u/kcahrot

mumkina faisloñ meñ ek hijr kā faisla bhī thā

ham ne to ek baat kī us ne kamāl kar diyā

-- parveen shakir

un se merī baat na pūchh

un se merī an-ban hai

-- Ahmad Zafar

jāda-e-rāh-e-mohabbat kī darāzī mat pūchh

manzil-e-shauq kā har zarra bayābāñ niklā

-- Zafar Ahmad Siddiqi

ziist baaqī hai to apnā 'rañgīñ'

naam is ishq meñ kar jā.eñge ham

-- rangin sadat yaar khan

maiñ bachnā chāhtī huuñ apnī jaañ se

mirī mujh se mohabbat baḌh ga.ī hai

-- azra parveen

ashk jo aañkh se bāhar nahīñ aane paatā

ā.īna hai mire jazbāt kī gahrā.ī kā

-- andaleeb shadani

koī chehra nahīñ juz zer-e-naqāb

na koī jism hai juz be-dil-o-jāñ

-- fahmida riaz

mohabbat ab mohabbat ho chalī hai

tujhe kuchh bhūltā sā jā rahā huuñ

-- firaq gorakhpuri

'ishq hisāb chukānā chāhā thā ham ne

saarī 'umr samā ga.ī ek kaTautī meñ

-- hamida shaheen

hamesha aap ko samjhā ki aap apne haiñ

hamesha aap ne samjhā ki dūsre haiñ ham

-- kamal jafari

ye mere saath kaisī raushnī hai

ki mujh se rāsta dekhā na jaa.e

-- ahmad faraz

Us ki hasrat main jo guzar diyay

Wo meray mah o saal day koi

-- munir anwar

ḳhaak tak mere āshiyāne kī

le uḌī hai havā zamāne kī

-- sewak nayyar

tab talak the baḌe naqqād 'navā'

jab talak ḳhud se na do-chār hue

-- navin joshi

is sādgī pe kaun na mar jaa.e ai ḳhudā

laḌte haiñ aur haath meñ talvār bhī nahīñ

-- mirza ghalib

kyā kareñge sivā.e ḳhvāhish ke

mohlat-e-yak-nafs mile bhī agar

-- shakeel jazib

Dhul gia hay usi kay daikhnay say

Mera daman keh dagdar jo tha

-- azeen

apnī saarī kāvishoñ ko rā.egāñ maiñ ne kiyā

mere andar jo na thā us ko bayāñ maiñ ne kiyā

-- azad gulati

vahshateñ kuchh is tarah apnā muqaddar ban ga.iiñ

ham jahāñ pahuñche hamāre saath vīrāne ga.e

-- khatir ghaznavi

gaahe gaahe kī mulāqāt hī achchhī hai 'amīr'

qadr kho detā hai har roz kā aanā jaanā

-- Ameer Minai