هاي قبل كم شهر جيراننا ذوله من ابوغريب مربي ابنهم طيور فوك السطح وجنت اعاني من سالفة بناتهم وولدهم كل يوم علسطح ماكو خصوصية لان حديقة بيتنا طبعا مفتوحه علمنطقة من فوك فمره داشطف لابن خالتي الصغير امه ما ملبسته حفاظه جانت تسوي التمن وجرها زراب لحد المدخل مال الصالة فطلعته للحديقة اشطفله علصونده مال اسالة وهم اشرب مي الاسالة لان ماكو اطيب منه هنه جانن يخبزن فهمه حايط بيتهم مزرف ونصه مفلش فيبينن جان اسمعهن يضحكن قوي باوعت عليهن بنظرة الرجل المفعم بلقيرة كامن يركضن وحده منهن داست على ثوبها وانهرط جان عثرت ببلوكه علدرج وانهطر راسها باختها الصغيرة كامت تبجي تصيح عليها وجنتهم صعدت باوعت عليها وكامت تبلعلها وانطتي النظرة الكونفوزرابية وصاحت رجلها يكتل اخته طبعا هو نفسه الجايب الطيور وواحد نگس وريحته كلها ضروگ وعطر ليزر الاصفر ومسوي شعره مسرح برازيلي وداگ وشم (گشره لناس بعادهم أحن) ابن خالتي طبعا كل هذا وبعده مصلخ بالحديقة صعد علتانكي مال حديقة ويكمز كمت اصيح عليه ينزل جان يوكلني خىره اني كلش ضجت خالتي كامت تصيح عليه تكول هسه يستبرد نزله من التانكي تعاركت وياها كلتلها انتي خطار وابنج تارس البيت زراب يعني الله مايرضاها جان تزعل مني وتخابر رجلها تكوله تعال اخذني ابنها دا انشف جسمه تفل بنص عيني وانعميت الدنيا غوشت عبالك صار عندي گلوكوما مال شياب كمت وطرت وراه جان يزلك ويوكع علسندانه امه اجتي تصيح تكول يريد يكتل ابنييييييي عباله ماكو زلم وعشيره بظهره (طبيعي ماكو زلم بظهره لان ابنج جرها زراب من ورا) والله اجتي امي هدت بيننا وكعدنا نسولف جان نتفق انو سبب المشكلة من جيراننا وكعدنا نحجي عن فضائلهم الكريمة علينا من ذبت الزباله من فوك السطح وتوكع العلاليك مال البثل والقواطي وخيسة السنك على الحايط واكعد اجلفها اضافةً الى ابنهم الي بايك دبات الغاز مال بيت فطيمة وفطيمة ذبتها براس عمر ابن ام صفاء الي عنده سوابق ببوك الغاز واضافةً الى اخوهم الزبوگ الي كلما اذن الجامع وكال الله اكبر يكعد يكول لبيك اللهم لبيك اكوله وله ماما الكعبة بمكة مو بالانبار فالمنطقة تكفر كلها وكت الاذان (والسبب غير معروف) وما ننسه امهم الي مفتحه صولون بصف ابو الجكاير وتبيع خلطة برغ بالكيلو ونسوان المنطقة كلها گبت حساسية واكزيما بحيث الصحة دزتلنا طبيب جلدية لمنطقتنا وبالتأكيد اختهم الصغيره الي روتينها الصباحي تجي عل اسمنت مال جيراننا تخىري بي وتجعص بيها ويه الاسمنت وتنطيها لاخوها يسوي اشكال هنخرية اقصد هندسية بي (ومن يكبر يطب هندسة عمارة ويكول جانت عندي موهبه بتشكيل الخىره الى اشكال هندسية معقدة وتصنفه مجلة التايم كأقوى الرجال تأثيرا بالعالم) طبعا هذا نسيبي جان ماخذني على جماعته ويحجون عن فضائل الامن الوطني وانو شكد بخدمة الشعب لان يسوون جفتات لاهل المولدة من يطفونها وكذلك حروبهم الشريفة على اهل السمط مال السمج والدجاج الي مجيفين حي العسكري والجولان عبالك طاب ببواسير شايب فرحت اتفقت ويه خالتي وكتلتلها خل اهلي يطلعون ونبلغ عليهم يم الامن الوطني ولا تكولين لاهلي عود والله مر يومين اهلي راحو يودون فضل لوحدة مسويه عملية زائدة دودية وعود بعدين هاي اجيها ببوست اشعل والد والديها كون سم وزقنبوت يصير الراني ببطنها المهم جان
اتصل عليهم
- عيني الو السلام عليكم الطوارئ؟
-عليكم السلام نعم الطوارئ
-عيني ذوله جيراننه مربين طيور وزواجل وبيتنا مسرمكينه كاشي ابو المرمر وانترس ضروگ يعني ابد ما مرتاحين ويا هلوضع
-عنوانك الكامل عزيزي
-الانبار …. مقابيل …. خلف …. بصف …. فوگ ….. جوه ….
- تم تثبيت البلاغ راح يتم تحويلك لفرع الانبار
-رقم غريب يتصل بكه 📞 : الو مقدمين بلاغ ؟
- اني لزمني اسهال قوي كمت ماشوف دربي خالتي صار عدها اعياء وخفقان ابنها اغمى عليه عباله راح يجون يشيلونه واحد ازراب العفو ارهاب
-عيني اي مقدمين بلاغ ذوله جيراننا مربين ضروگ اقصد طيور
- كتمته من الجفصه خالتي انهارت من الضحك ابنها ختل بالسطل مال التمن
-عزيزي وين مكانك اطلعلي بالشارع
-عيوني هو مو بلاغ سري شلون اطلعلك ؟؟؟؟
-اخويه تطلعلي لو لا ترا ضيعت وكتي
-دا اطلع من باب الصاله التانكي انترس مي وكام يذب عل جادة وترسها مي النعال الكدام الباب قياس 48 جايبي لخوات سندريلا
لبسته رجلي طلعت من عنده وطلعت اركض خالتي دتسد الباب طبكته على ابنها وطار راسه والله فتحت الباب جان يكولي تفضل ويانا لمركز الشرطة حتى تقدم بلاغ
- سيدي مو مفروض البلاغ سري وتطبون على بيتهم تفتشونه ؟
-لتدوخننننيييييي كلتلك ماععععدنا صلاحيييية تصعد لو لا !؟؟؟👮🏿♂️
-سس سسس سيدي ععع ععيونيي السيراميك كله ضروگ بس دك الباب ورزلهم عفيه
-ايسر الغي البلاغ ، جيبلي هويتك بسرعة 👮🏿♂️
- خالتي سمعتهم كامت تبلعلهم مووو عساااااس السالفة سرية لوووو بس فالحين بالجذب والهمبلة اله اشتكي عليكم بالنزاهة
- خاله سكتي لا ياخذوج نوب عبالهم اهل المنطقة كابسين بيت دعاره وننفضح
-هاك سيدي هاي هويتي
-شو وجهك قربه
-ها سيدي ؟؟؟؟
-قرب وجهك اخذلك صورة
-🤳🏻
- ابويه طب واجتي سيارته وشاف الدورية نزل سألهم كالوله احجي ويه ابنك خالتي كامت تصيح عليه تكول كله صوجك يا كواد يا ساقط ابويه ماحجه شغل منظومة القاذفات وترس وجهي تفال اني تعصبت كمت اصيح كتله هسه احرك روحي اذا ما ترزلهم لان ماكو خسوسية ببيتنا والله صدك وسواها وجان يخابر ابوهم ورزله لان ابوهم ميدري بيهم مربين طيور جان ماشوف غير باب السطح انركع مالتهم وابوهم يعفط ويصيح طيوووووووورررررررررر ععععععععععه عوووووو اني صار عندي رعاف من خشمي وطك دم ابن خالتي كام يصيح دم دم دم خالتي طلعت تعيط يبووووووووووووووو عبالها احد تصاوب شافت ماكو شي لزمت ابنها وكتلته بالماسحه جان جنتهم تباوع علينا وتبعبىص لخالتي ابوهم لزم القفص وكسره وطير الطيور كلهن وكلنا فرحنا والله اكلنا الكباب الجايبه ابويه وطلعت اجيب ببسي جان ابنهم يشوفني يكلي ابوك مخابر ابوية كتله لا كال يالله خوش ؟؟؟ههههههههههههههههههههههههههههههههههههههههههههههههههههه
ولو ماريد ادخل نفسي بهيج نقاشات لأن عقيمة
ولكن راح اعقب على بعض الاجزاء من باركرافك
"لما يشوفون صور مثلية تستجيب اجهزتهم الجنسية" احنا كبشر اجسامنا تستثار بسهولة لما يجي الموضوع للمشاهد الجنسية ايًا كانت حتى المشاهد الفردية.
"الكراهية، الخوف، الاختلاف" هذا مو اختلاف هذا خارج عن الطبيعي
ومن اگول خارج عن الطبيعي ما اقصد بي "خارج عن المألوف/ المعتاد عليه"
يعني شي خطأ وغير متجانس. كلنا نعرف الغاية من الجنس بعيدًا عن الاستمتاع هو الانجاب والتكاثر بالدرجة الاساس ف لتقنعني إنو اللي يسووه المثليين شي "طبيعي"
وخلي ببالك إنو اكو مصادر مغلوطة، دراسات مو دقيقة، اخبار وهمية وما اليه من ذلك
وكلمن يبقى بحاله محد يسب احد، كلنا عدنا عقول واللي يختار الصح ميفيد غيره واللي يختار الغلط ميضر غيره
ولاحظ انت انتقدت اللي يسب بنفس الوقت دتسقط بيهم وتكول نفسياتهم المنحطة، بذلك تكون سبيت اللي يختلفون برأيهم عنك.
كلمن يحير بحاله
جنه كاعدين نتغده مركة شجرسكلا (مركة يقطين) اكلة معروفة بقرى الانبار ملتمين ونضحك مطلعين قناة الشرقية جان يطلعون فقرات من برنامج مال جوائز نسيت اسمه للامانة ، سمعنا عماتي يصيحن فزينا كلش ، اجتي عمتي تدك الشباك قوي فتحنا الشباك كالت لابوية افتح قناة الجزيرة ابوية علسريع كال لاختي افتحي قناة الجزيرة فتحناها .... تنظيم الدولة يسيطر على مدينة القائم العراقية وابو عدنان يعلن ان عبد الله أبراهيم عواد خليفة للمسلمين ، اني جسمي قشعر امي وكعت الخاشوكة من ايدها بس اسمعها تكول لا لا لا لا ! بصدمة وتبجي ابوية يباوع وعينه بدت تدمع كرايبنا بصفنا كله صوت عياط منطقة جدي جانت عبارة عن قرية بيها بس كرايبنا بحكم اخو جدي جان الشيخ فهي كل مساحة القرية ٥٠٠ عائلة جانت كلها من نفس القبيلة ، اني ما عرفت خطورة الوضع بس من ردة فعل اهلي عرفت الشي هذا مو عادي ومن شفت لحية وسيوف ولبس غريب ورايات سود عرفت احلامي انهارت ، رحنا من بعدها اني وامي واختي للحبانية لان جانت منطقة امنة بيها قواعد امريكية واستقرينا هناك يم بيت جديتي تخابرنا اختي الثانية بالليل ابوية جان نايم برا بالصبة اختي تحجي علكيف وتبجي تكول لأمي يمه بالبيت همه امي مصدومة سوت كتم للتلفون وكامت تلطم هيه وخالاتي ، اختي بداخل الكاونتر محبوسه وفاتحه الخط ونسمع ، نسمع خطواتهم القوية وصوت انفاسها وهيه مرعوبة لحد ما طلعوا ضلينا على الخط وياها ٣ ساعات ! امي بسبب هلموقف اخذتنا ورجعنا للقرية من رحنا للحبانية طبعا عبرنا النهر بالبلم والطلق فوكانا بين جبهتين وجانت السيطرات تفوتنا بسبب امي لانها شيعية من البصرة طبعا لان ما جانت اكو طائفية . كلها ايام وتم اعلان سقوط الانبار بالكامل ، اختي كامت تروح للمدرسة بنقاب طبقة وحدة تنصع بالصاعق بصاعق امريكي من ترزلها الحسبة تكلها كاسية عارية متشبه بالامريكان اختي تنصع لان ردت عليها وكالتلها الصاعق امريكي البيدج ، اصدقائي الي العب وياهم ونبني بيوت من سعف ونبوك تفاح من المزارع اشوفهم بوجوه سوداء عيون حادة انعدمت البراءة اشوفهم يكبرون هواي ويوزعون المدكوكة (حلى انباري) من يموت واحد من الجيش ، جانت الناس تنافق وناس انكشفت حقيقتها ، امر بصف الجمعية اشوف تلال من بواكيت الجكاير تنحرق ابوية المدخن جنت اول مرة اشوفه هيج مكسور ابوية الجان بس يضحك ويانا مكسور عمي منعرف عنه شي راح يقاتل ويه الجيش عمي الثاني يقرأ قران ويدعي ، اضطرينا نواجه كل يوم عوائل حلبية وعوائل من هواي جنسيات منهم عوائل شيشان وحتى فرنسيين تجي تباوع على بيتنا وتكول لزوجها اريده ، نكعد نرفض ونرفض ، المناهج شوية شوية تقل اختي ترجع تكول لأمي يمه ماكو فيزياء يمه ماكو احياء لحد ما جتي بيوم يمه الدرس جان بس ساعة علمونا بي واجبات المرأة !! امي تكره هل امور كلش هواي جانت شجاعة بنظري هي الوحيدة الي مالبست القطعة السوده الي تحدد الشرف النقاب الي يخنكها نروح للسوك يشوفها طفل ١٥ سنة شايل سلاحه ورافع ازاره يصيحلها غطي وجهج يا حرمة امي تصيح بي وترفض جنت الزم ثوبها واكلها يمه بس لبسي الله يخليج لحد ما رفع امرها للمفتي وصدر امر الجلد بحقها ابوية اجه وصاح هاي مخبلة بيها امراض عقلية اعتقوها يالله عافوها ، العلم العراقي ماكو بكل مكان بس رايات سود المحلات مال القرطاسية الاحبها انسدت ودخان بكل مكان العمارة الوحيدة الي بمركز المدينة انفجرت الليل الي جان بي صوت الصراصر والعكارك صار صوت الطلق بي وقصف قوات التحالف وتكبيرات مرعبة نكعد الصبح نلم الطلق من الحديقة ، اخوي واني كل يوم تجي ورقة ملزوكة على الباب من امير الدولة الى شباب الانبار كذا وكذا وكذا واهمية الجهاد كذا وكذا ورقم المعسكر للتقديم ، تدرون وين المعسكر ؟ مدرستي ، مدرستي الي جنت اروح ويه معلمي استاذ فراس بيها مدرستي الي جانت كل خميس ينرفع النشيد العراقي بيها واطلع القي قصيدة بحب الوطن ويصورني استاذ فراس ومن اكمل ينطيني شارة الابطال وهي قطعة شريط احمر بي دمبوس ذهبي جنت اشوفها ترفع مكانة الطالب واتفاخر بيها ، مرت الايام وطلعنا اسمع ابوي يكول لجدي ماكدر اضل الويلاد راح تنغسل عقولهم طلعنا جانت عاصفة ومطر جنت بالبيت اضم العابي ورسوماتي اباع عليهن بحسرة رحت قبلها بيوم المغرب لعماتي شافني وبجن حضنني وجابني على الجمرية اتدفى وطلعت عمتي قمصلة خضرة كالت هاي ضامتها لابن عمك بس حتلبسها وتتدفى بيها انت ، اخذتها كعدنا الفجر صوت الطلق بعده عماتي لبسن الملفع وطلعن يم السيارة لازمات الجامة ويبجن يباعن الي امي جانت تسكي النباتات مالها لاخر مره وتباوع علبيت علمطبخ والدانتيل الابيض مال شرشف الفرن وكتاب منال العالم وتودع كلشي وراها ، طلعنا كلنا منصين راسنا من الطلق نخاف لا تتصوب الجامات تمشي السيارة بين النخل وصلنا لسيطرة رفعوا سلاحهم ومن بعد كلام هدونا نروح ، اني مجنت مرعوب جنت طفل خسران كل شي بس غني بالذكريات جنت اباوع على النخل بأمل واتذكر بابا وخوال ابوية من يمشون بنفس هلطريق ويضحكون جان يجي ابن خال ابوية يعصر جتفي قوي واني اضوج تذكرت كل هذا وانقهرت بداخلي على الخسارة العظيمة ... وصلنا للمعبر هواي ناس على طريق ابو غريب هوااااي وجوه كلها نفس الطابع عيون حمره ومعبسين ، ضلينا هيج ٤ ساعات منعرف مصيرنا لحد ما اجت عائلة ابو جمال من اهل ابو غريب استقبلتنا اخذنا بالكية مالته بيته جان خانق بيتهم مطر قوي البطانيات رطبة جنت مغمض عيني واتذكر عيوني غركت من البجي كلبي احترك صار حار جمر اتذكرت كل شي حلو وكل ساع اتذكر لحظة دخولهم والخبر على التلفزيون واغير سيناريو ببالي ارضي نفسي بي حتى ما انكسر اكثر ، كمت من فراشي رحت على جنطتي بيها شيشة عطر صغيرة وكتاب قصص شميت الكتاب وتذكرت الكتب الي ماجبتها وكتب امي الي انقذتها ، امي حارسة المكتبة مال المعهد التقني الانبار انقذت ١٥٠ كتاب من المكتبة بعد اسبوع من السقوط وهربتهم والباقي كلهم تعرضوا للحرق الكتب للان بمكتبة بيتنا حتى مخطوطات بيها وطبعات اصلية من مكتبة بيروت ، المكتبة الي جانت مكاني المفضل وجنت اشوف حرق الكتب اعظم جريمة يسويها انسان المكتبة الي جنت اني وابن صديقة امي مسيحي من الحمدانية جان يلعب وياي بيها ، صارت رماد كلها ، كعدنا الصبح ما تريكت رحنا للغزالية بيت عمي بيها كعدنا يمهم جنت مصدوم بجمال بغداد بس بداخلي فراغ ، مرت الايام وطلعنا لأربيل بطيارة كعدت اختي بصف لقاء وردي واني كعدت بصف الجامة واباوع واشوف . وصلنا واستقرينا شفت مكونات ثانية مثل الكرد والايزيد جنت مستغربهم كل يوم جنه نخابر عماتي ونسمع احوالهم ماكو حتى اكل عدهم بس خبز اسمر يابس وبصل وطماطة ، جانوا الجماعة يبوكون الهوش والحلال ويذبحونه للدو11عش وعمامي رفضوا اكل الحرام هذا وفضلوا الخبز اليابس والكرامة ... ردنا نغير جو طلعنا لبارك سامي عبد الرحمن جانت اول واخر مرة اصعد زحليكانه بحياتي !! اي عزيزي اول واخر مره جنت اصعدها وابجي اخاف كلش مستغربها ضلينا نفتر وسعيدين جنه كاعدين اجه اتصال من والدي لأمي امي اغمى عليها كبل اخوي انشلت رجله ووكع كمت ابجي ماعرف شكو سألت شصاير ، عمك استشهد الخبر عرضوه على قناة افاق هو حرر قرية البوحياة بحديثة وطبعا استشهد برصاصهم واجه ابن الناصرية يدافع عنه حتى ينتشل الجثة وتصاوب ومات شوفوا يا زعاطيط الطائفية !! غدرهم طيران التحالف الدولي وتأخر بالقصف ، جديتي من مارد عليها عرفته استشهد هيه جانت بعدها بالانبار هيه والبنوات تكبيرات بكل المدينة وتوزيع البقلاوة بمناسبة استشهاده لعمي تخيلوا النذالة بس تخيلوا !!! ، عمي الي جان بمثابة ابوية عمي الي اعرفه من بعيد شايل نفاخ وكارتون موز اعرفه رجع من الواجب وجايب هدايا النا عمي الي للان يجونا ناس تحجيلنا شكد صاحب فضل عليهم عمي الي كافل ايتام واسر كاملة عمي الي خابرنا قبلها بيوم الساعة ١ بالليل اختي تنصب عليه كاللها اني فاعل خير واساعدج بس عذريني اني متزوج وضحكنا وخابرنا زوجته وكللنالها شوفي طلع شريف ميخون ، استشهد بيوم ميلاده ١ فبراير ٢٠١٥ عيد ميلادي ٤ فبراير بعده ب٣ ايام مفروض ، عمي الي جان يحتفل بعيد ميلاده وياي ويأجله ، ماسويت عيد ميلاد لحد هسه ماسوي ارفض ، هذي مو ذكرى ولادتي هذي ذكرى استشهاد عمي وحبيبي واقرب الناس الي ... مات وراها بشهر عمي الثاني من القهر على اخوه ، عمي الثاني الي علمني جدول الضرب والجمع والطرح وعلمني ديني والكتابة والقراءة ... ما اكمل واكتب اكثر بس حياتنا انتهت جدي مات ايضا بسنة وراهم من القهر عماتي كلهن عنسن وما تزوجن ولحد هسه لابسات الاسود وجديتي تهذي وترجف لحد هسه وتحلم بولدها . الي مرينا بي احنا العراقيين مو قليل بس اتمنى تنتهي الطائفية لانها مفتاح الاعداء لتخريب العراق .
طبعا بهيج يوم قبل سنة ونص هيج سنتين جنت رايد اروح للحلاق هاي السالفة بالصيف اني كاعد بمنطقة بالانبار جنها قندهار نقاب وشيوخ بكل مكان ف اني بعمري ملابس دشداشة غير مرتين المهم من اطلع البس لبس بيت طبيعي تيشيرت وبجامة المهم والله طلعت اتمشى الحلاق يبعد تقريبا مسافة نص ساعة مشي عن البيت لان صحراء حرفيا ومقابر لازم امشي على شارع خدمي بينهم حتى اوصل (بيتنا بصف ٤ مقابر واصلا مبني على مقبرة) المهم والله دا امشي وكفتلي سيارة كراون ربها كامز وريحة دجاج على مسك على خرا يابس (خشم جلاب عندي) اني بطبعي ما اصعد ويه عبرية اخاف كلش المهم بيها جان شايب لابس عكال ابيض وسترة ودشداشه ومناظر جنها جعب استكان المهم كالي خالي اصعد وياي اوصلك بدربي كتله مشكور يالعم تسلم الدرب قصير كالي لا والله ماخليك بهل شمس لا يصير بيك ابو صفار وكعد يلح عليه اني ضحكت وكتله يالله نتوكل عمي صعدنا والله مد ايده وسلمت عليه (ايده جوزية مكرمشة مدبكة جان يلعب بخشمه يمكن) المهم سلمت عليه وكعد يسألني عن عشيرتي ومن اي عمام اني (السؤال الي يسأله 99.99% من اهل الانبار من ضمنهم اني) جاوبته ومدح باصلي بس كال سالفه صفنتني (احنا عشيرتنا فقدت زلم هواي بحرب داعش هواي ماتوا) ، كالي هاي حرامات النساوين ضلن كلهن ارامل كاتلتهن الشهوة هههههههههههههه؟؟؟!!!! اني المطي صفنت وضحكت من الصدمة ، شفنا مره هيه وابنها دتخابر منقبة طبعا جان يدكلها هورن كاللها اصعدي فهيه باعت عليه جان تمشي بعيد اني استغربت هوه ضاج كال همزين ماصعدت هيه وط.يزها تروح تدك السيارة وتتفلش الكراون اني شوية وازرب علروحي من الضحك جان يكول هيه هاي الارامل من ينكسر ظهرهن محد يلزمهن بعد لازمات النقال ويبعبصن بي باوعت عليه ما رديت كلت خاف اعارضه ويقيم عليه حد الردة والله هوه يمشي علكيف ٤٠ تقريبا وحقه لان الكراون الصاعد بيها الي يعطس يكوم محركها من الصدمة كالي اني وحداني وما مرتاح ز*يبي اني هنا وجهي شلون الصورة حرفيا منا ريحة دجاج وجلاب ميتة بالمكابر يعني ولا chanel n.5 تحس نفسك كاعد بفرجة مال تواليت كتله عمي تزوج جان يضل ساكت وصلنه للحلاق كتله اوكف هنا ، كال ماعدنا شي!! هنا اني رسميا اعلن قولوني حالة الطوارئ مغص على اسهال على امساك كتله وين عمي الله يخليك امي مجلوطة وكمت ابجي كتله عوفني (جذب امي جانت تحف) صاح عليه كالي اصبر جان كال خل احطلك ريحة (عطر) مرسوم عليه وردايه وهبد بالأردي مدري الفارسي اني هنا كلت لا يالله هذا هايج هنا فعلت وضع المسيجين كتله بي ربو ماريد كال ها حرامات كتله معدي ترا هذا عمو دربالك كتله نزلني جان يوكف كال يالله واعذرنا جان شو يجلب بايدي هنا رجلية خشبت جان يجرني وباسني من حلكي اني ما مصدوم من البوسه (ريحة حلكه مي باكلة ناسينه بالفرن وبنصه حفاظة مال جاهل شارب لبن مو حليب وصاير بي زحار واخوه جاي ومزوع بالحفاظة) لوما الله يرحمه ويرحمني جان زوعت بنص حلكه خليته يتوب جان يضحك كلش قوي بهستيرية اني سديت الباب جان مينسد غير اعوفه واروح ؟ لا عزيزي فتحت الباب وسديته زين هذا انتهى من الضحك جان اكوم امشي شافني ولد صغير ضل صافن عليه جان يشرب عصير يومي مال عنب اني اكره هذي لنكهة نوب تفل (تفلته كلها بلغم) اني انهاريت جان اجرها زواع وصلت للحلاق جان يستقبلني حلاق ثاني ما اعرفه اسمه ابو جوري (من اسمه عرفته دوده) كعدت يحلقلي طبعا نسيت اكلكم (شكلي حلو ما امدح بنفسي بس اطك بالكاع) وصلنا لفقره الشوارب جان شيسوي حط اصبعه بحلكه ترسه تفال وحطه على شواربي خشمي كرف الريحة صعد ما تبقى من الزواع مال حجي لحلكي بلعته من المستحه المهم باوعلي بنظرة فول شهوانية وكلي اشيلهن كلتله لا بقيهن والله وكملت دا انطي الفلوس كوه يالله اخذهن غسلت جان اطلع ودا ارجع للبيت جان يشوفني وغمزلي كالي نعيما يحلو اني باوعت بوجهه نفس الصورة والله رجعت للبيت سبحت فتحت الانستا نشرت ستوري الي صارلي تفاعلوا وياي الوادم واحد رد يتعاطف وياي والله جريناها حجي جان يدزلي صورة سلاحه كال اوفف لو يمي اني هنا اعلنت النفير العام طكيتها ببجيه وحذفت الحساب قبل لا احذفه كلتله انت وحش كلكم وحوش كال اوييييي اني من الصدمة بجيت نوب سديت الفون ونمت جان ابوية يكعدني ضربني على طىيزي كالي اكعد وليداتي باوعت عليه شلون الصورة كتله حته انت؟ ابوية الله يحفظه كلش يحبني طبعا جان يشاقه بس كد ما صار عندي تروما شملت حتى ابوي بيها وبس