨ شهور متزوجه مو واثقه فيه رغم انه طيب وحنون ولا يقولي شي بس تعبت تعبت كل مره يمسك التلفون أحسه يكلمها

لو انتوا مكاني شو بتسوون