u/kNegm20

I'm still learning RPA these days — is there still a window to work as a Junior, or has it become difficult because AI agents can cover junior-level tasks?

من وأنا صغير وأهلي مهمشيني وبياخدوا رأيي يرموه في الزبالة من أول ما جيت على وشي الدنيا وسالبين إرادتي مني....

خلصت ثانوية جيبت مجموع كان نفسي ادخل حاسبات قالولي ازاي خسارة المجموع ادخل هندسة وانا كنت لسه عيل صغير مش فاهم حاجة دخلت هندسة بعد أول سنة قولت عايز احول رغم إني كنت ناجح عادي .

لا ازاي عايز تحول الناس تقول علينا ايه مش عارف يعدي من هندسة وحول حاسبات عشان ينجح طب ما أنا ناجح عادي بس أنا مش حاسس ده مكاني لا كمل ، حاضر هكمل كملت واتخرجت بتقدير جيد جداً وبرضو مش حاسس إن ده مكاني ولا عايز اشتغل الشغل ده.

خلاص بقى انا رضيتكم سيبوني اختار اشتغل ايه سيبوني سنة أذاكر كودينج وأذاكر اللي بحبه واشتغل بيه لا ازاي الناس تقول ايه قاعد بعد ما اتخرج مش لاقي شغل ، ابويا كلم حد معرفة من غير ما يقولي والراجل كلمني واحرجني على شغل مواقع وأنا والله العظيم ولا حابب شغل مواقع ولا مصانع ده مش مكاني وخلاص اتحطيت قدام الأمر الواقع.

اتهمشت طول حياتي واتريقوا على كل حاجة نفسي فيها أنا واخد قرار لما انزل الشغل ده مش ناوي ارجع تاني البيت ده قرار نهائي بالنسبالي ولا عايز اعرفهم ولا يعرفوني تاني هيبقى آخر يوم يشوفوني فيه وهشيلهم من حياتي

كفاية كده نسيت نفسي عشان ارضيهم وارضي كلام الناس اللي حواليهم ضيعت شبابي عشانهم مش هخليهم يضيعوني اكتر من كده انا حتى مش مبين إني ناوي اقطع معاهم للأبد بس ده قرار نهائي مش هرجع فيه