اغرب موقف من " صديقتي "
سالفه للبيع لكن فجاه تذكرتها واحس لازم اقول لاحد المهم انه بثاني او ثالث متوسط كان عندي شله صحبات عددنا ٦ ونعرف بعض من خامس ابتدائي وكنا مره مقربين من بعض ومسوين قروب بانستا وحرفيا القروب ٢٤ ساعه رسايل فاضيين ماعندنا حياه، المهم انه فيه وحده بهالقروب خل نسميها ساره، ساره هذي for some reason تشوفني عدوه يعني صراحه ما افهم السبب لكنها كانت دايم تقط كلام وتسوي مواقف معي انا بالذات مع اني ما اذكر انه قد سويت لها شي سيئ وانا قاصده وبالعكس كنت اشوفها صحبتي زي باقي البنات، عالعموم في يوم من الايام كنا نسولف بالقروب وفجاه وحده من البنات ترسل انه وصلها على رقمها انه احد تبرع عنها بمنصه احسان ومن ياترى هذي الوحده؟ ايه ساره تبرعت عنها المهم كتبت اووهه كيوت ومدري ايش فجاه انصدم انه باقي البنات قاعدين يرسلون انهم حتى هم جتهم الرساله حقت التبرع من ساره وانا انبسطت واقول واو ايش هاللطف مره هذا الشي لطيف لين استوعبت شي انها سوت هالشي لكل البنات اللي بالشله الا انا😭 قلت اوكي بحسن الظن يمكن لسا ماوصلني او معلق واذكر ارسلت بالقروب انه غريبه للان ماوصلني شي على رقمي ( حلتيته ) قامت ترد علي وتحط هالايموجي 😒 ؟؟؟ ااءءء ضحكت يعني لهالدرجه مستخسره تتبرعين عني💔 الزبده موقف يضحك ويعني اذكر قفلت الجوال بعد الموقف مافتحت قروب الانستا لمده يوم لكن صدق انها انسانه غريبه وحتى بعد هالموقف كانت تسوي اشياء يعني واضح انها ماتطيقني انا بصراحه مايهمني انها تحبني او لا بس مايوصل لدرجه انها تسوي حركات بزران كذا اوكي ماعندي مشكله ماتحبيني عادي نحاول مانحتك مع بعض كثير اما كذا ليه؟؟ واذكر موقف ثاني كنت اكتب اني زعلانه ومتضايقه من موقف صار وهي علطول ماتت ضحك وترسل ضحكه طويله ومدري ايش الزبده صدق انسانه غريبه ومواقف اكثر من كذا واقوى لكن الحمدلله طلعتها من حياتي🙏🏻🙉 ادري سالفه ماتنقال صراحه لكن لازم اقولها🙏🏻…